¹ Iye hathi, oitho hindang, thokolo, ditha h’alwahio nawon ditha ho Kristo Yesu. ² Asang hethairu thonang dihiji h’ohothing hottihak holwa,, isarahini d’ohoiruhok hocohi etyenio ohothing homok dang. ³ Ongongie aning namonyo iring nanyia angogiorek nang do omiru lezagemierek ohoi zo Kristo, iring nangoierek olosenger loyu aning nezagemierek inyong. ⁴ Itek iye ijan awang olosenger, ojingak da asing ho ohozing di zamunoyerek hohitua hosong. ⁵ Za ahani, awang oheruazak okalaru homok ara awang isong obang asing hajo heza ngeteyo. ⁶ Owak ohoromoni legyema bebe th’ahinang icak efothuna amat haromunu. ⁷ Igigiloi ainyong acama nang, aca, isarak iye de Ohobu athenuna asang fodok. ⁸ Hoikworo Yesu Kristo, oitho lo Davide, lonya ithabuhuni th’oye. Owoni ahani, iring ocame hindang l’evanjelio. ⁹ Lethathaciangyerek nang iring othulo lefitha, othulo ladyahu obafu. Ti, aang ocame l’Ojok ikohunu. ¹⁰ Inyong na, ongongok asang bukulung th’ohothing thoh’onyimuni, dorimahini isong hulo dang ethalwahuna nawon ditha ho Kristo Yesu, habolori namanya mak. ¹¹ Ocame lenihinerek ahwan donyong lo, “Ara ethuk ohothai aye honyong, emanya de dang honyong.” ¹² Ara ingongu ohothai, endafaitho de dang ahap honyong. Ara irisa ohothai inyong, oindu de dang irisa ohothai. ¹³ Ara aang eruhon, odulo inyong ara leruk, anyo, aang ocohi donang dirisa ahwan nanyong holefeng. ¹⁴ Orasai ethayuhina asang hune, iringak isong dihithemi h’Ojok thaang hoithethenai arami h’ocamitha. Aang olwahu aning nabo karik dang ti, itharahojo ohothing hoithaningyo. ¹⁵ Ihandye ara nayyu bebe dithafothohina ahwan nahoi d’Ojok, iring othulo leruhohini digyema, Ohoigyemani laang arami hethajwuyo inyong ahu, othulo letyenio dimaji ocame l’eladiri. ¹⁶ Ikarak acama nebot karik naang ohuru aning nabo neyanu daangan nelajok nakalak. ¹⁷ Othurohunu de acama nasong iring asongosong naang ilik. Ditha h’ohothing hulya owoni ho Hymenaeus karik Philethus, ¹⁸ hathuhi afwan adi th’arami hadiri. Ojyori isong athuk ebuhuna afuhon karik ethorohojo eruhon n’ohothing homok. ¹⁹ Juk ahani ne, owetha asihothe n’Ojok ara nako. Igero dihide honyong ahana: “Otek Ohobu honi ohothing howoni ara honyong,” karik, “Lefura ofure l’Ohobu thoilo adi thaangan n’oyano. ²⁰ Ditha h’ahang nasom, ikara amoco, akatino dia akoni h’ayel, dia n’ebindang najon owoni. Owoni dang akanitha h’ahyek, h’amotong dia h’anyari. Hamok thohune igyemarik egyema nafalangai karik hamok igyemarik egyemathik hamani. ²¹ Ara ithaliboryo othulo lobo ahwan nanyong th’asang h’egyemarik hamonyong,, orijoro inyong lo iring akoro nalibo. Isarahini inyong de arakang ara nayyu d’Ohobu, karik ehuhumahini ara nayyu bebe. ²² Ingero adi th’asang hamonyong hawak elattwat. Ottahithai th’oyano abisan, eruho, amuno karik elik n’ahap th’ohothing thohoilongo Ohobu th’othaji tholosong thololibo. ²³ Ti, idaratha amwala karik aang atehan efietha. Itek ithai, oyisuni isong huna th’ethethena. ²⁴ Ohoigyemani l’Ohobu, thaang ithethenai. Kombwo, inyong thonyalama d’ohothing fodok, acohi etyenio karik awonan h’angongio. ²⁵ Ethabisio karik angara th’anyalami. Kode Ojok isarak isong aburunu d’atehan nasong eladiri. ²⁶ Kode ithalihuni de othaja, ikoti, ekarahini amolohe n’omonyoroni lo, diholu athuhon nsong d’awahan nanyong.