¹ Umwalalume alikumene na Efa umukashi wakwe kabili kaimita kabili kafyala umwana Kaini. Kalabila, ''Nakwata ukufumya umwalalume ne kukwashiwa kwaba Yawe.'' ² Kabili kafyala umukwabo Ebeli. pano Ebeli alibele uwakufunga ipanga, lelo Kaini ali uwakulima umushili. ³ Kakisa ikyakumoneka muli iyo pindi Kaini kaleta ifisabo fyaku mushili nga milambo kuli ba Yawe. ⁴ Lelo kuli Ebeli, kaleta ifyabubeli fya mufitekwa fyakwe ifya nonene. Ba Yawe kaba pokelela imilambo yakwa Ebeli, ⁵ Lomba imilambo yakwa Kaini tabashipokelele kyalilengele Kaini ukufitwa nekumfwa ububi. ⁶ Ba Yawe kabalabila kuli Kaini,'' Nindo wafitilwa kabili nokufwa ububi? ⁷ Nga wakita ikiweme, nga tawakipokelelwa?'' Lomba tawakikita ikiweme, ububi bwakulu kukwanya mukalango noku kwalulula. Lomba ulilingile ukutangililapo.'' ⁸ Kaini kalabila kuli Ebeli umwnike wakwe, kyali shile ili bali mwibala, Kaini kaimina umwanike wakwe Ebeli nokumwipaya. ⁹ Penka ba Yawe kabalabila kuli Kaini, ''Nga Ebeli alipi umwanike obe? kabasuka,'' ''shishibilepo. Kashi ninemo sunga umwanike wangi?'' ¹⁰ Ali ba Yawe balabile kuli Kaini,'' Nindo wakita? Umulopa wa mwanike obe alukwita kuli nemo ukufuma panshi. ¹¹ Pano ukufingwa kube kuli webo ukufuma ku mushili. Ikyaisula akanwa ukupokelela umulopa wa mwanike obe kumaboko obe. ¹² Ili ukalima umushili, ukutatika pano tafykakule bwino namakosa. ubupondo ne fyakukumya fya kuli kuba pa kyalo.'' ¹³ Kaini kalabila kuli ba Yawe,'' Ukumanikwa kwagi kukulu nokukila pafinengaba. ¹⁴ Ikine mwafumya pabushiku bwalelo pa kyalo, kabili kalu kufiseme kupumi yenu, ubupondo no kwenda pa kyao, no onse ukasanga akangipaya.'' ¹⁵ Ba Ýawe kabalabila kuli ye'' Nga uli onse kaipaya Kaini, ukubweshanya kukaba pali ye isanu na abili,'' penka ba Yawe kababika akeshibilo pali Kaini, pakwebati uyo winga musanga teti a mwikante. ¹⁶ Pano Kaini kafuma kuli ba Yawe nokwikala mupanga ya nonde, ku kabanga ka Edeni. ¹⁷ Kaini alishibile umukashi kabili alifyele, Alifyele Enoki alisompele umushi nokumupela ishina panuma ya mwana wakwe Enoki. ¹⁸ Kuli Enoki kwali fyelwe Iladi. Iladi alibele wishi lyakwa Mekuyaeli, Mekuyaeli alibele wishi lya kwa Metusaeli, Metusaeli alibeli wishi lyakwa Lameki. ¹⁹ Lameki alyupile abanakashi babili. Uwakutanga ali Ada nowa bubili ali ni Shila. ²⁰ Ada ali fyele Yabala. Ali ni wishibo wabalya abaikele mumatete abalukulama ifilelwa. ²¹ Umwanike wakwe ishina lyakwe wani Yubala. Ali mwishibo wa balya abalu kulisha mesela ne misembe. ²² Pano Shila, ali fyele Tubala-Kaini, sendwe wa fibombesho ulubene fyela. Ikashi yakwa Tubala-Kaini wali Nayama. ²³ Lameki kalabila kubakashi bakwe.'' Ada na Shila, kutikeni kwi shiwi lyangi: mwebakashi bakwa Lameki. kutikeni kufyo nduku labila. Naipaya umuntu upachile nemo, moye pakuti ali kusomesha nemo. ²⁴ Nga Kaini akabulwa asanu na abili mukutamusha, pano Lameki akalabulwa amakumi asanu na abili nasanu naibili.'' ²⁵ Kabili Adama alishibile umukashi, Alifyele nomwana. Alimwitile ati Seti nokulabila, ''Ba Lesa bapela umwana umbi ukubwesha pali Ebeli. pakuchili Kaini alimwipeye. ²⁶ Umwana umwalalume ali fyelwe kuli Seti ali mwitile ishina ati Enoshi. papindi ilyo abantu bali talikile ukwita peshina lya ba Yawe.