¹ Pano isoka yali ni kengeshi pafilengwa ifyali mwibala ifyo ba Yawe bapangile. Kailabila kamwanakashi,''kyakiine ba Lesa balabila ati mwikalya kukichi ikya mubulimi'?'' ² No mwanakashi kalabila kusoka, ''kuti twalya ifisepo ukufuma kufichi fya mwibala, ³ lomba kufisepo ifya kukichi ikili mukachi kebala, Ba Lesa kabalabila, 'Mwikalyako, Nangu ukwikatako, nangu ukufwa.'' ⁴ Nesoka kailabila kumwanakashi, ''kine tamwafwe. ⁵ Pakuti ba Lesa balishibile kwebati bushiku mukalyako Amenso yakamona, kabili mukaba koti niba Lesa, ukwishiba ikiweme ne kibipile.'' ⁶ Penka umwanakashi abwene kwebati ikichi kyali bwino nefyakulya ukwikala nakalango, kabula ifisepo fimo nokulya. Ali abulile nokupela umwina kwakwe uyo ali nao nokulya kalya. ⁷ Namenso ya bonse babili kalaba, Nokwishibati bali ubwalondwa. Bali swile amabula yamukuyu pano nokupanga ifyakuli fimba abene. ⁸ Pano alyufwile imitutu ya ba Yawe Lesa kaili kwenda mwibala mupindi yakingulo. Ali umuntu nomukashi wakwe kafisama kupumi yaba Yawe Lesa mukachi kafichi mwibala. ⁹ Ba Yawe Lesa kaba mwita umuntu nokulabila kuli ye, ''Mba ulipi?'' ¹⁰ No muntu kalabila, ''Nakimyufwa mwibala, Nali nomweso, pamulandu nali ubwalondwa, penka nakifisana ne mwine.'' ¹¹ Ba Lesa kabalabila, ''Nani waki mwebati mulyu bwalondwa? Mwalyako kukichi ikinani kabishe ati mwekalyako?'' ¹² No muntu kalabila,'' umwanakashi uyo mwapele ukuba nanemo, ewakipela nemo ifisepo ukufuma kukichi, nakilya.'' ¹³ Ba Yawe Lesa kabalabila ku mwanakashi, ''mba nisa fintu wakinta?'' Umwanakashi kalabila, ''Isoka yakibepa nemo, kabili nakilya.'' ¹⁴ Ba Yawe kabalabila kusoka, pamulandu mwakita ifi, ifingo pali mwebo nafyonse ifimulama nafyonse ifikala mwibala. Nimukapafu kobe ukali kwenda, kabili ikalyokobe lukungu mubumi bobe bonse. ¹⁵ Ndukubika ubulwani pali webo no mwanakashi, napabuto shonse napabuto shobe. Bakali ku kupama ku mutwi, na webo bakali kukupama ku kashishilo.'' ¹⁶ Naku mwanakashi kalabila,'' kalundapo ukusomenwa pa ku fyala kwa bana bobe: kabili mukusomenwa emo ukafyalila abana. Ukufwaya kobe kukaba kumulume obe. Lomba akekala mukulu pali webo. ¹⁷ Nakuli Adamu kalabila, pamulandu wakufwila kwishi wilya mukashi obe. Nakulya ukufuma kukichi, umushili wafingwa pamulandu obe, kalabila, 'ukupitila mukusomenwa kwa milimo emo ukalila; inshiku shobe shonse shabumi bobe. ¹⁸ Ifi kafyala imyunga nakilaka kuli webo kabili ukalikulya ifichi fya mwibala. ¹⁹ Namwitukuta lya mupumi yobe emo ukalila shikwa. ukufika napakubwela kwa ku mushili, uku wafumine. pantu webo ulilukunga, nakulukunga eko ukabwela.'' ²⁰ No muntu kaita umukashi wakwe ati Efa pamulandu wali ninyina wa bonse aboni. ²¹ Ba Yawe ba Lesa kabapangila Adama na Efa umukashi wakwe ingubo ya kiseba nokubafwika. ²² Ba Yawe Lesa kabalabila, ''pano umuntu abakoti nifwebo, ukwishiba ikiweme nekibipile. pano yalingile ukumusuminisha ukufika namaboko, ukufumya kukichi kyabumi, nokulya, nokwikala umuyayaya.'' ²³ Penka ba Yawe Lesa kaba mufumya mwibala lya Edeni, ukulima umushili ukufwako bamufumishe. ²⁴ Pano ba Lesa kaba fumya umuntu mwibala, kabili nokubikako amakelubi kukabanga kebala lya Edeni, kabili nolubebelwa mupanga ulushinguluka mushili yonse. mukukingilila ishila ya kukichi kya bumi.