1
Ifa to nobo far, etiyana if Yesu hiyo te kelesia ata hidofe hittitto hiyo sayye ŋejuk to Haji Imojit netok, afanu ifa ettaha ilo fadirihien ojo hegiorok ho hiyo ilo hittaha.
2
Ata hiro to honye hijo, “Ilimak iyohoi hijo tanari golon nia egiamari iye hiro inia? Harra ŋai lia esio to hoi hilohitok nia?”
3
Ata inya hitiraŋ Ata hijo to hosie, “Efi iso hido naŋ itai hifita. Ilimak naya.
4
Hibatiso no Yoani. Otu ifa te ido kuya tara tuŋani?”
5
Erotta isia to wati te inohosie hijo, “Kuya lojo iyohoi, ‘Te ido,’ oremik iso inya hijo, ‘Owuon ati jiai obe itai eruk ta hanaŋ?‘
6
Ati lojo iyohoi, ‘Tara tuŋani,‘ ata hiyo daŋ hidoŋ te iyohoi, nyo odule isia hijo ara ifa Yoani hekilani.”
7
Nia etiraŋ isia hijo obe isia oyen hijo hotu mahu tai.
8
Ata Yesu hijo to hosie, “Efi iso naya itai ojo itai ebe elimak naya hijo hotu golon ne egiamari naŋ hiro huna.”
9
Ata inya elimak to hiyo hitiriami ina hijo, "Edulak ifa lobo tuŋani mana no honye, ata etijurak ata iko fino ata inya eno adoŋe nobo na alama ata manya dia man fur.
10
Ifa lotubai holoŋi ino fino ata inya efahak inya hegiamani to mana nohonye, ata hijo, hesiara inya haŋer ino honye. Ojo hegiamak ata hibak inya, ata efuhak inya ania obe esio to honye haŋer.
11
Nia enyak inya efahak lobo hegiamani lia ata isia daŋ higiem to honye hiro ino eyani iri Ata hidofe efuhak inya ania.
12
Ata hiinyak efahak hitahunihi ata ajurak liya eriafu inya ata ebiru inya abali.
13
Nia ejo monya mana, ata monye mana hijo hegiem iso mahu naŋ nyio. Ojo inya efahak iso naŋ onyi hanaŋ la amuno naya. Kuya oremik iso isia baŋi inya. ‘
14
Ifa le ewolo hegiamak inya, ata isia hiro to wati te inohosie hijo, “Harrutani ileŋ” hetittohe inya, ara lorutat huna daŋ inohoi.'
15
Ata isia ebiru inya ade to hotuai ha mana, ata attohe inya. Nyo iso oremik monye mana higiem to hosie?
16
Otu iso inya attohe haromok mana no fino, ata hisio mana no fino to hiyo ilak.'' Ifa etiru isia ata isia hijo, “Eyyumo Hollum!”
17
Ati oriŋa Yesu to hosie ata hijo, “Hetuhutek hiro no ojo, 'egioro hijo: moruo nafa ebo haduhok, awoŋ hira moruo nalara mirik na haji'?
18
Lobo tuŋani lolohuyik to hide ho moruo nia, owuro iso yisyis. Ati to tuŋani lohuyik inya tohosie, “Esiak iso inya."
19
Ata hegiorok he habouk ilo fadirihien siaha hhei hijo ne ewak isie attirok has inohosie to honye ta saa inya, nyo eyen isia hijo ero ifa inya hitiriami nia te isia. Ati abaŋ ifa isia hiyo.
20
Oriŋa ifa isia inya to oger dee ata isia efahak haliamak ile ehumak wati ilohosie iya hiyo ilo obis, hijo anyar erumu isie hipali to hiro nohonye, anyar esio isia inya te etok he mamur lohosie.
21
Ata isia hifi inya hijo, “Hetiyanani, eyen iyohoi hijo ero iye ojo hidofe etiyana le ebis, ojo iye ebe eruk hiro ino lobo assai, ati etiyana iye ibisiti no hhei no Hollum.
22
Holibo iso to hoi hadumari musuru to Kesari?"
23
Ati oyen ifa Yesu hinyaba nohosie, Ata hijo to hosie.
24
Ituhutek ta hanaŋ rial. Na ŋai rijiori inaŋ nowuon to hiji honye! Ata isia hijo, “No Kesari."
25
Ojo inya to hosie, “Isiara to Kesari hiro ino Kesari, ojo to Hollum hiro ino Hollum.”
26
Obe ifa hegiorok he fadirihien ilo hittaha oremik arrumu hipalita to hiroinafaero inya to hosiere ho hiyo, etira ifa isia to hitiraŋi nohonye Ata aduehini.
27
Ifa afanu Sadusahien to honye, hiyo ilo ojo hijo obe nobo hebuhu,
28
Ata isia hifi inya hijo, ''Hetiyanani, egiorok ifa Musa te iyohoi hijo loye halasi tuŋani, ojo inya owon ho oŋorwo ojo ifa isia obe owon ho hito, anyar eyari oŋorwo halasi honye, anyar esiu hito te ilasi honye.
29
Nia owon halasira hatarik ata oŋieu lohosie ayemu hito noŋoruo
30
Ata ye obe hito. Ojo hidofe ilasi hitarihi.
31
Adumu halasi hitahunihi inya amanyari ojo hidofe hitahata rihi Ata ye obe dure.
32
Nia ta halu, ata hito noŋoruo inya ye.
33
Ati to hebuhu nohosie hotu iso inya hira noŋoruo ŋai? Nyo Amanyari ifa hiyo ile hAta rik inya anoŋoruo hosie.”
34
Ata Yesu hijo to hosie, “ayama onyirok hafau ina ojo hidofe esio to hiyama.
35
Ati ilia ilo osiru to hilahaji inya anyar efotu hebuhu tara hayok, obe enyak yama ojo hidofe obe esiarahini to hiyama.
36
Obe hidofe isia enyak ye, nyo erri isia he anjilohien ojo hidofe ara loyirok ilo Hollum, ojo hidofe onyirok ilo hebuhu.
37
Ati ebuhu iso hayok, etihutehini ifa daŋ to Musa ta mai no tim, ta mai no hima nafa Eliloŋori inya Habu Hollum lo Abramo he Hollum le Isako he Hollum lo Yakobo.
38
Eyyania enya inya halara Hollum la hayok, ati la hawuarak, nyo amanya hiro daŋ to honye.“
39
Etiraŋ ilak hegiorok, “Hetiyanani, etiraŋak iye nolobis.''
40
Nyo obe ifa isia enyak wahan hifia inya hifiita arria.
41
Ata Yesu hijo to hosie, ''No nyo ojo isia hijo ara Kristo onyi Davide?
42
Dede, ojo Davide to Buk no Hidolita hijo, Ojo Habu to Habu lalaŋ, 'Itolojo ta hani he inyat hanaŋ,
43
man ehumahini naŋ miorok ilohoi ahitoloji nohoi.'
44
Ata Davide hililoŋo inya Kristo 'Habu', hara iso inya jai onyi Davide?''
45
To hitira no hiyo daŋ, ata inya hijo to hejufutak ilohonye,
46
"Ihuma riŋa hegiorok, ila awak loton hifitita ino boŋojin isagaha, ojo omuno hifonya no ogol to masik ino hiinyaŋita, iko hitolojita ino hosiere ta masik ino imojiti, iko masik ino hosiere ta masik ino karamat.
47
Eturruo hidofe hajik ino ihidahi, etuhuta mojo nohosie ne esaga. Hiyo ilo owon ania, omoju iso isia ŋoto no obolo.''