¹ "Yange nji muti wa mu binyu wa bushunga,cho Tate ikeye muka kulima. ² Akatunditha muli yange munango woshe uje kuwethi kwima bushuka,cho akongothzola munango woshe uje ukemi bushuka ngechi ukeme bushuka bwa bwingi. ³ Yeni munapu laja ba kujela mwafwa wa munthzimbu unjinamileka. ⁴ Kaleni muli yange,cho nange muli yeni. Ngechi mwa munango kuwatha kwina bushuka hawolika kubamga ukale ku mubinyu,cho hamo neni,kubanga mukale muli yange. ⁵ Yange nji mubinyu,yeni mu minango. Ou wakala muli yange bange muli ikeye,hanima bushuka bwa bwinga,omu cha kujeneka yange yeni kumwatha kulinga nambe chimo. ⁶ Oshe umo kakala muli yange,ba ka mumbila kuti nge munango cho ukoma,cho minango baikunga na kuyumbila mu tuya,cho baka yenyeka. ⁷ Oshe mukala muli yange,cho oshe majwi ange akala muli yeni,lombeni choshe ocho chimusha,cha baka milingilacho. ⁸ Tate bamuthzumbungeyeya muli echi,linga mwime bushuka bwa bwingi cho na sholola ngwe mubandongethi bange. ⁹ Ngechibene omu Tate na njithzemene,nange lalo nja mithzemene,Kaleni mu chithzemo change. ¹⁰ Oshe munyunga mashiko ange,mukakalelela mu chithzemo change,ngwe omu nja nyungu mashiko a Tate na kukulahela muchithzemo chendi. ¹¹ Njamileke byuma ebi linga kubwahelela kwange kukale muli yeni linga kujolela kweni kukale muli yange mwakushula. ¹² Eli likelyo lishiko laynge,lithzemeni umo na mukwabo ngwe omu njamithzema yange. ¹³ Naumo wahi alina chithzemo cha kutubanaka echi - echi umo ana mwonyo wendi ha mulonga wa bakakathendo bendi. ¹⁴ Yeni mututhendo twange oshe mulinga byuma bije nji kambeya. ¹⁵ Kunjikamithanaho bangamba,mwafwa ngamba kathzibuka bije shukwaina ali na kulinga njamithana bakakathendo,mwafwa byoshe bije njathzibile kuli Tate njamilekebyo. ¹⁶ Yeni kumwanjishakwile,oloni yange nja mishakwile na kumibwabetha linga muye na kwima bushuka,cho na bushuka bweni bukapwe bwa myaka yoshe. Echi chilingechi choshe ocho mulomba kuli Tate mu lithzina lyange,aka myanacho. ¹⁷ Ebi byuma njimikambeya,mangana muli thzeme umo na mukwabo. ¹⁸ Oshe kaya kakamithzinda,cho thzibukeni ngweni chanjithzibithile manene kubabala thimbu kanda chichimibabala yeni. ¹⁹ Oshe yeni mwapwile mubaka kaye,kaye ngwe kamishaka ngwe mubabo. Oloni om kethi mubaka kaye cho mwafwa njamyangwile kutunda mukaye,akeho yeni kaye kamithzinda. ²⁰ Anukeni lije lijwi linjamilekele, 'Ngamba katubakana shukwaina.' oshe ba nji yandethele, neni lalo ba kamiyandetha; oshe ba tambwile lijwi lyange,baka tambula na lyeni lalo. ²¹ Bakalinga byuma byoshe ebi kuli yeni mwafwa ya lithzina lyange,mwafwa kuba muthzibukile ou wa njitumine. ²² Oshe ngwe kubethi na bubi,oloni hanoni kubethi naha hakulibyanena milonga yabo. ²³ Ou wathzinda yange na wathzinda lalo na Tate. ²⁴ Oshe ngwe kunja lingile biapngi bije kanda laja weka abilinge mukati kabo,nge kubakakala na bubi,oloni hano bana mono cho banthzindi boshe yange na Tate. ²⁵ Oloni echi chatelamo kushulitha lijwi lije bathonekele mu mashiko abo ngwabo,"Ba njithzindile boshe yange kwakujeneka mulonga.' ²⁶ Omwoni mukwathi akaija - ou unjikatuma kuli yeni kutunda kuli Tate,ikeye ou,Munthzinthzime wa buthunga,ou aka tundilila kuli Tate - akwambulula bya hali yange. ²⁷ Neni lalo mwatela kwambulula,mwafwa munakala namnge tunde a kulibanga.