¹ Ma rozi malelendo ri! Di diadu ofu ma jwile anyini vu erizo ri’i. ofu dipi critwadu mobi ra loso rii kele anyini, ma anyi eraka nga dipi a digesi. ² Male anyimaa lejo profetaa ole rii pi ajole eze rii eraka, cara ama opi pi aridipi a kele anyini leti anya maju di si rii to. ³ Ati joleri kule anya ra odu vule ri si ha zipi anyi engalika lindi injwi ri si kevo ketederu ra kevo ki kengali ki anyi ra. ⁴ Kujo ki: Jooanda kemu na, emuraya? Anda ni inguwa? Ama abi pi odaki ra ki nga vu di ge ri tuadu kelende andani eze vu bizo ri ani. ⁵ Legweki lejo anda di andidu, andani eze Rubanga jo lejo dii, bu pi biru vu to ra, vu enga iyi aa ga ongu biru iyi si. ⁶ Ki vu atiri enjiru ra iyi elure ri si. ⁷ Ki ba vu to olure diyadu di Rubanga baa ngana lejo alu ri si asi ni enjile. Baa ai nga ni tema adu evo zo ba asi injwi rii a lejo ni lalizo pi ai enzi zo ri ni. ⁸ Ma vozi ma lele ndo rii, ekelegwe lejo di alu sa ku! Opi aa mgbimgbi ni iyo desa odu alu ri ni aga, nosi kinga alifu ubi ubi sai, anda ni eri tuwa viru ki ra. ⁹ Kelende ba zipi a raka ri ani opi ekalaru nga andaa ecarale ri ni ga ku. Rarii kolu anyi to imbwe si, adusi andaa le alusa modi zi ni renji kara ni ku, ki rarii anda le ba cidu karu enji aidi ra. ¹⁰ Ki odu opi di kemu kelende ogu ani. Oduna ninga bu kelegwe uduku ambugo ri to, nga bu agaa ri kevo kugwe ra. ¹¹ De nga dipi kenjeru dini na, anyevo anyolu ba ingoniri’i. kule anya lidi kolu ole pi kaziru Rubanga ni. ¹² Anya odu Rubanga dii lutekasi, anyi ba asi odu opi di bu aa emuzo gwere pi renji zo pi emuzo akare asi sir i kemu du eze. ¹³ Ki ama tee bu udi pi vu udi lejo anda dii evo zo olu zo laka Rubanga a ecarale ri tere ga. ¹⁴ Disidu madinji ma lele ndo ri, any odu nani teka si, anyiba asi olure ga Rubanga ni anda ga imbwe si enji ako. ¹⁵ Anyinde nga opi a lenile rii luzu kaa ako. Odu onda anyini kore rarizo ri kere ri kelende bwa ama adozi lelendo Paulo a jwile ciri Rubanga a kele anda ni ri si ri ani. ¹⁶ Ofu Paulo acwi le ri niga anda kunge nga lejo dini dige kujoo dini. Nga zipi anda ofu ni agar ii opkwo, ba mamali ongu mori ako rii kunge kii ‘dimba na enjo du, kelende aia edeka ewo buku ole ri di zi pini gar i ani, kenjiru ki te sa aiangasi. ¹⁷ Disidu marozi anyi ni nga di eze si ra. Anyolu baba ayosi du anya dii ni maraga ku, anyolu tee saa anya kare ni ga. ¹⁸ Ki anyenja tutu pi ciri ama opi pi aridipi yesu kristo di ni. Eku kolu andani diaduu liti tadu Amen.