¹ "Kethi mwechele bimbunge byeni bilishohsomwene. Kulaheleni muli Njambi,cho kulaheleni lalo muli yange. ² Munjibo ya batatemuli myela yayingi.Ngwe kuchapwile ngocho,ngwe njamileke,Yange njili na kuya na kumibwahethela myela yeni. ³ Nga njiya na kumi bwahethela myeela yeni,cho njikeluka lalo na kumithzila yange babenya,cho kuje kunjikakala yange nenei lalo mukakalako. ⁴ Yeni mukatanekeya bwino ngila kuje kujili na kuya." ⁵ Tomasi wendekele kuli Yesu, "Shukulu,kututhzibuka oku kuuli nakuya,twatha kuthzibuka bati ngila?" ⁶ Yesu wamukumbulwile ngwendi, "Yange ngila,na buthunga,na mwonyo; naumo wahi aija kuli Tate kubanga kwitila muli yange. ⁷ Ngwe mwanjitanekeyele yange,cho ngwe munatanekeyele Tate lalo,kufuma lelo munatanekeya cho muna mumono ikeye." ⁸ Filipu wendekele kuli Yesu ngwendi, "Shukulu,tusholwele Isho,cho yetu tubaboshe tunapwithamo." ⁹ Yesu wamukumbulwile ngwendi, "Yange njinakala neni thimbu yakama oloni naino thimbu kuwanjithzibukile, Filipu? woshe ou namono yange na mono Tate. Bikajo wendekela ngwobe,tusholwele isho'? ¹⁰ Kuma kuwakulahelele ngwobe yange njili na tate,na tate ali muli yange ndi? majwi ajendeka kuli yeni kujethi na kwendeka kufuma kumoko yange nbabenya,oloni Tate ou wakala muli yange ali nakupanga bipangi byendi. ¹¹ Kulaheleni muli yange ngweni yange njili Tate,cho na Ttae lalo ali muli yange, nga kethi ngocho kulaheleni mwafwa wa bipangi njili na kupanga. ¹² Mwabuthunga ,mwabuthunga. njimileka ngwange,ou akulahela muli yange akalinga bipangi njili na kulinga,cho ikeye akalinga bipangi byakama kutubakana ebi omo njili na kuya kuli Tate. ¹³ Byoshe mukalomba mulithzina lyange,njikabilinga managna Tate bakamuthzumbangeye muli munendi. ¹⁴ Byoshobyo byuma mukalomba mulithzina lyange, njikamilingilabyo. ¹⁵ Nga munjithzema yange, ¹⁶ cho mukanyunga mashiko ange, Cho njikalomba kuli Tate, cho aka myane yeni mukwathi ou akakala nene myaka yoshe - ¹⁷ Sipilitu ya buthunga.Baka kaye kubatha kuutambula ikeye mwafwa kubatha kuimona nambe kuithzibuka ikeyo.Oloni yeni mu ithzibuka ikeyo,ikeye wa yoya neni cho akakala neni. ¹⁸ Njikamithethza likalyeni;njikeluka kuli yeni. ¹⁹ Muka thimbu kakandondo lika ba kakaye kubakatha kunjimona yange lalo,oloni yeni ngweni mukanjimona. Mwafwa njili na kuyoya,neni lalo mukayoya. ²⁰ Omwo litangwa lije liketa mukatanekeya ngweni yange njili muli Tate,neni muli yange,yange njili muli yeni. ²¹ Ou woshe ali namashiko ange na kuwanyunga ikeye ou wanjithzema yange,ou wanjithzema yange bakamuthzema kuli Tate,cho nange njikamuthzema ikeye nange njikalisholola yange babenya kuli ikeye. ²² Yundase (kethi uje Sakalyote) wendekele kuli Yesu ngwendi, "Shukulu,ukasholokela bika kuli yetu kuhyana kubaka kaye?" ²³ Yesu wamukumbulwile ngwendi, "woshe ou a thzema yange,akanyunga lijwi lyange. Cho Tate akamuthzema ikeye,cho tukaija kuli ikeye na kutunga njubo yetu nendi. ²⁴ Ou woshe kanjithzemene yange katha kunyunga majwi ange. Lijwi mulinakuthziba kethi lyange oloni lyatundile kuli Tate uje wa njitumune. ²⁵ Njendeka ebi byuma kuli yeni, omwo njichili neni. ²⁶ Chipwe ngocho,mukwathi - Mundthzindthzime wa kuthzila uje Njambi akatuma mulithzina lyange - akamilongetha byuma byoshe cho akamyakukitha byuma byoshe bije njamilekele yeni. ²⁷ Njamithethzela kwoloka;njina myana kwoloka kwange. Kunjethi ku myanacho ngwe omwo bakana baka kaye. Oloni kethi mweche bimbunge byeni bilishoshomwene,cho kethi mukale na lyoba. ²⁸ Mwathzibile munjendekele kuli yeni ngwange, 'yange njili nakuya,oloni njikeluka kuli yeni,' nga yeni munjithzema,mwatha kubwahelela mwafwa njili na kuya kuli Tate,mwafwa Tate wapwa wakama kuyana yange. ²⁹ Cho njamileke ebi omo thimbu kanda isholoke,omo bikasholoka,mukakulahela. ³⁰ Kunjatha kwendeka neni thimbu yakama,omo muka kuyula kano akaye ali na kwija. Kethi nandthzili hali yange, ³¹ oloni baka kaye bakatanekeya ngwabo kuma njamuthzema Tate,mukemo njili na kulinga mgwe omo Tate wanjishikile yange.Tukakateyeni teyeni tutundeko kuno.