¹ Yalifikile impindi imo iyo Yuda ashile abakwabo nekuya mukwikala ne mwina Adulami , uwe shina lya Ila . ² Ali kumene nemwana umwanakashi uwa mwalalume umwina Kenani . Ishina lyakwe ali ni Shuwa , alimupokelele ne kwingila na kwe ena . ³ Umwanakashi alimichile nekufyala umwana umwalalume alinikilwe ne shina ati Eu . ⁴ Kabili alimitile libili nekufyala umwana umwalalume umbi kamwinika ishina ati Onani . ⁵ Kabili kaimita nekufyala umbi nekumwinika ati ni Shela . Uku kwali niku kesebi uko uku amufyalile ye . ⁶ Yuda alimumwenene umwanakashi Elu ibeli lyakwe , Ishina lyakwe ali ni Tamala . ⁷ Elu , ibeli lyakwe Yuda ali unakile mufya kubifya kumenso a ba Yawe , kabili ba Yawe balimwipeye naye . ⁸ Yuda alilabile kuli Onani ati , '' Koya ukengile mumukashi wa mulongo obe , wangale nakwe ili ali mulamu obe . Pakwebati umufyalileko umwana umulongo obe .'' ⁹ Kabili Onani alishibile ati uyo umwana takabepo wangi , pampindi iyo aile mukwangala namuka mulongo wakwe , tasuminishe , amenshi abufyashi ukwingila muliye . Alitile pabulo , pakweba ati engabula ukufyalila umwana mumukashi wamulongo wakwe . ¹⁰ Nangaba nifyefyo , ifi akitile , wali mulandu kumenso aba Yawe . Kabili ba Yawe bali mwipeye . ¹¹ Penka Yuda kalabila kuli Tamala , umulokashi wakwe ati , '' Kaikele bumukamfwilwa mung'anda yaba wiso , ukufika nempindi iyo umwana wangi , Shela , akakula'' . Kabili alyumfwile umwenso , '' Limbi kuchi afwa , kuchi nifyopele filya abalongo bakwe , ba fwile .'' Tamala alimushile nekuya mukwika mung'anda yabawishi . ¹² Ili papichile impindi ikulu umwana umwanakashi uwa kwa Shuwa , umukashi wakwe Yuda , alifwile . Kabili balimutekeneshe Yuda . Alimine nekuya kubantu bakwe ababeyeshi bambelele kutimina , ye pamo ne kibusa kyakwe , Ila umwina Adulami . ¹³ Tamala bali mwebele ati , '' Bona , bawiso fyala balukuya ku Timina mukubeye mbelele shabo . '' ¹⁴ Alifulile ifyakufwala fyakwe ifyabumukamfwilwa ne kulifimba umwine akatambala pamenso , nekulifimbilisha insalu umwine , alile mukwikala pamulyango wa Enamu ,panshila yakuya ku Timina , pakuti ali bwene ati Shela akula pano lombata bamupene kuli nebo ati angupe . ¹⁵ Penka Yuda pakumubona alilangulikile ati mukyenkyemeshi : Pakuti alifimbilisha insalu pamenso . ¹⁶ Penka alyalulukile nekuya kuliye kumpelo yanshila nekulabila ati , '' Isa napapata ndukufwaya ukwangala nobe .'' Kabili taishibile ati mulokashi wakwe - kabili naye umwanakashi ati , mba wakumpelendo pakweba ati ng'angale nebo . ¹⁷ Alabila ati , '' Nkakutumina umwana wambushi ukufuma mwitanga , '' umwanakashi kalabila ati , '' Ninsa keshibilo wa kumpela ili taungatuma ? '' ¹⁸ Naye ati , ''mba ninsa keshibilo aka nengakupela ? '' Naye alyasukile ati , akabwe kobe akakeshibilo nemwando wobe ne mukombo obe uli muminwe yobe .'' Kabili ali mupelae fyonse umwanakashi . kabili alyangele nakwe . Nekwimita alimichile umwanakashi kuliya . ¹⁹ Ili bapwishishe , alimine umwana kashi nekuya , alifulile nensalu yakwe nekufwala ifyakufwala fyabumukamfwilwa . ²⁰ Yuda alitumine umwana wambushikupichila muli kibusa wakwe umwina Adulama pakwebati apoke akeshibilo kuminwe yamwanakashi . Kabili tamusangilepo naye . ²¹ Penka umwana Adulami alipwishe abalalume bakuli ilya inkende ati , '' Mba ulya umwanakashi umukyenkyemeshi uwali ku ena yami kunshila alipi ? Nabo ati , tapakibapo umwanakashi umu kyenkyemeshi umwina kuti kuno . '' ²² Naye alibwelele kuli Yuda nekulabila ati, '' Nshimusangilepo , penka , abalalume bapali ilya nkende . Kabalabila ati , ' tapekelepo pano umwanakashi umukyenkyemeshi kuno . ''' ²³ Yuda ati , '' Lekeni asunge ifintu , ukukila fwebo ukutulengesha insoni , bona nalitumine uyu mwana wambushi , sombi tawa musangilepo .'' ²⁴ Penka ili papitile impindi kochi myenshi itatu balimubulile Yuda ati , '' Tamala umulokashi wobe akito bukenkyemeshi , kabili ikyakine , ali nepafu ilyakupula . '' Popele yuda ati , '' Muleteni kuno tumokye . '' ²⁵ Penka ili bamufumishe ye , alitumine kulibawishi fyala amashiwi , '' Kumuntu ati , '' Ndine pafu lyakwa wenka umwine wafifi fintu . Kabili ati mwishibe ati ngefifintu fyakwe nani : akabwe aka keshibilo nemwando ne nkonto . '' ²⁶ Penka Yuda ali fibwene nekulabila ati uyu mwanakashi mulungami ukukila nebo , nangaba nshamupene kuli Shelo , umwana wangi . '' Ye talele nakwe libili ne . ²⁷ Yalifikile impindi yakwe iyakupapilamo , boneni munda mwakwe mwali bampundu . ²⁸ Pampindi iyo alukupapa umwana umo ali pushishe ukuboko , kabili ikimbela kyalimwikete pakuboko nekumukaka akasalu akaka shilukile, nekulabila ati , Uyu e mutanshi ukufuma . '' ²⁹ Penka ali bweseshe ukuboko kwakwe , kabili boneni , umukwabo alishile mukutangilapo ukufuma , kumfwa ikimbela ati , '' Mba nindo wapulila pesonde ! '' Kabili alinikilwe ne shina ati ni Peleshi . ³⁰ Penka umukwabo naye alishile mukufuma , uyo uwali ne nsalu ikashilukile pakuboko kwakwe . '' Kabili alinikilwe ishina ati Sela .