¹ Gulu yonse ya banthu yepanama na kumuleta Yesu kwa Pilato. ² Beyamba kumunamijyila, nakuti, "tapeza uyu munthu opandusha calo casu, olesha kupeleka msonkho kwa Kaisala, nakuti eve ni Kristu Mfumu." ³ Pilato emukosha eve, eciti, ''niweo mfumu ya a Yuda? Yesu emuyankha na kuti, ''nimweo mwalabila. ⁴ "Pilato eciti kwa akulu ansembe na ku gulu, ''niliye peze cifukwa ciliconse pali uyu munthu. ⁵ "koma bepitilijya, nakuti, okoka banthu, ophunzisha ku Yudeya konse, kuyambila ku Galileya mpaka kuno konse.'' ⁶ Teto Pilato pecimvwa izi, ekosha ngati uyu munthu enze waku Galileya. ⁷ Ndipo peziba kuti enze mu ulamulilo wa Herode, emutumijya kwa Herode, eve mwine enzo ku Yerusamu mu masiku ayo. ⁸ Ndipo Herode peona Yesu, ekondwela ngako cifukwa enzofuna kumuona kwa nthawi itali. Pecimvwa za eve ndipo enzoyembekeza kuona zozizwisha kucitiwa na eve. ⁹ Herode emkosha Yesu mwa mau yanyinji, koma Yesu aliye muyankhe kanthu. ¹⁰ Akulu ansembe na alembi epanama, nakumunamijyila mwankhanza. ¹¹ Herode na asilikali bake emutukwana Yesu na kumunyonza eve. Ndipo bemuvwalika covwala cokongola nakumuwejya soti kwa pilato. ¹² Poti Herode na Pilato becizonkhala pauyao siku yamene iyo, poti kuvuli benze pa udani wa wina na muyakine. ¹³ Ndipo Pilato eita pamozi akulu ansembe na olamulila na gulu ya banthu ¹⁴ ndipo eciti kwa beve, " mwaniletela uyu munthu monga munthu ocita viipa, ndipo onani, neo, namkonsha pamenso panu, napeza kuti uyu munthu aliye vuto iliyonse kulingana na ivo vinthu vimwamnamijyila eve. ^{17 15} Niliye, olo Herode, poti wamuwezhya eve kwa seo, ndipo onani, paliye ciwacita eve comuyenela kufwa. ¹⁶ Neo mwakuti nimulange eve nakumusula eve. 17 ¹⁸ Koma bekuwa onse pamozi, beciti, ''mumcose munthu uyu, ndipo seo mtifumyile Balaba!'' ¹⁹ Balaba enze munthu enzeikiwa mjele pacifukwa ciyakine coukila mumzinda na kupaya. ²⁰ Pilato elabila nao soti, kukumbwila ku ma sula Yesu. ²¹ koma bekuwa, ''mumpanyike, mumpanyike.'' ²² Eciti kacitatu, ''cifukwa, nicinji ciipa ciwacita munthu uyu? paliye cinapeza coyenela infwa muli eve.'' ²³ Koma bekakamijya na mau okuwa, kulamulila kuti apanyikiwe. Mau yao ekhutilanayo Pilato. ²⁴ Teto Pilato eganiza kupasa cibenzolamula. ²⁵ Efumya wibenzokonsha enzeikiwa mjele kamba ka ciwawa na kupaya. koma empeleka Yesu ku cofuna cao. ²⁶ Pibenzokuya naye, bekata umozi Simoni waku Kulene, ofumila ku mzinda, ndipo bemuika mtanda kuti eve anyamule, kukonkha Yesu. ²⁷ Cigulu cikulu ca banthu, na anakazi bevutika na kumlilila eve, benzomukonkha eve. ²⁸ Koma pebaceukila eve, Yesu eciti, ''bana banakazi ba Yelusalem, musalilile neo koma muzililile mweka na bana banu. ²⁹ Poti onani, masiku akuza yakuti bakakambe kuti, 'odalisika osabala na cibalilo cosabala, na maziba yosanyonsha.' ³⁰ Ndipo bakayambe kulabila kuti ku malupili akuleni, 'tiponeleni seo,' nakutumalupili tutontho, 'tivwinikile seo.' ³¹ Poti ngati bakocit ivi vinthu cimuti cikali cibisi, cikacitike nicinji cikayoyuma?'' ³² Analume bayakine, abili ocita viipa, etolewa pamozi naye kuti akapaiwe. ³³ Pabefwika pa malo penzoitiwa kuti "Bade,'' kumenekwala bemupanyika na bala becita viipa-umozi ku manja na umozi kunzele. ³⁴ Yesu eciti, ''Atata, mubakhululukile, poti oziba lini vaocita.'' Ndipo becita maele, kugabana covwala cake. ³⁵ Banthu bepanama kulangilila olamulila pibenzomunyoza eve, nakuti, "Epulumusha ayakine. Lekani azipulumushe eve mwinikazi, ngati ni khristu wa Mulumgu, wosankhiwa wake. ³⁶ Asilikali nao bemunyoza, emufwika, nakumupasa vinyu, ³⁷ ndipo nakuti, ''ngati niweo mfumu ya a Yuda uzipulumushe weka.'' ³⁸ Penze ciciziwisho pa palulu pake, ''UYU NI MFUMU YA AYUDA." ³⁹ Umozi wa ocita viipa enze panyikiwa pala emutukwana polabila kuti, '' niweo lini kristu? zipulumushe na seo'. ⁴⁰ koma muyakine emzuzula, nakuti, ''umuyopa lini Mulungu, poti mulangikila pamozi? ⁴¹ Seo potiyenela pano, poti tulandila coyenela vocita vasu. Koma munthu uyu aliye cite vilivonse.'' ⁴² Ndipo eciti, ''Yesu nikumbukileni poloba mu ufumu wanu.'' ⁴³ Yesu eciti kwa eve, zoona nukuujya weo, lelo unkhale na neo mparadizo. ⁴⁴ Lomba yenze nthawi ya sikisi koloko ndipo mdima wewela pa nthaka yonse mpaka nthawi ya naini koloko ⁴⁵ kuwala kwa zuba pikwekangika. Ndipo cinyula ca mkacisi cing'ambika pa bili. ⁴⁶ Kulila na mau okuwa, Yesu eciti, ''atata, m'manja mwanu nupeleka mzimu wangu.'' Pecilabila izi, emwalila. ⁴⁷ Ndipo Kenturiyo peciona vecitika, elemekeza Mulungu, nakuti, ''zoona uyu munthu enze olungama.'' ⁴⁸ Koma gulu yonse piyewela pamozi kuzocitila umboni pibeona ici noona vinthu vecika, bewela bozichaya pa nganga pao. ⁴⁹ Koma onse enzomuziba, na anakazi emukonkha kufuma ku Galileya, bepana patali, kulangilila ivi vinthu. ⁵⁰ Onani penze mwanalume zina yake Yosefe, enze mkuleni wa milandu, enze wabwino ndipo munthu wolungama. ⁵¹ Uyu mwanalume aliye vomele na ciganizo ca ba milandu na vocitika vao. Enzofumila ku Yudeya mu mzinda wa Arimateya, ndipo enzufuna funa ufumu wa Mulungu. ⁵² Uyu mwanalume kumufwika Pilato, ekosha mubili wa Yesu. ⁵³ Euselusha, novunga mu nyula ya bafuta, ndipo euika m'manda enze osemewa na mwala, mwakuti paliye munthu elalamo. ⁵⁴ Yenze siku yokonzekela, ndipo sabata yenze pafupi kuyamba. ⁵⁵ Anakazi ewela na Yesu kumkonkha kufuma ku Galileya nakuona manda na mweuikila mubili wake. ⁵⁶ Bewelela nakuyokonzekela zonunkhila na mafuta yonunkhila.