¹ Kaha vunoni tu hiane kuhia kuviusisa kulie evi vitu nevu, linga kati tukafutukeko. ² Kaha ngue misimbu ivaambuluile kuhitila mu va ngelo yasoloka ngue va intsiliela kuhitila, kaha kupihisa cose na kuhona kavumbi vaka tambula kuzangamesa caku puisamo, ³ vunoni tuku sevunuka vati nguetuku sembulula eci kuavoka ca kama? Eci cikeko kuovoka ca katete ca mutambi ua muangana naku tavesa kuli vaze va vuileko. ⁴ Ha ntsimbu yoyimo Njambi ua zimbuile vukaleho kulievi mu vintanteke yeso, navi komoueso, navia kukomo uesa viavingi, kaha nakuana ku pangeziela via vuana vua muzimu ua ku suala kuesekesa muaya cizango ceni. ⁵ Kaha kati kutu ngelo kuahele Njambi lifuti eli li keza, hali eci cituli naku handeka. ⁶ Ngecize, umosi kumosi ua zimbuile vukaleho, ngueni, "Muntu hiya, ou imuli nakunyunga? Ini muana muntu, au imu kunyunga? ⁷ Ua u puisile ka vundende muisi yava va ngelo: ua muzikile vapahu na ka vumbi. ⁸ Ua hakele viose muitsi ya vi liato vieni."Ha kumbua cakele kuli ikeye ngue Njambi namu hie viose. Kaseleho cuma amba cimo caho nene ku mulia. Kaha vunoni kanda tu muona viose viva muhele. ⁹ Vunoni tua mu mono au iva hakele muitsi kavundende ya va ngelo hatsimbu yaindende, Yesu, vamunsika vupahu na kavumbi muomu yaku yanda na kutsa ceni, linga hali kozi lia Njambi aka hasa kuleseka kutsa havose. ¹⁰ Hakupua ca mu viukila Njambi, muomo viuma viose viakelako muomu yeni na muli ikeye, linga anehe vana vavengi ku vupahu. Ca puisilemo ikeye kupua katete ua kuovoka haku kumisa kayando keni. ¹¹ Haviose vivali ou iva kulelesa na vaze va valelesele vali na ntzulo imo. Kaha vunoni kesi na ntsoni haku vasana ngueni va muanaye. ¹² Ua mbele nguenyi, "Njika simbula lizina liove kuva muanetu, njika kuimbila mukati kambunga." ¹³ Kaha naua, "Njika mutsiliela." Kaha nava, "Talenu, njili hano navana vanajihie Njambi." ¹⁴ Ngoco vene. muomu vana valipange muvila na maninga, ua pange lele muli vize viuma munjila yoyimolika, linga kuhitila mu kutsa aka haze kuenieka uze umosi ali nazindzili zia kutziha, ou ikeye, santana. ¹⁵ Eci cakele ngoco linga azitule vose vaze vakele na vuoma vua kutsa cavatumbikile muvundungo muku yoya cavo cose. ¹⁶ Cavusunga kati tungelo tuaku kuasa, vuno citkota ca Avilahama cakuasele. ¹⁷ kaha cakele ca hetelamo kuli ikeye kupua ngece va muanaye mu zinjila zioze, linga apue mukuluntu uava sasendote ua ngozi na luntsilielo mucifua ca viuma via Njambi, linga apuisemo kukombelela vupi via vantu. ¹⁸ Muomu hakupua Yesu iveni ua yandele kaha va muesekele, ikeye ahasa kukuasa vaze vana neseka.