¹ Ti, oteha hijan: d’operok hothoicuhit okoli de omiru. ² Anyo, ofuni de ohothing iwonan ara ohomunok h’ahwandek, ohomunok h’enyahwo, ithahuye ahwandek, ithadara, iwonan ara ohomorok h’asang hadwa, ohothing hoida, ohothing haang ethaningyo arami h’omonye, h’ahahathigie, ohothing haang ojyori huma, ohothing haang odwa. ³ Aang de owoni h’amuno iring nayeng na. Aang de ocohi dosong emora, owoni de ara ohomorok, hang ipapahu ahwandek, owon de eribo, owoni de ara ohomork ikara h’ayiji. ⁴ Owoni de ara ohoimangak, hafaja, hoithadara, ohomunk h’alengan naang owon ara n’ohomunok h’Ojok. ⁵ Owoni de h’oyayit lowon ara l’Ojok, ti, idari de akolon nanyong.. Iloithothik adi th’ohothing hulya. ⁶ Anyo, homok th’ohothong hulya, isong ohothing hojingak ditha h’ahangithek hendafaitho angorwo anyaluba. Isong hune angorwo hefut ara eyatha karik ethabuyangarai d’asang Olwarai hawak isong. ⁷ Iyeyena angorwo hune juui, ti, aang ocohini edwong ditehan arami hadiri. ⁸ Th’oyihoi tholya Aboithe idararik Jannes karik Jombress arami ho Musa, ohoityenak haang owoni ara hadiri, idari arami hadiri. Isong hulo ohothing hethorohoja ahu, karik iring deruhon, edari isng. ⁹ Ti, aang de ofwo bebe adihithemi. Anyo, aang adudufo nasong ne ibong d’ohothing fodok, iring n’ohothing hule. ¹⁰ Ti, iring dothai, ethuk ithai athifoitho etyenio hindang, Oisukaitha, ainyong awak nang ehandyo, eruhon, ethathaciana nahodo, amuno, angongohina. ¹¹ Ethagyemio, ethathacianitha, karik ainyong ofuk donang di Antioko, d’Iconium karik di Lystra. Angongok nang ethegyemitha. Thothosong fodok ethakolu nang Ohobu. ¹² Ohothing bukulung howak amanya th’oyihoi thol’Ojok ditha ho Kristo Yesu, ithagyemye de. ¹³ Ohothing ohoyak, odwalak, ofwo de th’amonyori lwai tholohide hamonyori. Ithaitharai ohothing homok karik dang isong di litho. ¹⁴ Ti, iring dothai, apwahatha bukulung dithah’asang hethuk ithai eyeyena karik erhuna th’akolon. Itek ithai thongai iyeyenu ithai. ¹⁵ itek ithai hara th’elakalifinok, egeritha hadwa. Ocohini hune esarahina ahongon dithah’alwahuna tholo eruhon ditha ho Kristo Yesu. ¹⁶ Egerothik bukulung, Ojok ingarak thoigeroi, alwahu d’ehenio, deruhohina dith’abisan, karik dithethemahina abisan. ¹⁷ Ara ahani, d’oyinik othulo l’Ojok, thoithuthunai degyemathik bukulung.