¹ Penka Yakobo kaita abana bakwe bonse ne kulabila ati , ' Bunganeni mwebene bonse pamo . Pakwebati nebo mbenekuba buleni mwebo ifyo ifili nekuboneka kuli mwebo mu fikesa kutangile yenu . ² Bunganeni mwebo mwebene kabili ne kufwa . Mwebo mwebana ba kwa Yakobo . Ufweni kuli Isilaeli , umufyashi wenu . ³ Lubeni , webo we mwana wangi umubeli , niwe makosa angi . Kabili ne wekuta chika kwangi ukwa makosa angi , niwebo ukuwama kwangi ukwa bumfu . Kabili niwebo ukufuma mukwikala kwangi mu makosa . ⁴ Pakuti ula fwata kwati menda , webo taukali kuli mukuba nekuwamapo . Pakuti pakwebati webo kauya mukubifya mukulala pa mupundawabawiso . Penka webo kobubifya ukwakuti : webo koya mukufika pakyakulapo kyangi . ⁵ Simyona na Lefai bana bakashi ifita ifikali ifyabungwa mufya kulwa kwabo mipeni . ⁶ Owe mweo wangi , mba nindo wengengilila mu fyakukatasha kwabo : Weba mukwikala pamo mulya umoba kumana . Pakuti umuchima wangi ube uwikalilile mubuleme pakuti pali fifi . Pakuti mu kufitwa kwabo kabepaya abalalume , pakuti kulifi mubukali bwabo pakuti bena kabaputula ing'ombe yakulima umushipa . ⁷ Mweka mukufitwa kwabo bali fingilwe , pakuti pali fifi kwali kukalin - kabili takwalipo ikumbu . Pakuti pali fi baliele ni mbifine kubula ikumbu . Nebo ka babanya bena mu Yakobo kabili ne kubala nisha bonse kuli Isilaeli . ⁸ Juda aba kwabo bakali kukule mya webo . Ukuboko kobe kukali kuli pamukoshi watupondo tobe . Abana bawiso bakali kukufukamina kweka kuliwebo . ⁹ Juda uli kalamu ikali , we mwana wangi , webo waba nekwima ukufuma panama iyo waipaya wemwine , ena ali namishe pashi , ena alitubene kwati nikalamu . Ilu kwati ningina wakalamu . Mba ninani akamubusha ena ? ¹⁰ Penka akasako kabumfumu taka fumeko kuli webo Juda , nangu ninkoli ya bwikalikishi teshi ikafumeko pa makasa obe . Ilyo shilo ta angesa . Penka ifyalo fyonse fikali kumulemya ena . ¹¹ Ikakilwe imbongolo yakwe ili kufaini . Kabili nemwana wambongolo yakwe ikatalile ikakakilwe kufuini Isalilwe , ena alisambishe ifya kufwala fyakwe mufaini kabili ilaya lyakwe alilisafishe mumilopa kweka kufaini kufisepo . ¹² Amenso akwe akali kuba akashikile kee kwatina Faini , ne meno akwe akabane kutuba kwati mukaka . ¹³ Sebuluni akali kwikala kukito kya ku kishiba , Ena akali kuli kwati ni mbele ika tele , kabili kumipaka yakwe bakaikusha ukufika ku Sidono . ¹⁴ Isaki akali kuli ni mbongolo ikosele . Ilukutubeme panshi pakachi kafipata ify mbelele ishakufunga . ¹⁵ Ena akamona bwino apakutushisha pa pusha kabili ne kyalo akakitemwa . Ena akali kwinamina pamapeya akwe mu kupita ne kuba mupyungishi ku mulimo ipangiwe . ¹⁶ Dani akali kuba nekupingula abantu bakwe uli umo uwa mukinkota kya kwa Isilaeli . ¹⁷ Dani a kali kuba ni mulolo mu mbali ya musebo . Uli nebulembe mulolo uwikala kushila pakuti ala suma kukashishilo akakukulu , pakuti alenda pashi shiili asaneme . ¹⁸ Nebo kalukupembelela ukupulusha kwabo , ba Yawe . ¹⁹ Gadi - libumba likali kubashikile mwebo . Pakuti ena akali kulashikila nabo penka palya pakashishilo . ²⁰ Ashali ifyakulya akali kuli munoshi . Kabili ena akali kubafwilisha aba kubumfumu mukuli kufimenesha mukufifusha . ²¹ Nafitali ali mu kota wanama nekuba unakilile : Ena ali muwamishe mukuleta amashiwi . ²² Yosefu ali mutano wakufyalisha awa kufyalisha umutano wakubwipi watutupu twamenda uyo ali mushasapi umwene na peulu pa kibumba . ²³ Penka amata akalikumulwisha ena ne kumulosa ati ena kabili mukumupesha naye . ²⁴ Pakuti ubuta bwakwe bwalikelene makosa , ne maboko akwe akaba asambilishiwe pakwebati pa maboko pa kakaba amakosa amo akwa Yakobo . Pakwebati pa mashiwi napa Bembeshi , nelibwe ilya kwa Isilaeli . ²⁵ Penka ba Lesa abawishi bakali kumu kwasha naye kabili nekuba nemakosa aba Lesa ali nekumushukisha naye pamo ne mashuko amwiulu akililepo . Amashuko ali akunene pakuti abufi mukwishiba . Ne mashuko a mumabele ne a mwipafu pakwimita . ²⁶ Penka amashuko a bawishi ali a kulu aweme ukukila a mashuko a bakale nekale mumpili nangu ni pa kuwama kwa fintu ifyo ifya kale ne kale kumpili . Penka ifi fibe nekuba pa mutwi wa kwa Yosefu . Nangu kuba pa mu chinya pa mutwi pa mutengo ukulu uwa bakwabo bonse . ²⁷ Benjamini akali kuli mumbulu uwa ku mosalo . Uwamulukelo ena ali nikwashi ne kulya uyo yaikata , kabili na mukingulo naye akali kwabanya ifyakutapwa . ²⁸ Pakuti palifi aba ikumilimo na ababili fikota ffyakwa Isilaeli , ifyo efifi pakuti ba wishi kabalabila kulibo pakuti naye bali mushukishe kuli bo . Na onse umo naye balimushukishe pamo mukuli kuba mu kuba shukisha bonse mu mashuko akililepo . ²⁹ Penka ena kabafunda ifya kukonka nabo ne kulabila kulibo , '' Nebo ninebo pakuti kali kuya ku bantu , mukushikala nebo pamo naba wishifwe mweka mwiyengo mukilende alili mwibala lya kwa Efilomo muyetiti , ³⁰ mwenka mu mwiyengo mukilende pakuti mwali mweka mwibala lyaku machipela . Ilyali ku bwipi ku Mamile , mukyalo kya Kanani , mwenka mwibala pakuti Abulama kashita ukuba ni pusha yakulushikamo ukufuma ku Efilomo na mu Yetiti . ³¹ Penka palya apo bashikile Abulama na Sala uwali mukashi wakwe : palya penka apo ba shikile Isaki na Libeka umukashi wakwe : Kabili kweka kulya Nebo eko nashikile na Leya . ³² Mulya mwibala kabili ne yengo nangu achi ikilende pakuti ifi emwali ati balibele nekulipela ukufuma ku bantu bakwe Hafeti . ³³ Penka Yakobo kapwisha Ifyonse ifi mu kulumbulula kubana bakwe . Ena kasutula amolu akwe ne kwafisa pa mupunda . Kapema umuya uwakupelako , kabili kaya kwenka ku bantu bakwe .