¹ Mcaka ca fifitini ca ulamuliro wa Tibeliyo Kaisala-pamene Pontiyo Pilato enze kazembe wa Yedeya, Herode enze ngwazi ya Galileya, mkwao Filipo enze ngwazi ya Itureya na Trakoniti, ndipo Lusaniyo enze ngwazi ya Abilene, ² mu nthawi ya ukulu wa Anani na Kayafa- mau ba Mulungu bewela kwa Yahane mwana wa Zakariya mcipululu. ³ Eluta mu malo yonse yozungulula Yolodani, kulalikira ubatizo wa kutembenuka kwa kukhulukiwa kwa macimo. ⁴ Monga kwelembewa mu buku ya mau ya Yesaya mneneri, "mau ya eve yoita mcipululu, 'konzani njira ya Ambuye, yondololani njira yake. ⁵ Cigwa ciliconse cikazuzhyiwe, na lupili iliyonse na kalupili katontho kakacepesewe, ndipo miseu yokhota ikanyoloke, ndipo malo aipa akakonzewe miseu, ⁶ ndipo vamoyo vonse vikaone cipulumuso ca Mulungu. ⁷ Teto Yohane eciti kwa gulu yenzokuza kuzobatiwa na eve, "Mweo bana ba njoka! Nibani ekucenzhyani kuti muthabe ukali ukuza? ⁸ Mwaici, fumyani vipaso voyenela kulapa, ndipo musayambe kuzilabilila mwa mweomweka, 'Tili na Abrahamu awwisi basu,' Poti nuukzhyani kuti Mulungu okwanisha kuimya bana ba Abrahamu kufuma ku myala iyi. ⁹ Mpaka lomba katemo kaikiwa pa muzhyu wa vimiti. Teto cimuti ciliconse cisabala vipaso cikatendewe na kuponyewa pa mulilo." ¹⁰ Ndipo gulu lepitilizhya kumukonsha, nakuti, "nicinji lomba cutufuniko cita?" ¹¹ Eyankha nakuti kwa beve, "ngati muyakine alinavo vovwala vibili amupeko muyake aliye, ndipo ali na cakulya acite cimozi-mozi." ¹² Osonkha misonkho ewela soti kuzobatizwa, ndipo beciti kwa eve, "mphunzisi, ticite cinji seo?" ¹³ Eciti kwa beve, "osasonkhesha ndalama zopilila pa zekulamulilani kusonkhesha." ¹⁴ Asilikali bayakene bemukonsha nao, nakuti, "nanga seo? ticite cinji?" Eciti kwa beve, "osatola ndalama kwa aliyense mokakamizhya, ndipo osanamizhyila aliyense. nkhalani okhutila na vamulandila." ¹⁵ Lomba banthu penzofunishisha kuyembekeza kuza kwa Kristu, aliyense enzoganizila mumtima mwao za Yohane, Payake angankhale Kristu. ¹⁶ Yohane eyankha nakuti kwa beve, "monga kwa neo, nukubatiza na manzi, koma akuza muyakine ali na mphamvu zopitilila neo, n'ne osayenela kumasula nthambo za nsapato zake. Akakubatizeni na Mzimu utuba na mulilo. ¹⁷ Lubango yake ili m'manja mwake kuti atubishe pa dwale pake, na kulonga tiligu mcilulu cake. Koma akashoke mungu na mulilo usazimiwa." ¹⁸ Na mau ayakine anyinji acilimbikiso, Yohane elalikila uthenga wabwino ku banthu. ¹⁹ Pamene Herode ngwazi yezuzuliwa payekwatira mwanakazi wa mkwao, Herodiya, na pavonse vinthu viipa vecicita Herode, ²⁰ eikapo ivi kwa beve onse, kuti ekhomela Yohane mjele. ²¹ Lomba cecitika kuti, banthu onse pabebatizika, Yesu naye ebatizika, ndipo penzopemphera, kululu kweseguka, ²² ndipo mzimu utuba kuoneka mgati nkhunda wewela pansi monga nkhunda, ndipo mau befumila kululu, "Niwe mwana wangu, unukonda. Nukondwera nawe." ²³ Yesu peyamba utumiki wake , enze na zaka sate. Enze mwana wa Yosefe, Mwana wa Heli, Mwana wa ²⁴ Matati, mwana wa Levi, mwana wa Melki, mwana wa Yanai, Mwana wa Yosefe. ²⁵ Yosefe enze mwana wa Matatio, mwana wa Amose, mwana wa Nahumu, mwana wa Esli, mwana wa Nagai, ²⁶ mwana wa Maati, mwa wa Matatio, mwana wa Semeini, Mwana wa Yosefe, mwana wa Yoda. ²⁷ Yoda enze mwana wa Yoanani, mwana wa Resa, mwana wa Zerubabeli, mwana wa Salatieli, mwana wa Neri, ²⁸ mwana wa Melki, mwana wa Adi, mwana wa Kosamu, mwana wa Eldama, mwana wa Ere, ²⁹ mwana wa Jose, mwana wa Eliezere, mwana wa Yorimu, mwana wa Matati, mwana wa Levi. ³⁰ Levi mwana wa Simeoni, mwana wa Yuda, mwana wa Yesefe, mwana wa Yonamu, mwana wa Eliyakimu, ³¹ mwana wa Melea, mwana wa Mena, mwana wa Matata, mwana wa Natanu, mwana wa Davite, ³² mwana wa Jese, mwana wa Obede, mwana wa Boazi, mwana wa Salmoni, mwana wa Naasoni. ³³ Naasoni mwana wa Aminadabu, mwana wa Arni, mwana wa Farese, mwana wa Yuda, ³⁴ mwana wa Yakobo, mwana wa Isake, mwana wa Abrahamu, mwana wa Tera, mwana wa Nakoro, ³⁵ mwana wa Seruki, mwana wa Reu, mwana wa Pelege, mwana wa Ebere, mwana wa Sara. ³⁶ Sara mwana wa Kainane, mwana wa Arfaksadi, mwana wa Semu, mwana wa Nowa, mwana wa Lameki, ³⁷ mwana wa Metusela, mwana wa Enoke, mwana wa Malaleeli, mwana wa Kainane, ³⁸ mwna wa Enosi, mwana wa Seti, mwana wa Adamu, mwana wa Mulungu.