¹ Penka mwalibele insala mu kyalo, iyo iyali ni imbi pali yeyo iyabeleko munshiku shakwe Ablaamu. Isaci alile kuli Abimeleci, imfumu ya bena Filisiti ku Gelala. ² Penka ba Yawe balibonekele kuli ye ne kulabila ati, ''Wiya ku Ijipiti; kawikala mu kyalo ikyo nakuubula ukwi kalamo. ³ Kawikala muli kikino kyalo, kabili nkalu kuli na webo ne ku ku shukisha; pakuti kuli webo na kubana bobe, nkapela ifi fyalo fyonse, kabili nkafisha ukulaya ne kulapana lapile kuli Ablaamu wiso. ⁴ Kabili nkafusha abana bobe koti tubanga banga twa mwiulu, kabili nkapela kubana bobe ifi fyalo fyonse. Ukupitila mu bana bobe emo imikoka iya pa kyalo kyapanshi shikashukila. ⁵ Nkakite fi nipa kuti Ablaamau ali linkakile ishiwi lyangi ne kulama uku kambisha kwangi amafunde angi, amalamuna angi ne mishilo shangi.'' ⁶ Penka Isaci alikele ku Gelala. ⁷ Ili abalalume aba ku kifulo kilya ba mwipwishe palwa mukashi wakwe, ali labile ati, ''Ninkashi yangi.'' Alitinine ukulabila ati,'' mukashi wangi,'' ''Pakuti alilangulukile ati, ''Abalalume ba kukuno ku kifulo bakungipaya nemo ati ba mupinte Labeka, pakuti ye ali ne bu ulombe ubwinenene.'' ⁸ Na panuma Isaci aikalako impindi itali kulya, Abimeleci imfumu iya ba Filisiti yali tontomekele ne kulolesha pe windo. Ali mwene, kulolesha, Isaci alukwangala na Labeka, umukashi wakwe. ⁹ Abimeleci alimwitile Isaci kuli ye ne kulabila ati, ''Mona, ikine mukashi obe. Lomba nikindo walabile ati, 'Ninkashi yangi?'' Popele Isaci ali labile kuli ye ati, ''pakuti nalilangulukileati koti umbi engangipaya pa ku mupinta ye.'' ¹⁰ Popele apo Abimeleci alilabile ati, ''mba minsa kintu iki watukita fwebo? umo mu bantu epali alala ne mukashi obe, kabili kani nga watuletela umutundu fwebo.'' ¹¹ Popele Abimeleci ali ba kengeshe abantu bonse ne kulabila ati, ''Uyo onse ukekata uyu muntu neli mukashi wakwe ikine akepaiwa ¹² Isaci alibyele ifilyo muli kulye kyalo kabili ne kusangamo umwako yo opele ifisepo umwanda, ni pakuti ba Yawe bali mushikishe. ¹³ Popele uyu muntu alibele munoshi, kabili alukukulilako lukoso ukufika napa mpindi yo abele umubile. ¹⁴ Naye ali nembelele ishingi ne ñgombe, kabili ne ba muñanda yakwe abengi. Penka aba Filisiti bali mukumbilwe. ¹⁵ Lomba imikalo shonse isho ba sepele ababomfi ba bawishi mu shiku shakwa wishi Ablamu. Aba Filisiti bali shikenye ne ku shikamo iloba. ¹⁶ Abemeleci alilabile kuli Isaci ati, ''koye ukufuma kuli fwebo, pakuti webo uli tukilile amakosa fwebo.''' ¹⁷ Lomba Isaci kafumako kulya ne kutentemukila mwilungu iya Gelele, kabili emo aikele. ¹⁸ Kabili Isaci ali sepele imikalo ya menda, isho ba sepele m nshiku shakwa Ablaamu wishi. Aba Filisiti isho ba bakenye panuma yakufwa kwa kwe Ablaamu. Isaci ali shinikile imikalo amashina enka amo ba wishi balu kushita. ¹⁹ Ili aba milimo bakwe Isaci ba sepele mwilungu, balisangilemo mulya umukalo uyo uwalu kupongoloka menda. ²⁰ Abembeshi aba ku Gelala bali kutosha ne bembeshi ba kwa Isaci, kabili ne kulabila ati, ''Aya menda esu.'' Popele Isaci ali winikile ulya mukalo ati, Eseci,'' ni pakuti bali tosheshe nakwe. ²¹ Bali sepele umbi umukalo, Napali uyu na o bali tosheshepo, fyopele fyo, penka na o ali upele ishina ati,'' Shitina.'' ²² Alifuminepo palya ne kusepa kabili na umbi umukalo, Lomba pali uyo taba tosheshepo. Lomba aliwinikile ati Leyoboti, kabili alibile ati, ''Pakuti bukumo ba Yawe batulengelo umupunda fwebo, kabili tukali kuli ababile mu kyalo,'' ²³ Popele apo bali Lesa alile uko ukufuma ne kuya ku Beyasheba. ²⁴ Popele ba Yawe bali bonekele kuli ye pali bwenka bulya ubushiku kabili ne kulabila ati, ''ninemo Lesa wakwa Ablaamu wisu. Witina, pakuti ndina webo kabili nkakushukisha webo ne kufusha aba ñanda yobe, nipa mulandu wa muntu wangi Ablaamu. ²⁵ Isaci alibakile ikya kokelapo umulambu kulya ne kwita peshina lya ba Yawe. Kabili ali bankile itente lyakwe palya penka, kabili aba mulimo wakwe ba sepele umukalo. ²⁶ Popele apo Abimeleci alile kuli ye ukufuma ku Gelala, pamo na Akusati umubyakwe, na fikoli umukulu wafita fya ba shilika bankondo. ²⁷ Isaci alilabile kuli bo ati, nikindo mulukwishila kuli nemo, pakuti mulimpatile nemo kabili mwalintamfishe ukufuma kuli mwebo?'' ²⁸ Nabo ba lilabile ati, ''Twabona ati ba Yawe bali na webo. Popele twalikibwene ati, pengaba ikilapo pakuti kesa ikine, pakati kesu ne webo. Napa be nkulayana nobe ati, ²⁹ tawakatukiteni ikibipile fwebo, kabili twali mikitileni bwino kabili ne kabili ne kumitumeni ukuya kulya mu mumutende. Ikine, bali mu shukisheni ba Yawe. ³⁰ Isaci ali bapangile ikitenge, kabili balilile ne kunwa. ³¹ Popele bali bukile ulekelokelo ne kulilapisha nya bonse. Lomba Isaci ati batumine ukuya, kabili bali mushile ye mu mu mutende. ³² Popele apo pali kenka kalya kasuba abantu bakwe Isaci balishile ne ku mubula pa fya mukala uyo basepele. Balilabile ati, ''twayasanga amenda.'' ³³ Naye aliwitile umukalo ati ni sheba, pali fyefyo ishina lya mushi uyo ni Beyasheba nakukasuba kano. ³⁴ Elyo Eso a kumenye imyaka amakumi ane ishaku fyalwa kwakwe, alyupile umukashi, Yudisi umwana wakwa Beyeli umwina Yeti, kabili na Basemati umwana wakwa Eloni umwina Yeti. ³⁵ Bali letele inkumbu kuli Isaci na Labeka.