¹ Abe nayya awan ania? abe naya ara lefahati? alabe naŋ egonyu Yesu Habu? Ebe itai era hegiamak ilalaŋ to Habu? ² Kuyya labe naŋ ara efahani te ilak hiyo, ati ta hatai ara nayya ehafahani. Nyo era itai to igem nanaŋ ta Habu. ³ Ara ina hici nanaŋ to ilia awak cama nayya. ⁴ Hebe iyohoi ewon hobisiandahari iko mata? ⁵ Hebe iyohoi ewon hobisian heyariri ikohoi hito noŋoruo na ara heruhoni, iya ilak efahat, iko halasira ha Habu ojo Kefa? ⁶ Ara ati Baranaba ikanaŋ anyaa legiama hamai? ⁷ ŋai lia egiama iya oseŋer to arobiyaha inno honyi? ŋai lia oromok mana ojo obeŋ adaha ŋama nia? ŋai lia eyohita husuŋ ojo obe amata le toro husuŋ? ⁸ Ero naya hiro inia hijo to hilohittok no hiyo? Obe hifahita hidofe hero ania? ⁹ Nyo egioro to hifahitta inno Mosa, ''Baŋa efitak hutuk no hitteŋ loduha ŋama." Ati hara mahu hiteŋ nia eriria Hollum? ¹⁰ Obe mahu inyia ero to hohoi? Egiorok ifa to hohoi, nyo lia oromo anyar oromo tomoi, ojo to lia oduha ihidek hotoduk tomoi no bwanya na ŋama todioŋo. ¹¹ Letiyana iyyohoi hiro ino oyiri tohiji hohoi, No nyo ati ebe iyyohoi eremik adieŋu hirro arria tara hatai? ¹² Lorumu hetiyanak lia hiro tara hatai, ebe iyohoi eremik arumu ina agalik? Ati ebe iyohoi esiaha inamuk hiro. Edihu iyohoi daŋ hijo anyar ebe iyohoi etik sayye no Kristo. ¹³ Ebe itai eyyen hijo ilia egiama igem ta haji imojit omoju daha nohosie dia? Obe itai eyen lia egiama to altari orumu isia ŋiria nohosie tara hihumita? ¹⁴ Tohikoi tonia, esio Habu hifahaita nolo ojo ilia etiyana sayye ino olibo, anyar orumu isia waran nohosie tara sayye no olibo. ¹⁵ Ati abe ifa nayya eyyari inak hiro ojo hidofe abe ifa naŋ egioro hiro huna hijo anyar egem inamuk hirro ta hanaŋ. ¹⁶ Nyo kuyya etito nayya sayye inno olibo, abe naŋ awon hohitidara, asan anyar egiama naŋ igiam. ara eyau tahanaŋ lo be naŋ etiyana sayye ino olibo! ¹⁷ Legiama naŋ to wahan, awon naŋ iko esorio. Ati lobeŋ wahan, arasa naya wana hohelohito esio tahanaŋ hegiamari. ¹⁸ Nyo iso esorio nanaŋ? Ara le lahitiyana naya, hitiyana no sayye ino olibo to biaŋan ne idumuti, abe ida hido nayya etifut hegiamari sayye inno olibo. ¹⁹ Ohek ida hido nayya tara hiro daŋ, esio nayya wan nanaŋ apit to hiyyo daŋ hijo anyar eyani nayya illamuk agalik. ²⁰ To hiyyo illo Yudea ara naŋ iyya lo Yudea hijo anyar arihu nayya ilak Yudea. To hiyyo ille olot to hifahita, ara nayya iyya tuŋani lo ejufuta hifahita, na ayyen ida hido naŋ hifahita nyo alot naŋ to hifahita inno Kristo, hijo anyar eyani naŋ illo obe oyyen hifahita. ²¹ Tohiyo ilo obe oyen hifahita, ara iso nayya iyya lia obe oyen hifahita, nara ifa hijo abe naŋ awuon to hifahita inno Hollum to wan nanaŋ, ati to hifahita inno Kristo. Egiem naŋ hijo anyar eyani naŋ lia obe owuon to hifahita. ²² To hiyyo illo obe ogol, era naŋ tuŋani la abe agol, hijo anyar eyani hiyo illo obe ogol. Atu naŋ hira iyya hiyyo daŋ to hirro daŋ hijo anyar ahou nayya ilak. ²³ Ehuma naŋ hirro daŋ to haluwahari sayye inno olibo hijo anyar eŋiŋar naŋ to ijohiti ino hiyi. ²⁴ Obe itai eyen hijo lonyieta hiyo daŋ ata le erwatik, lia lobotye omoju esorio inohonyi? inyoru arumuni esorio. ²⁵ Hanyetak daŋ etigol isia watye to hiro daŋ. Ehuma isia ania anyar omojuni idumuti inno oremik hisaha, ati ehuma eyohoi harumuni idumuti hunna odule mak. ²⁶ Iyania, abe daŋ anyor asai kuya habahari oyami. ²⁷ Ati enyak nayya wan nanaŋ apit, hijo lattohu naŋ etiyanak daŋ te ilak, naya towan tananaŋ anyar labe naŋ apuak.