^{2 1} Ino kwakachitika, kuti nibakabungana ali Jesu kuswilizya majwi Aleza, Jesu wakainka ambali yo lwizi lwa Geneseleti. wakabona mato obile aswenzigwa kunkomwe yo lwizi. Bazubi bakazwa mulingao okusanzya tunyandi. ³ Jesu wakanjila mubwato, bumwi bwali bwa saimoni, wakamwambila kuti atole bwato mumanzi alele ankomwe. Wakakala mubwato okwisia bantu. ⁴ Nakamana kwambola wakambila Saimoni kuti, ''tola bwato kulubazu lumwi kuli manzi malamfu muteye nswi ⁵ Saimoni wakataba wati'' mwiyi! twalikuteya masiku onse kono takwe nitwajata inswi, kambo ka majwi ako ndiyotulekezya tunyandi. ⁶ Nibakachita namu bakacha nswi zinji mane tunyandi twabo twakayauka ⁷ Ponyina bakaita benzinyina kuti baze bazoba gwasilizye. Ponyina bakaza okuzuzya mato, onse akatalika kubila. ⁸ Ponyina Saimoni Pitolosi nakabona chakachitika. Wakawida kumazwi a Jesu. ''Kati zwa kulimebo, ndemuntu mubi, Mwami''. ⁹ Wakakomokwa, abo mbalabo, bunji bwe nswi zibakacha. ¹⁰ Echi chakayungizizigwa o Jemusi o Johani bana ba Zebediya, bali babelesi nyina ba Saimoni. Jesu wakambila Saimoni kuti, ''utabi obu yofu, kambo kuzwa sunu uyoba muzubi wabantu.'' ¹¹ Nibaketa mato abo kunkomwe yalwizi, bakasiya zyonse bamuchilila. ¹² Kwaka chitika kuti cindi nali mu dolopo limwi, mwalumi umwi sichinsenda waliwo. Nakabona Jesu, wakawida ku busyu bwakwe okumu kumbila, kuti, Mwami, na ulayanda, ninga wandi salazya. ¹³ ''mponyina Jesu wakatambika janza lyakwe okumuguma,wakateti, '' ndila yanda. u salale.''ponyina awo chinsenda chakazwa. ¹⁴ Wakamwambila tegwa utambili naba muntu omwi,ponyina wakamwambila kuti koya ukalitondezye kumu presiti okupa chipaililo cho kusalazigwa, mbuli Musa mbwakalailila, zyaka ku chitilwa Areza. ¹⁵ Ponyina mpuwo yakwe yakasalana konse. Mabunga abantu bakaza antomwi okumuswilizya kaisya okuponesegwa kumalwazi abo. ¹⁶ Kono zindi zinji wali kuzwa okwinka munkanda kuyokomba. ¹⁷ Kwakasika chimwi chindi nalikuisia, Bafalisi abaiyi bemilawo a bakazwa kuminzi yonse indene i ndene muchoko cho ku Galileya oku Judeya, oku dolopo lya Jelusalema.Nguzu zya leza zyalawe zyokuponia. ¹⁸ Mpona balumi bakaza kabanyamwide mwalumi wa wezukide, ponyina bakayandola nzila yokumunjizya mukati kutegwa bamutule kunembo lya Jesu . ¹⁹ Takwe nibakajana nzila yo kumunjizya mukati kambo kamabunga abantu,ponyina bakatanta achiluli che nganda okumu losezya atala lye nganda amuseme wakwe, akati kama bunga, kweni kunembo lya Jesu. ²⁰ Nakabona lushomo lwabo,Jesu wakati, ''mwalumi zibi zyako zyalekelelwa.'' ²¹ Balembi aba falisi bakatalika kubuzya, ''kuti nguni oyo wambola zyokutukana? Gwani umwi uga wa jatila zibi kunze o Leza alike?'' ²² Pele Jesu nakaziba nzibali kuyeya,wakataba okwamba kulimbabo, ''Ninzi nimulibuzya mu myoyo yenu alechi? ²³ Ncechili chuba kukwamba, 'zibi zyako zyalekelelwa na kwamba kuti 'nyamuka wende?' ²⁴ Kono kuti muzibe kuti mwanomuntu ulijesi nguzu munyika zyo kulekelela zibi,ndati kuli ndiwe, 'Nyamuka ubweze munseme wako winke kunganda yako.'' ²⁵ Ponyina awo wakanyamuka kunembo lyabo okubweza munseme palede. Ponyina Wakainka ku nganda yakwe, kalumbaizya Leza. ²⁶ Bantu bonse bakakomokwa okulumbaizya Leza.''Bakaba obuyofu, kabati, twabona zintu zikomosya sunu.'' ²⁷ Zintu nizyakachitika, Jesu wakazwa oko wakabona simutelo we zina lya levi kakede a tente lya ba simutelo. Wakati kuliguwe, ²⁸ ''ndichilila'' ponyina Levi wakanyamuka wamutobela ,kusiya zyonse musule. ²⁹ Ponyina levi wakapanga pobwe pati lya Jesu munganda yakwe.Kwali basimutelo banji abantu bamwi bakede okulya atafule ambabo. ³⁰ Kono bafalisi abalembi bali kutongokela basikwiya kabati, kambonzi chimulya okunywa abasimutelo abamwi basizibi? ³¹ Jesu wakati kulimbabo' ³² ''bantu batachiswi tabayandiki musilisi ati abo bachiswa,takwe nindakaza kuzoita baluleme kukwempwa pele kwita babi kukwempwa.'' ³³ Bakati kulinguwe, ''Ba sikwiya ba Johani balikulimya kulya okukomba abasikwiya baba Falisi balachita mbubonya pele basikwiya bako balalya o kunywa.'' ³⁴ Jesu wakati kulimbabo ''kuli muntu na ukonzya kujazya nzala bantu ba nabwinga kabacili anguwe? ³⁵ Pele chindi chiyosika sibwinnga nayotolwa kuzwa kuli mbabo mumazuba ayo bayolimya.'' ³⁶ Ponyina Jesu ape wakamba kambyo kulimbabo. ''takwe muntu uyaula chisila kuchibiya chipya oku chigampika kuchibiya chechindi.Kuti wachita namu, ulayaula chibiya chipya ponyina chisila cho kuchibiya chipya ta chikoendelana echisila cho kuchibiya chechindi. ³⁷ Takwe ubika musansa mupya mu chibikilo chechindi, kuti wachita namu musansa mupya ulayaula chikumba ponyina musansa ulakumpaika, amana chibikilo chilafwa. ³⁸ Pele musansa mupya welede kubikwa muchibikilo chipya. ³⁹ Takwe muntu unga amana kunwa musansa wechindi uyanda mupya, ponya wamba kuti, 'wechindi mubotu.''