¹ Ili Izaki wakotele nameso yali pofwele kabili kaleka ukunbona , Alitile Isao , umwana wakwe wabubeli , nokumweba , '' wemwana wangi , '' Na Isao kabasuka , '' Ndipano , '' ² na Izaki alabila , '' Mona pano , nakula . Shishipo bushiku bwakufwa kwangi . ³ Peka taleni ifyaso fyenu nobuta bwa mukanda nemifwi , kabili kabiyeni mwibala nokukipailako inama . ⁴ Utenke bwino ifyakulya fyangi fweka Temenwe , Uletekuli nemo kwebati indye alipekenye nokutonka ili tanga fwa . '' ⁵ Lebeka alufwile ili Izaki alabile kuli Esao umwana wakwe . Esao kaya kwibala mukufyaya inama nokuleta . ⁶ Lebeka kalabila kuli yakonbo umwana wakwe , '' Mona pano . Nakyufwa ukulabila kwaba wiso kuli Isao umwanike Obe . Akilabila ati , ⁷ ' Leta inama yapanga nokuiteka bwino kwebati indye . Noku kupala mukyeni kyaba Lesa ili shinga fwa .' ⁸ Pano peka , wemwana wangi . Nakila ishiwi lyangi ndukukukabisha webo . ⁹ Koya kwitanga lya mbelele , nokuleta imbelele shibili shinini : Nokuteka bwino koteka ifya kulya ba wiso , fyeka batemenwe ukulya . ¹⁰ Utwale kuli ba wiso , kwebati balye , pakuchi bakupesele webo ili tabanga fwa . '' ¹¹ Yakobo kalabila kuli Labeka ngina , '' Moneni Isao umukulu wangi ali nobupipi pamubili . Ndimuntu wakubula bupipi . ¹² Pabi batata banga kwata pamubili , kabili komoneka u-wabubi . Kuchi naleta ifingo palinemo kabili tali ipense . '' ¹³ Bangina kabalabila kuli ye , '' Wemwana , lekeni ifingo liponene pali nemo . Ufwa kwishiwa lyangi , nokuya , mukundetela nemo . '' ¹⁴ Peka Yakobo kaya mukupinta imbelele no kushileta kulibangina . Nabangina kabateka ifiweme ifyakulya fyeka batemenwe bawishi . ¹⁵ Lebeka alitolele ifyakufwala fyakwa Isaqo , umukulu wakwe , ifyali munanda yakwe . Nokumufwika Yakobo , umwanike wakwe . ¹⁶ Ali mubikile umukupo wambelele pamanboko napamukoshi alibikilepo ifyabusako . ¹⁷ Kabika ifilyo ifiweme nashikwa ifi ateyenye nokumupela umwana wakwe Yakobo . ¹⁸ Yakobo kayakuli bawishi nakulabila . '' Tata , '' Naba wishi kabalabila , '' Ndipano ; niwebo nani . wemwana wangi ? '' ¹⁹ Yakobo kalabila kuli ba wishi , '' Ninemo Isao ibeli lyenu . Nkita ifi mwakingeba . Pano kaikala nokulya inama . Pakwebati mwinga pela ipense . '' ²⁰ Izaki kalabila kumwana wakwe , '' Mba kyaba shani ukusanga bwangu wemwana wangi ? '' Kalabila ati '' Pamulandu wa ba Yawe Lesa wenu bakileta kuli nemo . '' ²¹ Izaki kalabila kuli Yakobo , '' Isa pa bwipi . Kwebati kwikate , we mwana , kwishinbe kani kine uli mwana wangi Isao nangu yowo .'' ²² Kabili yakobo alile kuli ba wishi Izaki bawishi ; Naba Izaki ka ba mwikata pamubili nokulabila , '' Ishiwi ni Yakobo , lomba amaboko akwa Esao . ²³ '' Izaki tamwishibile . Pakuchi amaboko yali nobupipi , kwachi mukulu wakwe Isao , Na Izaki kamupesha . ²⁴ Kalabila , '' Kyakine ulimwana wangi Esao . '' Kabasuka nokulabila , '' Ninemo , '' ²⁵ Izaki kalabila . '' Leta ifyakulya kuli nemo . Indye inama yobe , pakwebati kupele ipense . '' Yakobo aliletele nefyakulya kuli wishi . Izaki kalya . Na Yakobo kamuletele no umwangashi , no kunwa . ²⁶ Peka ba wishi ba Izaki kabalabila kuli ye , '' . ²⁷ Isa pabwipi nokufyopa , wemwana wangi . '' Yakobo aishile pabwipi nokufyopa . Alisekele nokuseka pafyakufwala no kumupesha . Kalabila , '' Moneni , ukuseka kwa mwana kuli kwachi ni seko yaba shikulu bapesha . ²⁸ Ba Lesa benga kupela ikipifwa kyakime kya mwiulu . Ikipifwa kyakwina pa kyalo . Ne sangwa ishingi nomwangashi wabukumo . ²⁹ Abantu benga kupyungila nafyalo fyenga ku fukamina . Ube umukulu pa mukulu obe . Nabana babanoko abalalume bakufukama kuli wenbo . Na onse ukakufinga akafingwe : ³⁰ Pekapo ali apwile ukupensela Yakobo , Yakobo kaya upeshiwe ukufuma kupumi yabawishi ba Izaki wishi , Isao umukulu wakwe alishile ukufuma mukwipaya inama . ³¹ Naye ali tekele ifya kulya ifyali bwino nokuleta kuli wishi . No kulabila kuli wishi , '' Tata , imeni nokulya inama yamwana wenu . Kwebati mupesele nemo . '' ³² Izaki wishi kalabila kuli ye , '' Niwebo nani ?'' Ifyo alabile , '' Ninebo umwana wenu wabubeli , Isao .'' ³³ Izaki ka katashiwa apakulu nokulabila ,'' Banani wakipaya inama nokuleta kuli nemo ? Nakilya kale ili taungesa , no ku mupensha . Kine , akapeshiwa . '' ³⁴ Ili Isao aufwile amashiwi ukufuma kuli ba wishi , kalila neshiwi ilikulu nokulilisha , nokulabila kuli wishi , '' Pensheni , nanemo , Tata . '' ³⁵ Umwanike obe akisa pano nobufi nokupinta ipense . '' ³⁶ Isao kalabila , '' Kanshi kyolokele ukwitwa Yakobo ? Pakuchi abepa libili . Ali pichile ububeli bwangi , kabili , moneni . Pano apinta ama pense angi . '' Peka kalabila , '' Nkanshi tamushililepo ipense lyangi ? '' ³⁷ Izaki ka asuka nokulabila kuli Isao , '' Moneni, namulenga ukuba umukulu , napana kuli webo umulongo obe ubusha , napana kuli ye isangwa nawaini . Mba nisa fintu nenga kukitila , wemwana ? '' ³⁸ Isao kalabila kuli ba wishi , '' Nkanshi tamulipo nangu kamo kalipense akangi , tata ? Pesheni , nanemo kabili, tata . '' Isao kalila apakulu . ³⁹ Izaki wishi kamwasuka nokulabila kuli ye , '' Mona i pusha ukekala ikekala nobanoshi ubwingi pakyalo , ukukila kafwa wa mwiulu . ⁴⁰ Pafyenbo ukekala , kabili ukalama abalongo . Lomba ngawamwalukila , ukasukanya ukipinto ukufuma pamukoshi '' ⁴¹ Isao alipachile Yakonbo pamulandu wepense ili ba wishi ba mupela . Isao kalabila mumuchima , '' Inshiku sha malilo yabatata shapalama , panuma kepaya umwanike wangi Yakonbo .'' ⁴² Amashiwi yakwa Isao ibeli lyakwe alilabilwe kuli Lebeka . Penka katuma nokwita Yakobo umwana wakwe umwanike nokulabila kuli ye , '' Mona umukulu obe Isao alikulilishanya pali webo . ⁴³ Pano penka , wemwana wangi , nakile nokuya kuli Labani , umwanike wangi , mu Alani . ⁴⁴ Nokwikala papindi ukufika kani ubukali bwamukulu obe bukatotoloke . ⁴⁵ Nokufika pakupwa kwa bukali pali webo , no kululunako pafyo wakinta kuli ye . Penka kakutuma nokubwela . Mba nindo nenga milufya bonse mushishiku bumo ? ⁴⁶ Lebeka kalabila kuli Izaki , '' Na ufwa ukubula kutondwa pa bumi pamulandu wabana banakashi bakwe Hefu . Nga ya konbo akapitepo uno umwana mwanakashi wa kwa Hefu ati umukanshi , kwati nbalya abanakashi , bamo abana ba panga . No bune bwa bumi bwangi bukaba shani kuli nemo ? ''