¹ Yosefi ali letelwe ku Ijipita . Potifwa , wakinto kuli Falao ewali kilolo wa mu londa kabili umwina Ijipita , ewamushitile ukufuma ku bena Ishimeli , ewamushitile kushi kulya . ² Ba Yawe bali na Yosefi kabili alibele wakwishibanikwa umuntu . Alikele mung'anda yakwa Kilolo wamu Ijipita . ³ Ba shikulu bakwe kaba mona kwebati Yawe ali nakwe kabili Yawe alipekanishishe limo muli fyonse akitile . ⁴ Yosefi alikele bwino kumeso . Ali mupyangile Potifwa . Potifwa kalenga Yosefwa kilolo wa ng'anda nafyonse alinafyo , fyalimu mabokko akwe nokufilama . ⁵ Yalishile nokufika pa pindi iyo ba mubikile kilolo wa mung'anda na fyonse alinafyo , ba Yawe bamupesesha abena Ijipita mung'anda pamulandu wakwa Yosefi . Amapesho yaba Yawe yali ponse Potifwa akwente mung'anda na mumalimi . ⁶ Potifwa ali pele fyonse Yosefi ukulama . Tlukulangulukapo palifibi kani lukoso pafya kulya ifi alukulya . Pantu Yosefi alitekenye nokumoneka bwino . ⁷ Yalifikile panuma bamuka shikulu bakwe baposele ameso pali Yosefu nokulabila , '' Lala nanemo .'' ⁸ Lomba ali kene nokulabila kuli ba mukashikulu wakwe . '' Mone , ba shikulu taba posakwa amano pafikinta mung'anda , kabili babika fyonse bakwete mumaboko angi . ⁹ Takulipo umukulu muno mung'anda ukukila pali nemo . Takanyapo nangu kimo ukufumyako mwebo . Pakuti muli bakanshi bakwe . Mba nindo nenga kinta ukubifya ukukulu nokubifya kuli ba Lesa ? '' ¹⁰ Lyonse alukulabila pali Yosefi pakasuba pakasuba , lomba ali kene ukulala naye nangu ukuba naye . ¹¹ Kyalishile bushiku bumo pakuchi alingile mung'anda nokukinta umulimo . Takwalipo neli bamo abantu abalalume mung'anda . ¹² Ali mwikete mumalaya nokulabila ati , '' Lala nanemo . '' Ali mushilile ifyakufwala mumanboko , no kubutuka , no kufuma posonde . ¹³ Yali fikile , ili Anwene kwebati amushila ifyakufwala mumaboko nokufumina posonde . ¹⁴ Ali aitele abalalume ba pang'anda nokubeba , '' Moneni , Potifwa aleta umwina Abeli nokusetu sebanya . Akisa kuli nemo kwebati ndale nakwe , nakipilikita . ¹⁵ Yakifika pakufwa ukubilika , ali akishila ifyaku fwala nokufuma posonde . '' ¹⁶ Ali tulile ifyakufwala kubwipi ukufika ne pindi ili bashikulu baishile . ¹⁷ Noku londolola , '' Umwina Abele umunbofi mwaletele kuli fwenbo , akisa mukuti nokusebanya . ¹⁸ Ali nakibilika , akishila nefyakufwala mu manboko nokufuma posonde . '' ¹⁹ Yalifikile pindi , ili bashikulu baufwile ukulondolola kwa bakashi , '' Afyakita umunbofi wenu kuli nemo . '' Alifitilwe apakulu . ²⁰ Bashikulu ba kwa Yosefi kaba mubula nokumubika mu kyele , umwali abafungwa ba bufumu bakakilwe . Ali mulya mu kifungwa . ²¹ Lomba ba Yawe bali na Yosefi nokumumwenesha ululayano lwa busumini kuli ye . Kaba mupela ukumoneka bwino kuba kumona abafungwa . ²² Aba kusopa abafungwa balimupele ubukulu pabali mubu fungwa , fyonse balukukita Yosefi ali mukulu . ²³ Aba sungishi ba bafungwa taba bakamenepo pali fyonse ifyali mumanboko akwe . Pamulandu ba Yawe bali nakwe muli fyonse alukukita . Ba Yawe kaba mukinga .