¹ ”Igerok d’anjelo l’ekklesia no Ephesus: “Ocamitha holo indafaitho ohilyefi cofa dinget honyong d’ethawejitha ayeli cofa h’ahimang. ² “Atek nang egyemathik hathai, egyema nathai nako, angongio nathai nadihuni, aang ithai ingongu omonyorok, ti, ethemyo ithai ohothing hojyori isong ohifak, ti, ikara, karik irimak ithai isong ara hoikela. . ³ Ithai hengongyo th’adihari, ithai hengongyo th’ofure tholohindang, karik kabong ithai ahwandek odouni. ⁴ Ti, awon nang haning namonyong dothai, edehina nathai diholu amuno ehethemoni. ⁵ Hoikwothik hathi thongai ethuk ithai apwaharu. Oburunethek, ara ithai ihandyo asang hehandyo ithai ahithemi. Ara eburunu ithai, aindu nang de dothai, nang eyaru adi ethawejit n’ahimang nathai tho maji honyong. ⁶ Ti, iwon ithai h’arami huna: Ida ithai fodok fodok egyemathik h’ohothing ho Nikolatan, head nang dang fodok fodok. ⁷ Lowon h’ehiyok, thethairye ainyong ocama Ohoile d’ekklesiahio. Dolotelu esarak ahorik nang de thonye thohiyani l’esu lowon ara paradiso n’Ojok.” ⁸ “D’anjelo l’ekklesia no Smyrna, igerok: “Ocamitha holowon ara ohoithemoni karik lothoicuhit, inyong lonya aye, ebuhu ikoti: ⁹ “Atek nang ethathacianitha karik ecan nahoi, ti, ebara iye. Atek nang omoritha h’ohothing hojyori isong Ojudei, ikara isong. Isong hulo a Sinagogue no Sitan. ¹⁰ Hoibang anden ethathaciana nahoi. Otiha! ainden amonyori asulahina homok thothai difitha dithwa, dithemyerek ithai; ithathaciana ithai de ditha h’operok tomon. Iwona ara ohoiruhoni took diye; esarak nang iye de alohuluk n’esu. ¹¹ Lowon h’ehiyok thoithairye, thethairye ainyong ojyo Ohoile d’ekklesiahio. Lotelu, aang de iryafa th’aye etharehe.’” ¹² “D’anjelo l’ekklesia no Pergamum, igerok: ‘Ocamitha ho lowon h’odemi lohittok, lofi oyirihi arehai: ¹³ “Atek nang dingai isuka iye. Amaji nya nawonderek okara lo Sitan. ti indafaitho iye ofure hinndang ririik. Atek nang kaang iye ida eruk nahoi donang, juk d’operok ho Antipas, othulo lotihak arami hundang, ohoiruhoni hindang, lonya otohori dihiji hothai, diya isuka Sitan. ¹⁴ Ti, awon nang hasang tiibai heda nang dohoi:owoni diya ohothing hoindafaitho etyenio no Balaam rot rot, lonya ityenio Balak dimirohina omorwong l’eboso dihithemi h’olonyirok ho Israele, donye anyari nehumarik d’ajohi karik arwanga n’obusuha h’angorwo nepal. ¹⁵ Ahani dang, owoni diya ohothing hoindafaitho etyenio no Nikolatans. ¹⁶ Oburunu do ti! Ara aang iye iburunu, aindu nang de kwak dohoi. Arem nang de hosong th’odemi tholotho huthuk honang. ¹⁷ Lowon h’ehiyok, thoithairye ainyong ojyo Ohoile d’ekklesiahio. Do lotelu, esarak nang de amana nedima, esarak nang de omorwong obong, karik ofure ongejuk loigero dihide h’omorwong, ofure laang othulo lotek, arahari inyong loifothu. ¹⁸ “D’anjelo l’ekklesia no Thyatira, igerok: ‘Oacamitha hulo h’Olonyi l’Ojok, lowon h’ahonde hajak ongadyefa h’ahimang karik ahejek iring ebindang anadwor neresa: ¹⁹ “Atek nang egyemathik, amuno, eruhon, adodoro karik adihahina n’angongio nahoi. Atek nang hijan okalu egyema nohoithek ehethemoni. ²⁰ Ti, awon nang hasang hamonori hahoi, huna: Ingongu iye athulo nangorwo Jezebel, nelongo ahwan ara ahacoroni, Th’etyenio thananyong ithadwalyo ohoigyemak hundang thorwangai h’angorwo dia hobusuha th’epalan karik karik anye anyari nehumarik d’ajohi. ²¹ Esarak nang donyong omiru diburun, ti, aang owak aburunu d’epal narwanga n;angorwo h’obusuha. ²² Otiha! Amirok nang de inyong d’ejothit n’adiha, ara ohothing hoiyau honyong ditha ethathaciana nahittok, ara ngona oburunai th’egyematha thahanyong thahamonyori. ²³ Abak nang de okalifinok honyong diye; otehi de ekklesiahio bukulung hijan nang attahitha, nang arimak egigilitha karik othaja. Esarak nang de dothai abok abok th’egyemitha thahathai. ²⁴ Ti, dothai fodok di Thyatira, d’laang indafaitho etyenio ne, aang otek asang hajyori hothohop ho Sitan hune – dothai ajyo nang ahana, ‘Aang nang awak afonihina ethathaciana nathai.’ ²⁵ Juk ajahitha angai, omijye tuhudik, ara iye isuka th’akolon, lwai nang ainduna. ²⁶ Lotelu karik ehandyo egyemathik hundang, ahorik nang de donyong akolon dindafaitho amisok. ²⁷ ‘Indafaitho de isong th’ahinang thanako iring ebindang; oboryo karik ebebeyehyo isong iring amothing n’amotong.’ ²⁸ Iring nathuk nang efothunerek tha Lalamonye, esarak nang de dang donyong ohilyep l’amoithe berien. ²⁹ Lowon h’ehiyok, thoithairye ainyong ojyo Ohoile d’ekklesiahio.”