1
Afanu ifa ilak hiyo to Yudea ata hitiyana halasirak, hijo, "La agotoiye to hitudwarita ino Musa obe iso iye eremik etilohini."
2
Nafa etiru Paulo iko Barnaba rija iko hitiraŋa ho isia, ata halasirak hijo Paulo, Barnaba iko ilak anyar ofu a Yerusalem te efahat iko marwak to efiari isia.
3
Ati iya efahak kelesia isia, ofu isia a Afonisia iko a Samariai ata elimak hiloito no Jentail. Eyani mune netok to halasirak daŋ.
4
Nafa afanu isia a Yerusalem, ata kelesia etiboŋu isia iko efahat ojo marwak, ata elimak daŋ hiro inafa egiem Hollum he isia.
5
Ati owuon ifa hiyo ile eruk, ilafa owuon te iluluŋ no Farisei, odioto ahide ata hijo, "Olibo ida logoto isia ojo elimak isia heniafa hifahita ino Muse"
6
Niya ata efahat iko marwak atubahini daŋ nobotie anyar eruk hiram nia.
7
Ta halu ho rija, odiote Peturu ahide ata hijo to hosie, "Halasirak, ifa beren onyimu Hollum to hiji hatai, hijo to hutuk nanaŋ anyar etiru Jentails hiro ino olibo, ata huruk.
8
Hollum, lo oyen taji elosut to hosie, esiara to hosie Oyiri lo Olibo, iya egiem inya tohoi;
9
ojo inya obe egel iyohoi he isia, hehumak tajia ino hosie hotolibe to huruk.
10
Iyania no nyo eciem itai Hollum, hijo anyar efitak itai moru to muto ho hejufutak nafa obe monye hohoi iko iyohoi eremik hidik?
11
Ati eruk iyohoi hijo to hamailehini no Habu Yesu, etilohini iso iyohoi, iya nafa hosie."
12
Odwehini ifa iluluŋ liŋliŋ ojo isia etira to Barnaba iko Paulo etuhuta hililihita inafa egiem Hollum to Jentails iko te isia.
13
Nafa etiwet isia hiro, etiraŋ Yakobo, hijo, "Halasirak, itira ta nanaŋ.
14
Elimak ifa Simone jai to hitieri to hamailehini no Hollum oluak halufak anyar eyari tara isia hiyo to fure nohonye.
15
Eten hirorita ino hekilak iko ina, iya egiorohini,
16
Ta halu ho hiro huna, enyak iso naya aduhok titi no Davide, nafa owuyei afau; Ehuhumak iso naya ojo enyak aduhok turo nohonye,
17
anyar ofitot ilo hiyo hotosiahai Habu, iko Jentails daŋ ilo eliloŋo to fure naŋ.
18
Inya nia nafa ojo Habu, ŋai ehumak hiro inafa ho beren hotoyen hiyo.
19
Ati, egigilo naya tiji, hijo hotobiaŋa iyohoi etigiama Jentail ilafa oyito to Hollum;
20
ati nia egiorok iyohoi go hosie hijo anyar isia erwat tara imuruti ino johin ho hiya noŋorwo olobe hiyama, ojo tara hiro, ojo tara hoto.
21
Teya Musa to hilahajisian no maruwak inafa owuon hiyo to bore gala daŋ netok ile etiyana ojo etihiana ta haji imojit to holoŋitek daŋ ino Sabato."
22
Olibo te efahat iko maruwak ile kelesia daŋ, anyar onyimu Judas lafa eliloŋo isia Barsaba ojo Sila ilo etaha ilo kelesia, ata efahak isia Antioka iko Paulo ojo Barsaba.
23
Egiorok isia ina, "Efahat, maruwak, ojo halasirak, to Jentails ila Antioka, Siria ojo Silisia. Itigolo!
24
Etiru iyohoi hijo afanu ifa ilak hiyo ilo obe iyohoi eremik hisio hifahita, Afanu ifa tara hohoi ata hitigiama itai iko hitiyenita ino etigiama oyirihin ina hatai.
25
Ati olibo ta hatai bidaŋ hanyimu hiyo anyar efahak isia ta hatai iko Barnaba ojo Paulo le emuno iyohoi.
26
hiyo ilafa eruk iruti ino manya nohosi to fure na Habu hohoi Yesu Kristo.
27
Ati efahak iyohoi Judas iko Sila ilo ofu elimak itai hiro iya inia daŋ
28
Obis to Oyiri lo Olibo ojo te iyohoi obe atanyak to hohoi nobo hitigiama no obolo:
29
hijo anyar eyito itai ade to hikoi no hiro ino esiara itai hisiorita to johin, hoto, hiro ino goro, ojo tara hiro ino somon. Leyak itai adumu wati inahatai tara inia, olibo iso iko itai."
3230
Ati, nafa efuhari isia, afanu isia Antioka; nafa etutubahini iluluŋ daŋ, ata isia hisio waraga.
31
Nafa ehien isia, ata isia mune nyo to hitigolo no.
32udas, Sila, ojo hekilak, to hitahwo no halasirak to hiro ariaii ata hitigol isia daŋ.
33
Man ta halu no hitole nohosie dia, efahak ifa isia ade to himwara tara halasira ilafa efahak isia.
34
tahalu hoholoŋite inak efaha heruhuk isia hatacahari tohilek nataja to motyerak hosia. 34Ati olibo ifa to Sila harasari dia.
35
Ati ettole ifa Paulo iko Barnaba ta Antioka ojo ilak ariaii, nafa etiyanari isia ojo isia elima hiro ino Habu.
36
Ta halu ho holoŋitek inak ojo Paulo to Barnaba "Aciahari iyania efi efonyini halasirak ilo owuon ta ŋacio to bore gala ina hitok inafa etiyanari hiram na Habu, anyar ewolo howuon isia jai.
37
Awak Barnaba eyari iko isia Yoani lafa eliloŋo isia Marko.
38
Ati egigilo ifa Paulo obe olibo heyari ho Marko lafa ebusari tara hohoi to Pamfilia ojo ifa obe owu ahosiere he isia te igem.
39
Ati odioto ifa rija, ata isia bwanya hamai, ojo Barnaba eyari Marko he inya ojo aciahari ade a Sipro.
40
Ati onyimu Paulo Sila ete eno, tahalu ho nafa esio halasirak hamaihini na Habu.
41
Ata inya eno toko Siria man Silisia, hitigolo kelesiaha.