¹ Wena jaanong, ngwanake, nonotshiwa mo tshegofatsong e e mo go Keresete Jeso. ² Le dilo tse o di utlwileng mo go nna ka basupi ba le bantsi, di rutle batho ba ba boikanyego ba ba tla kgonang go rutla ba bangwe gape. ³ Itshokele bothata le nna, jaaka lesole le le molemo la ga Keresete Jeso. ⁴ Ga gona lesole le le ka direlang fa le santse le itshwaragantse le dilo tsa botshelo jo, gore a tle a kgatlhe yo o mo laolang. ⁵ Gape, fa motho a gaisana jaaka motabogi, ga a kake a rwesiwa korone fa e se a sala melao morago. ⁶ Go a tlhokafala gore molemi yo o berekang ka thata a amogele karolo ya gagwe ya dijwalo pele. ⁷ Akanya ka ga se ke se buang, gonne Morena o tla go neela go tlhaloganya mo dilong tsotlhe. ⁸ Gakologelwa Jeso Keresete, go tswa mo peong ya ga Tafite, yo o neng a tsositswe mo baswing. Mo ke go ya ka molaetsa wa mafoko ame a a molemo, ⁹ a e leng gore mo go one ke a boga go ya lebakeng la go bofiwa ka dikeetane jaaka senokwane. Mme lefoko la Modimo ga le a golegiwa. ¹⁰ Ka jalo ke itshokela dilo tsotlhe mo go ba ba thophilweng, gore le bone ba tle ba amogele poloko e e mo go Keresete Jeso, ka kgalalelo e e sa khutleng. ¹¹ Puo e e a tshephagala: ''Fa re sule le ene, re tla tshela le ene gape. ¹² Fa re itshoka, re tla busa le ene gape. Fa re mo itatola, o tla re itatola gape le ene. ¹³ Fa re se boikanyego, o nna ale boikanyego, ka gore ga a kake a itatola boene.'' ¹⁴ Nna o ba gakolole ka ga dilo tse. Ba tlhagise fa pele ga Modimo gore ba seka ba omana ka mafoko. Ka ntlha ya se ga gona sepe se se nang le mosola. Ka ntlha ya se go nale tshenyako mo go bao ba ba reetsang. ¹⁵ Dira bojothe ba gago go iponatsa ko Modimong o le yo o amogetsweng, mmereki yo o senang lebaka la go tlhabiwa ke ditlhong, yo o rutang lefoko la Modimo ka boammaruri. ¹⁶ Ikitse puo ee seng boitshepho, e e isang ko go tlhokeng go tlotla Modimo. ¹⁷ Puo ya bone e tla gasama jaaka go bola ga nama, bogare ga bone ke Himeneo le Fileto. ¹⁸ Ba ke banna ba ba fositseng boammaruri. Ba bua gore tsogo e setse e diragetse. Ba pitikolola tumelo ya ba bangwe. ¹⁹ Ka jalo, motheo o o tsepameng wa Modimo o a ema. O nale mokwalo o: ''Morena o itse bao ba eleng ba gagwe'' le ''Mongwe le mongwe yo o bitsang leina la Morena o tshwanetse go tloga mo go tlhokeng tshiamo.'' ²⁰ Mo ntlong e e kgolo go nale dijana tse di sa diriwang ka gouta le selefera fela. Go nale le dijana tsa legong le letsopa. Dingwe tsa tsone ke tse di dirisetswang tlotla, tse dingwe ga se tsa tlotla. ²¹ Fa mongwe a itlhapisa mo dilong tse di bosula, ke sejana se se tlotlegang. O bewa fa go kgethegileng, a na le mosola mo go Mong wa gagwe a bo a baakanyetswa tiro nngwe lenngwe e e molemo. ²² Tshaba dikeletso tsa bonana. Latela tshiamo, tumelo, lerato le kagiso le bao ba ba bitsang Morena ka pelo ee phepa. ²³ Mme gana potso tsa boeleele tse di senang mosola. O itse gore di baka dikomano. ²⁴ Motlhanka wa Morena ga a tshwanela go omana. Boemong o tshwanetse go nna bonolo mo go botlhe, a kgona go ruta, le pelotelele. ²⁵ O tshwanetse gore a rute ba ba mo ganetsang ka bonolo. Kgotsa Modimo o ka ba neela boikotlhao ka kitso ya boammaruri. ²⁶ Gongwe ba ka nna mogopolo o o lekalekaneng gape ba tlogela selaga sa ga diabole, morago ga gore ba tshwarwe ke ene ka thato ya gagwe.