¹ Ati iyye, irara hirro hunna obis to hitiyana no heruhok. ² Hotobiaŋa hiyyo hullo hittaha orrua to hiro nohosie, isiara hatara hiyyo hullo obis, hegigile na anyar to huruk, to mune, iko to dihan. ³ Isiara ŋorwo hunna hittaha hidofe daŋ hotodule hituhuta wati innohosie no obis, hotobiaŋa emumuaŋa. Hotobiaŋa hidofe amata balu no. Isiara hetiyanai hirro inno olibo ⁴ anyar etiyen isia ŋorwo hunna ha ara nyarhalu anyar omuno liawa iko durre illohosie. ⁵ Isiara hetiyana isia anyar egigilo isia no obis, to libe, ojo hidofe hatara heniefitak inno hajik innohosie na anyar hijo anyar efaha isia to liawa illohosie. Isiara isia hehuma hirro innia anyar obe hiyyo omor hiram no Hollum. ⁶ To hikoi nia, isiŋai liawa nyarhalu hulo hegigile na anyar. ⁷ To hirro inia isiara wan nohoi ahitihuti negiem nolibo; letiyana iyye, itihutek bisan, baŋa iko hira atuŋani lo obis. ⁸ Irara hirro inno obis no obe hipali, anyar adaha irri tuŋani lo obe awak iyye, nyo obe iso inyia oremik wuana he innak hirro inno orru to hoi. ⁹ Isiara hepitok daŋ heruho hirro daŋ inno ojio ettaha illohosie. Isiara hetumuno isiara, hotobiaŋa orrija iko isia. ¹⁰ Hotobiaŋa ahahala hirro tara hosie kaikai. Ati isiara isia hetuhutek daŋ to huruk no olibo, hijo anyar etihabwo isia hitiyana nohoi to hiram no Hollum iko hetilahani lohoi. ¹¹ Nyo oliew hamehini no Hollum nia eyani iluahiti to iyyohoi. ¹² 12Odule hitiyana iyyohoi harisari hirro inno obe ara inno Hollum iko iwahiti inno fau. Etiyana iyyohoi hamanyari to bisan, iko to libe iko to hirro inno Hollum to hilahaji inna, ¹³ erriŋa iyyohoi ahosiere hijo anyar efwotu iyyohoi heyik na ajaha, haliew no ohuo no Hollum iko hetilahani lohoi Yesu Kristo. ¹⁴ Esio Yesu wan nohonyie te iyyohoi anyar enyiahu iyyohoi tara hiyyata innohoi ojo efahak iyohoi hefie tara hitaban atta hitilibo iyyohoi, nyo ara iyya, hatunani lo hiyyo ilia hullo egiama hirro inno olibo. ¹⁵ Irara hisiŋa, isiara hituhuti nohoi to hilohittok. Hotobiaŋa lobo ebo iyye.