¹ Lyiinu Jeeso chiinga a hwizumukwa mwa Betelehema wa Judiya che chivaka cha simwiine Heroda, vone, nni kweeza vankosi vee zwiire maano va zwa ku vuzwaizuva nni va keeza kwa Jerusalema, ² Nni vaati, wiina kuhi iiye wa zaalwa naalyi simwiine wa Vajuda? Ka kuti twa kavona inkaani yaakwe ku vuzwaizuva, mane tu kee ziriire ku murapera [fukamina]. ³ Mmi simwiine Heroda chiinga zuwa ku teewa vuti nna katazeha a hulu, mane ne Jerusalema yeense naaye. ⁴ Mmi mane chiinga alyi kunganyeza vonse vapurisita vakulwaana nne vangolyi va vantu vonse, choku va saka kuti va mulyiire kuti Jeeso u lukeere ku zaalyirwa kuhi. ⁵ Mmi nniva mucho kuti, kwa Betelehema wa Judiya: ka kulyi mu kungolyetwa vulyo nne vaporofita, ⁶ Mmi uuwe Betelehema, mu inkaanda ya Juuta, aa ka heena uuwe u muniini mukati ka vasimwiinezana va Juuta, cho vulyo mwaako njeeti nni muzwe ngambera/induna yeti nna vuse vantu vangu Isiraere. ⁷ Mmi Heroda, chinga lyi sumpira vankosi vaava talyifite kwaalyi, choku va vuuziseeza a hulu kuti inkaani iva voneki lyiiri. ⁸ Mmi naava tuma kwa Betelehema, cho kuvacho kuti, mukwiiya muka sakiseza nne kuka vona kuti inswiisu nkweena; mmi chimwa kamu waana, mwiize muni lwiire hape, ku chitira kuti naame nni yeende nni ka murapere. ^{9 10} Chinga va mana ko zowa simwiine , inkaani ivava vone ko zweizova ne ya va hitera mane ni yaka sika