¹ Kabili ba Lesa kabalabila kuli Yakoba ati , '' Ima uye ku Befelo , ukekale kwenka kulya , ukasompe ikyonto ikya umulambu ikyakwa Lesa . Uya uwbonekele kuli webo ili wabutukile ukufuma kuli Isao umulongo obe . '' ² Yakobo ali labile kuba munganda yakwe nabonse aba alinabo ati , '' Fiposeni fibalesa fyenu ifyo muli nafye . Beni abaswetelele mwebene , ekukingya ifyakufwala fyenu . ³ Kabili twendeni tufumeko tuye ku beteli , kasompa ikyonto kya mulambu ikya ba Lesa , abo abangasukile mu kyakukatasha kyangi , kabili bali nanemo ukuli konse ne ngaya . ⁴ Penka balibuli balesa abali mumaboko abo nekumupela Yakobo . Netukebeka utwali kumatwi abo . Yakobo alifibulile nekufifisa mu nshi yakichi kya Oko ikyo ikyali kubwipi na Shenkemu . ⁵ Ili bale enda , ba Lesa balibomfwishe akatinya mumishi yonse iya bashingulukile , kabili aba bantu balifililwe ukaba konsha . abana bakwe yakobo . ⁶ Kabili Yakobo alifikile ku Luza ( uyo , uli ni Betele ) , uli mukyalo kya Kenana , ye nebantu bonse aba alinabo . ⁷ Ali sompele nekyonto kya umulambu kwenka kulya . Nekwinikapo ishina ati Eli Betele , pakuti ba Lesa eko babonekele kuliye . Ili alebutuka umulongo wakwe . ⁸ Kabili Debola wakumwafwako Libeka , alifwile . Bali mushikile ku Beteli munshi yakichi ikya Oku . Kabili balinikilepo ishina ati Aloni Bakufi . ⁹ Ili yakobo abwelele ukufuma ku pandala Alamu . Ba Lesa ba libonekele kuliye libili ne kumushukisha . ¹⁰ Balesa kabalabila kuliye ati , '' Ishina lyobe niwe Yakobo . Lomba ili ishina taliketwapo libili ati Yakobo , pano ukalukwitwa ati Isulaeli . Kabili ba Lesa bali mwinikile ati Isulaeli . ¹¹ Ba Lesa balilabile kuliye ati , nebo nine Lesa uwamakosa fyaleni nekufyalulula mufule . Imikokanemitundu yabantu fikafuma muli webo , kabili nemfumu shikafuma mukifyashi kyobe . ¹² Umushi uyo na pele Abulama na Isaki . Nkakupela webo . Ne kufyashi kyobe nakyonkakipela umushili . '' ¹³ Kabili ba Lesa balifumineko kuliye uku balelabila nakwe . ¹⁴ Penka Yakobo alisompele ipanda lyebwe pankyende apo ba Lesa balabilile kuli ye . Lyali lishiki ili kosele . Kabili alichilepo ne mulambo , wafyakunwa ne kwitulwilapo amafutapali kyo . ¹⁵ Panka Yakobo kainikapo ishina pali ilya nkyende apa ba Lesa balabilile nakwe ati , Beteli . ¹⁶ Impindi yakufuma kubeteli yalifikile , ili bali apatalamukileko naku Elufuleti . Lakeli alyumfwile ifisanso ifikulu , alifikile pampindi iyakupapa. ¹⁷ Ili aumfwile ifisanso ifikulu nekupapala , mboswa yakwe kamwebati , '' Wiba nemwenso , bukumo ube nemwana umbi . '' ¹⁸ Ili alukufwako nekupemashika alimwinikile neshina ati Benoni , pano bawishi balemwita ati Benjamini . ¹⁹ Lakeli , alifwile bali mushikile munshila iya kuya kulifuleta( uyo uli ni Betelema . ) ²⁰ Yakobo ali mikilepo ipanda lyebwe pakilende kyakwe ikyo ikili keshibilo kakilende kyakwa Lakeli ukufika na lelo . ²¹ Isulaeli alyendele nekufika popele palya apa baimikile lilya ishiki lyebwe nekwimikapo itente . '' ²² Ili Isulaeli atwalilile ukwikala muli kilye kyalo . Lubeni alyangele na Biliya uwale angala na wishi . Kabili Isulaeli alyumfwile . Yakobo ali ne bana ikumi limo na babili . ²³ Abana bakwe muli Liya bali Lubeni , Ibeli lyakwe Yakobo na Shimyoni , Lefi , Yuda , Isaaki ne Zabuluna . ²⁴ Abana afyalile muli Lakeli bali Yosefwa na Benjamini . ²⁵ Abana afyalile muli Beliya , uwali mubomfi wakwa Lakeli umwanakashi , bali ni Dani na Nefutali . ²⁶ Abana ababonse bali bana bakwa Yakobo aba afyalile ku padana Alamu . ²⁷ Kabili Yakobo alishile kuli Isaki wishibo . Ku Mamale , kukilyata . Alaba ( Nangu ati Hebuloni ) uko kwaikelapo Abulama na Isaaki . ²⁸ Isaaki alikele nekufikisha imyaka umwanda umo nemakumi asanu na atatu . ²⁹ Efyo apemene limo fye nekufwa afwa . Kabili bali mutwele ukwapilile ikifyashi kyakwe . Isao na Yakobo abana bakwe , balimushikile .