¹ Profetaa enjo rii eze si saa 'bani lelega aa, alu ri ani laponyia enjo ri sa kevo kolu anya lele ga aa, kevo kezikii vuruvuruni le'jo 'ba enzire pi lini anda ku ri to, kuko kugaki Opi a'i ni gere ri imgbe. A'iangasi kuko keziki ecandi a'iadige emi angwadu. ² ' Ba amgbu rii kevo kokokii endi injwi ri avu ayo nga ai’a edele ri si.ayosi 'ba kuvo ku'jo nga injwi leti gba 'di a dige ra. ³ Ai’a 'amgbo si, laponyia enjo 'dii kuvo kelenikii anyi le'jo enjo di si dudu a'i kesu nga anyidi si. Ti le'jo a'idii laliru baba, kemu sese, pi a'ia da ni ekalaru ku. ⁴ Ti de Rubanga e'be alusa malaika andani Andaa di ni atukara ri lamgba ako ni kuru, ti wa a'i asi aga, ombe a'ia di cwi nyori si vu ini tiri ri ni aga, kutekii o'du le'jo lalizo rii. ⁵ pi de Rubanga e'be 'ba andani vu eze ri ni ge ri lamgba ako kuru, rari lari Nua ni mo'di le'jo anda anda di ni ngere rii, 'ba zi tuderi to, e'be iyi elure nja ri 'di 'ba vu dige Andaa ni orika ku ri ra, ⁶ pi de Rubanga ke lamgba 'ba Sodoma pi di Gomora to ri ni,du a'i asi si. pi enji a'i ra dudu ke'dete du nga mure redere 'ba Rubanga ori'ba ku ri ni rii, ⁷ Ti lari Loto ni mo'di loso asi lajware 'ba cara ekukare ku ri a lidi injwi ri si ri ra. ⁸ A'dusiku mo'di loso ile, olure a'ia lelega o'du tuwadu si ri a nga injwi a'ia edele ri ni ndeka pi erika si, asi na lajwara okposi. ⁹ De Opi kede nga 'dipi 'dini, ku'joru Andaa ni 'ba Rubanga ru'ba ri ni larika lu'bilu'bi agasi ra, pi 'ba ego ri ni ekukare ga saa lamgba o'du le'jo lalizo ri di ni te zo. ¹⁰ Ndondo na 'ba fuco ru di a vu ni okoka pi 'ba 'ba amba ruka ku ri pito. 'Ba di okpo pi asi okpo pi kecurukii, kekii laru alusa ku nga eku to ru'buge ri ni, rarii kulu'daakii ludaa. ¹¹ Anjeli okpo to zwa a'i ra ti esikiki a'i Opi ni anda ga la'da to ku. ¹² 'Ba 'dipi kolu anyukwa nga raka kpe ri ani, oti a'i da ni. Nikii nga a'ia lu'dale ri ku. A'ia nga enjire ga avo enji a'i saa ra. ¹³ Kevo kesukii icandi ayo, nga injwi a'ia edele ri si. Nga a'i kanjoru du itu asi ri te fuco ru di ni edeka. Anya remurega a'ito linya ga ri a'i laru ako, kedekii nga dinja kere ri ayo, saa tuwadu si kulu'jokii enjo ayo. ¹⁴ Leki nga zi ku, rari kundekii nga uku bate ri di, fuco ru di ni edeka ate a'ini ku, ku'baki 'ba mori ako ri ku'de enji aga, pi taki asi 'amgbo ga. A'i 'bonji alule ra rii. ¹⁵ Ai’a leti anda ri ni e'beka si, legweki a'ia leti ra pi kokii leti Balamu ori Beori ni rubia esure nga injwi edeka si ri ni leka ndo ri di 'i. ¹⁶ Ti e'ja andaani enji andaa di si ra. Kaino ti ako ri 'jo nga u'duku 'ba di si, ede profeta ile a nga edele mamali du rii cwi. ¹⁷ 'Ba ovi 'dii viru idi njure ra ri to, ongu lofu oli a ngile pi ri ani. Rubanga ede a'i ni kare vumudi ini rere ri ni aga. ¹⁸ Kecurukii pi kulu'jokii nga mamali du. Ke'buki fuco injwi ru dii ovi asa di si, kulunjwaki 'ba le'ba a'i kunga pi lidi 'ba olu'ba enji aga ri di ni aga si ri dudu kungwikii vule. ¹⁹ Ku'jokii a'i kuke 'bani di mgbo, ti a'i gba ri opigo lidi injwi ri di 'i, a'dusiku de le'jo zwa mo'di ni mi ra, andaani opigo nga andaa ni zware ra ilei di 'i. ²⁰ De 'ba e'be lidi injwi vu di ge 'di ra ama Opi pi amani larire Yesu Kristo ni nika si, de 'deki lu'bi ga pi lu'bi kuzwa ai’a mori ra, 'ba 'diani ri kevo kolukiii ecandi injwi ri ni aga kuzwa andani ati ri ra. ²¹ Kesu duba kunikii leti andaanda di ku, kuzwa a'ia nika ra pi kudikii nga pi cara okole a'ini larire ri ni ga si. ²² Le'jo 'bele 'di viru a'ito, a'jo, " oke kungwi andaa o'bwe ni mbere,pi rabala jwele ra ri kungwi lu'dere ga otoko'du aga."