¹ Muyakine angalabile poyankha pa vanalemba kuti pakuti Mulungu watimvwela cifundo, payakine tingapitiliye kucimwa kuti tilandile cifundo cikulene. ² Yayi, osati teto! Tili monga banthu bakufwa, bakuti bangacite lini ciyipa. Teto tuyenela lini kupitilijya kucimwa. ³ Petebadizika muciyanjano na Kristu Yesu, Mulungu etiona kuti tukufwa naye Yesu pamtanda. Muziba ici? ⁴ Lomda petebadizika, Mulungu etiona ngati bakufwa na Kristu mumanda. Mulungu Atate esebenzesha mphamvu zake kuusha Kristu kwa akufwa; munjila imozi-mozi, ekwanilisha kuti tinkhale umoyo munjila yalomba. ⁵ Pakuti Mulungu otiona olumikijyana na Kristu pecifwa, akuyotiusha soti kwa kufwa pamozi na yeve. ⁶ Mulungu oona seo ocimwa ngati akufwa pamozi na Kristu pamtanda kuti cisile cinkhalidwe caucimo. Mwa ici, tufunika lini ku cimwa. ⁷ Pakuti aliyense wakufwa ocimwa lini. ⁸ Pakuit Mulungu otiona ngati akufwa pamozi na Kristu pecifwa , tukhulupilila kuti tikankhale soti na moyo na yeve. ⁹ Tuziba kuti Mulungu ekwanisha kuti Yesu ankhale na moyo pavuli pa kufwa, Kristu akafwelini soti. Paliye citi cikalengeshe kuti akafwe soti. ¹⁰ Pecifwa, eluta na mtendele kufuma mu ziko yaucimo, nipo akafwe lini soti; koma pakuti ali namoyo soti, ali na moyo kuti atumikile Mulungu. ¹¹ Cimozi-mozi, muzione mwakukuonelani Mulungu: Nimwe banthu akufwa, amene sangacimwe; koma soti nimwe banthu amoyo, namoyo kuti mukatumikile Mulungu ndipo olumikijyana na Kristu Yesu. ¹² Lomba ngati mufuna kucimwa, osalola kucita vumufuna kucita. Kumbukilani kuti thupi lanu likafwe siku liyake. ¹³ Osasebenzesha ciwalo cili conse ca thupi lanu kucita viyipa. Zipelekeni kwa Mulungu ngati banthu amoyo pavuli ponkhala akufwa. Sebenzeshani ciwalo cili conse cathupi lanu kwa Mulungu. Muloleni akusebenzesheni pa vinthu vacilungamo. ¹⁴ Ngati mufuna ku cimwa, musacite cimo! Malumulo Mulungu yecipasa Mose yenzo lenesha lini munthu kusacimwa. koma lomba Mulungu okulamulila ndipo okuthandizila kuti usacimwe. ¹⁵ Tingaganize kucokela pa ici kuti ndaba malamulo Mulungu yecipasa Mose yaliye kwanishe kutilesha kucimwa ndipo otimvwila cifundo , niye kuti otilola kupitilijya kucimwa. Yayi teti! ¹⁶ Ukazipeleka kumvila munthu muyakine, usanduka mujya wake. Ngati mumvwilila cimo, musanduka bajya ba cimo ndipo posilijyila pake mukufwa. Koma ngati mumvwila Mulungu musanduka bajya bake, posilijyila pake, muyamba kucita vinthu vacilungamo vakufuna Mulungu kuti mucite. ¹⁷ Kuvuli uku mwenzocimwa munjila ili yonse yumufuna-mwenze bajya ba cimo. Lomba mweyamba kumvwila vekuphunzisani Kristu. Nuyamika Mulungu pa ici. ¹⁸ Lomba mufunikila lini kucimwa; Mulamuliliwa lini na cimo lomba, nimwe bajya ba Mulungu, amene ali olumgama. ¹⁹ Nukulembelani mu njila yakuti ngankhale banthu wamba angamvwe. Kale mwenze bajya ba zofuna zanu ndipo mwecita vinthu vodesa na viyipa. Koma citani cilungamo monga Mulungu mwakucitila, kuti munkhale banthu bake bapadela. ²⁰ Ni cacendi kuti kale mwenzocita ngati nimwe banthu osalunjika ku mpamvu na kucilungamo ca Mulungu ( ndaba mwenzocita vilivonse vili mu maganizo mwanu). Mwenzofuna lini vinthu va cilungamo. ²¹ Koma ngankhale mwenze bajya ba cimo, Mulungu wakumasulani ku cimo ndipo waku pangani kunkhala akapolo bake. Mwankhala atuba, ndipo mukankhale nayeve kosasila. ²² Koma lomba mufunikila lini kucimwa. Nimwelini bajya. Mwasanduka bajya ba Mulungu. ndipo, akuikeni kunkhala banthu bake, ndipo akuloleni kunkhala kosasila, Nayeve. ²³ Onse ocita vayolabila maganizo yao yaipa olandila malipilo, ndipo malipilo ayo ni imfwa. Sazankhala na Mulungu kosasila. Mulungu otipasa mphaso yaulele: Otilola kunkhala nayeve kosasila, kulumikijyana na Kristu Yesu Ambuye.