¹ Penka Yosefu alibele lukoso ukulukulila pakuti naye alipungile pamenso . Kabili naye kalila ukwakuti kulibo kabili naye kabafyopa bawishi . ² Yosefu kabakokomesha abembeshi bakwe na mandokota mukubeba ati bomyeni ba tata . Penka a mandokota kaba mumya Isilaeli . ³ Penka ka ekala ishiku amakumi ane . Pakuti pali fyo yali ni shita ikuma nine mukumumya . Penka abena Ijipiti kaba mulila ena imyaka amakumi isanu ne makumi abili . ⁴ Pakuti mushiku isho balikulila shali bele ne kupwa . Yosefu kalabila mu ba mung'anda ya kwa Felo . Mukulabila , '' Inga kyakwebati nebo naba ne kukichilwa ikumbu ku menso enu . Napapata ndabilileni ko kuli Felo , ne kulabila ati , ' ⁵ Batata kabandaya nebo ne kulapa , kabalabila , '' Mona , nebo pakuti nabanekufwa , mukashike nebo mu kilende ikyo nebo na sepele mwine mukyalo kya Kenani . Pakuti pali ifyo webo uba ne kushika nebo . '' Pano lekeni nebo ingye mukushika ba tata , kabili penka nebo kaba ne kubwela . ''' ⁶ Felo kaasuka ati , '' Koya babili muku shika bawiso , pakuti webo mwalimu kulapana . '' ⁷ Yosefu kaya mukushika ba wishi . Na shonse itangishi sha kwa Felo shalile naena pamo - ne bakulu aba mung'anda yakwe. Nashonse ishishibanikilwe itangishi ishamu kyalo kya Ijipiti . ⁸ Pamo na bonse aba mung'anda ya kwa Yosefu ne bakwabo , ne ba mung'anda yakwa wishi . Pakuti nabonse abanike . Nafyonse ifitekwa, kabili ne fya mwitwi yabo bali futachileko ku kyalo kya Gosheni . ⁹ Ingolofwana ne mbongolo ishalalume nesha kashiya pamo na naye , ukukwali sana ibumba ilikulu nefipani fyabantu . ¹⁰ Penka lukoso kabafika kukukibasa kya kwa Atadi na kukupusha impushimbi ya kwishilya ya Yodani . Penka kaba mulila pamo mukukilapo ukukulu ne kulilisha ukwakumbu uku kilapo . Penka lukoso Yosefu kakita ishiku shi sanu na shibili mukulu kumulila wishi . ¹¹ Penka ne bekalikishi abali mukyalo , ne bena Kenani bonse , kabamona ne lukelokelo mu lubasa mupusha ya kwa Atadi kabalabila ati , '' Ifif ifyonse fyabipa ukwakuti ku fyakichikwa kubena Ijipiti .'' Pakuti ifi ifilimu pusha itwa ati ni Abeli Misilayimi . Apali ni pabushilya bwa Yodani . ¹² Lomba abana bakwe kabakita fyeka Yakobo abebele ena mukubalangisha ifyakukita nabo . ¹³ Abana bakwe kabalilila nabo ku kuliki kyalo kya Kenani kabili muku mushika ena mwenka mukilende mweka mu bulimi bwakwa ku Makipela , kubwipi ku Mamela , kweka Abulama ashichile amayengo kweka ku mabala umwa kuli kushika mupusha . Ena alishichile ifi ukufuma kuli Efilemi umwana Hatiti . ¹⁴ Pakupita ifi naye kabashika bawishi . Yosefu kabwela kweka ku Ijipiti , naye alipamo ne bakwabo bonse , kabili na bonse abo akwatakene nabo mukushika ba wishi . ¹⁵ Penka Yosefu ne bakwabo bonse kabamona ati ba wishi bo bafwa . Kabalabila ati , '' Pakuti ifi Yosefu efi pano akatufichilwa ne bukali ubwa kwebati twalikichile ifibipile kuli ye fwebo kabili aka fwaya ukubwesha kukita ifibipile kuli fwebo ifi kumanine mukubifya muli bumbifi fwebo ubutwakichile kuli umwine ? '' ¹⁶ Pakuti ali bakambishe na pamenso a kwa Yosefu , mukukulabila , '' Bawishinwe kabapela ifyakumwenako ilyo tabangafwa nabo , mukulabila ati , ' ¹⁷ Mubuleni Yosefu ifi fyonse , '' Nasasapo bafitulukile muli fyonse ifibalufyankenye abakwabo be bonse na muli bulya ububi penka kulya ukubifya bakichile kuli webo .'' Pano nasasapo balekeleniko aba bomfi benu kuli ba Lesa nakuli ba wishinwe . '' Yosefu kalila penka pakulabila kulibo . ¹⁸ Abakwabo bonse nabo kabalila kabili ne kulu kusuntula ipumi shabo pashi kweka kumenso akwe , kabalabila ati , '' Moneni fwebo tuli ba bonfi benu bonse . ¹⁹ Pakuti Yosefu kabasuka bena , '' Mwitina . Nebonine njimupusha kuli ba Lesa nakuli mwebo . ²⁰ Mwebo mwalukufwaya ukungipaya nebo , pakuti ba Lesa kabakita ifi fyonse mukuwama , mukukusunga ubumi bwenu mwebo ne bwa bantu abengi ukwakuti , kwati nifyo mwebo mwamona lelo . ²¹ Pakuti pano mwibane mwenso , nebo kali kubapeleni ifyonse ifyo mwebo kabili mufinini ifyenu na mubanike . '' Nebo kali kuba tekenesheni mwebo mu iyi shila ne kulabila ukwa kishinka ku muchima yenu . ²² Yosefu alikele mweka mu Ijipiti , pano na bawishi ne balongo bonse . Naye ka ekala umwanda umo ne kumilimo imyaka . ²³ Yosefu kamona Efilemi umwana wakwe umwanike mukweba akaba kukulo yakutanshi . Ena kabili kamona ne mwanike ukwa machili umwana wakwa Manase , uyo abele neku fukama kumakufi akwa Yosefu . ²⁴ Yosefu kalabila kubakwabo bonse , '' Nebo ndi ne kufwa . Pakuti ba Lesa bali ikya kine bali ne kwisa kuli mwebo ne kubatangilileni mwebo ukufika na pakufuma muno mukyalo ikyo iki naye alaile ne kupela kuli Abulama , na kuli Isaki , kabili nakuli Yakobo . '' ²⁵ Penka Yosefu kakita kubana bakwa Isilaeli mukulapa ikya kine . Naye kalabila ati , '' Ba Lesa bali ne kwisa kulimwebo ikyakine . Penka pali iyo ishita mwebo mukaba ne kupinta amafupa angi uku afumya muno . '' ²⁶ Penka Yosefu kafwa . Imyaka umwanda umo nekumi limo 110 imyaka ya kukula kwakwe . Penka kaba mumya ena kabili ena nekumubika mumbokoshi mu Ijipiti .