¹ Kwa kacisii yaku Sade lemba: 'Mau ya wamene okatilira mizimu seveni ya Mulungu na nyenyezi seveni, "Nuziba ncito zako. Uli na zina lakuti uli na moyo, koma niwe wakufwa. ² Uka nakukosesha casalila koma citi pafupi kufwapakuti niliyepeze ncito zako zofwikira pamenso pa Mulungu wangu. ³ Mwa ici, kumbukura, cawalondela nakumvwa. Mvwira, nakulapa. Koma ngati uuka lini, nikawele monga kawalala, koma ukazibe lini ninthawi yanji yati nikawele kusushana nawe. ⁴ Koma uli na mazina atontho mu Sade bamene baliyefifye vovwala vao, ndipo akayende nane, ovwala vituba, pakuti niboyenera. ⁵ Wati akapambane akavwalikiwe vovwala vituba, ndipo nikafafanize lini zina lake kucosamo mbuku la moyo, ndipo nikavomelezye zina lake pamenso pa Atata, na pamenso pa Angelo bao. ⁶ Lekani ali na matu, amvwe colabila mzimu waku makacisi.'" ⁷ "Kwa mngelo waku kacisi yaku filadefiya lemba: 'Mau ya wamene ali mtuba na oona osunga makiyi a Davide, Osegula ndipo kuliye nagavale, ovala ndipo kuliye angasegule. ⁸ Nuziba ncito zako. Ona, naika pamenso pako ciseko coseguka ndipo paliye angavale. Nuziba kuti uli na mphamvu patontho, koma wemvwira mau bangu ndipo uliyelikane zina langu. ⁹ Ona! nikacitishe bala bamu Sinagoge wa Satana, bala oziita kuti a Yuda koma niteto lini koma nibawenye- nikabacitishe kuti akawele kuzokugwadila pamendo pako, ndipo akazibe kuti nukukonda. ¹⁰ Pakuti wasunga malamulo bangu nakupilira motera mtima, nane nikakulondeshe kunthawi yaciyeso cokuza paziko lonse kuyesa bala onkhala paziko. ¹¹ Nikuza lomba pano. Katisha caulinaco kuti muyakine asakulonde kolona wako. ¹² Wati akapambane nikampange mzati mukacisi wa Mulungu. Ndipo sakafuma soti, ndipo nikalembe pa eve zina la Mulungu wangu, zina la mzinda wa Mulungu wangu (Yerusalemu walomba, usika kuchokera kululu kwa Mulungi wangu) na zina langu lalomba. ¹³ Lekani ali na matu, amnwe cholabila mzimu wa ku makacisi.'" ^{15 14} "Kwa mpingo waku Laodikaya lemba: 'Mau ba Amen, mboni yokhulupilika na yoona oweruza chilengedwe cha Mulungu. "15 Nuzina nchito zako kuti niwe lini wozizira kapena wakupya. Nenzofuna kuti unkhale wozizira olo wakupya! ¹⁶ Lomba, pakuti niwe wofunda- osati wozizira kapena wakupya- Nili pafupi kukuvulula mkamwa mwangu. ¹⁷ Pakuti ukuti, 'Nine wolemera, nili na chuma chinyinji, ndipo nusoba lini kanthu.' Komauziba kuti niwe wasoka womvwisha chifundo, wosauka, wosalanga, na wachinthako. ¹⁸ Imvwa uphungu wangu, gula kwa neo golide woyengeka namuliro kuti unkhale wolemera, navovwala vokongola vituba kuti ukazivwalike, kuti usakaoneshe nsoni za chinthako chako, na mankhwala oika mmenso mwako kuti ukalange ¹⁹ Kuzuzula na kulanga aliyense wanukonda. Moteto chita changu naku nakulapa. ²⁰ Ona, nupanama pa mulyango na kugogoda. ngati muyankine wamvwa lizu langu na kuvulako, nikalobe mng'anda mwake na kulya naye, eve na neo. ^{21 22} Wati akapambane nikamupase ulamuliro wonkhala nane pampando wangu wachifumu. Monga mwinepambanila neo na kunkhala pampando wachifumu na Atata. Ali na kwatu, amvwe cholabila mzimu ku makacisi.'""