¹ Paulo, ohifak lo Kristo Yesu, thawahn thon’Ojok, iting nacorohinerek esu nswon ditha ho Kristo Tesu. ² Do Timoteo, oitho lomunoi: alwahio, amehina karik elik th’Ojok Omonye karik Kristo Yesu, Ohobu lohothai. ³ Afurak nang ahinwarang d’Ojok, legyema nang donyong gee thohohonyo, thothaji thololibo, iring eyuhi nang thohoi ditha omojitha hundang th’afaning karik th’aharie. ⁴ Iring eyuhi nang ehio hathai, awak nang atehuna ithai defong nang th’amuno. ⁵ Ethayuhini nang eruhon nahoi nadiri, nemanya iye ahithemi dihohe hanehahanyi Lois karik nehathingi Eunice, karik atek nang tuhudik, amanya dang ditha hohoi. ⁶ Th’ahu than’arami hune, ethayuhi nang iye thoithaulok esorio n’Ojok nawon ditha hohoi thethahina ahas hundang dihide hohoi, ⁷ Anyo, kaang Ojok isarak ohothai ohoile labangi, ti, akolon, amuno karik karik esuka ibisai. ⁸ Inyong na, ahu nahoi thaang hojwuo, dinyahina Ohobu lohothai, ikara dang thonang, Paulo, ohoifithani lonyong. Kombwo, ongarathik ethathaciana th’evanjelio iring d’akolon n/Ojok, ⁹ Lelongo ohothaithai thoilongit tholodwa. Ihandyo ahanya, ikara th’egyemathik thahahothai, ti, igyema th’egyema thanawak inyong karik thalwahio. Thenesarak inyong ohothai, ditha ho Kristo Yesu, dihithemi haculuyo n’omiru. ¹⁰ Ti, thenene ne, athuhi ethalyehina ethalwahuna n’Ojok th’aleyori thon’ohoithalwahani lohothai, Kristo Yesu, latelu aye karik eyanu esu karik aangan n’aye d’afangan tholo evanjelio. ¹¹ Anyo bai ahani, aca athuhi nya nang anyimuna ara ohocamani, ohofak karik ohoityenani. ¹² Th’arami thohune, ethathaciana nang dang thenene ne.ti, aanga nag ahu hojwu, anyo, atek nang inyong athuk nang eruk. Atek nang tuhudik hijan acohi inyong lo agoterek aning nelahi nang donyong lwai d’ofaning le. ¹³ Hoikworo aryamara n’ocamitha hadiri hoithairu iye thonang th’eruk karik amuno nawon ditha ho Kristo Yesu. ¹⁴ Aning nayyu nathuk Ojok esarahina dohoi, ikeye inyong th’Ohoile tho Lodwa, lomanya ditha hohothai. ¹⁵ Itek iye arami hune, hijan ohothing fodok homanya di Asia, eloithoi adi thonang. Ohothing h’elulung ne, isong ho: Phygelus karik Hermogenes. ¹⁶ Ohobu thomehi ahang n’Onesiphorus, anyo, ethahenyecyo nya koko koko karik aang nya ahu nanyong ojwu efitha hindang. ¹⁷ Kombwo arii honyong di Roma, athifeyo nang tuhudik, arimak mang. ¹⁸ Ohobu thesarak inyong thorimak amehina thonyong ofaning le. Th’oyihothik fodok, alwahyo nang di Ephesus, Itek iye tuhudik.