¹ "Ndine cimuti camphesa ceni ceni, Atata bangu ndiye olima dimba. ² Ofumyako msambo ulionse osabala vipaso, ndipo obudula misambo yonse yubala vipaso kuti ibale vinyinji. ³ Nimwe kale atuba ndaba ya mau yene labila namweo. ⁴ Nkhalani mwa neo na neo mwa mweo. Monga msambo unga bala lini vipaso pa weve weka peka peka ukaba ku cimuti, namwe munga citile lini kanthu peka peka mukaba mwa neo. ⁵ Ndine cimuti, ndimwe misambo. Wala ati ankhale mwa neo na neo mwa eve aka bale vipaso vinjinji; paliye neo paliye camungacite. ⁶ Ngati muyake onkhala lini mwa neo, otayiwa ngati msambo oyuma, nakutolewa ngati misambo kupozewa ku moto, noshokewa. ⁷ Ngati munkhala mwa neo, na mau bangu onkhala mwa mweo, sengani cili conse camufuna ndipo cikacitike kwa mweo ⁸ Atata bangu olemekezeka mwa ivi, kuti mubala vipaso vinyinji teto oneshani kuti ndimwe ophunzila bangu. ⁹ Monga mwenikondela Atata, nakukondani nane. Nkhalani mu cikondi cangu. ¹⁰ Ngati musunga malamulo bangu, mukankhale mu cikondi cangu. Monga mwenesungila malamulo ya Atata nonkhala mu cikondi cake. ¹¹ Nalabila mau aba kwa mweo kuti cimwemwe cangu cibe mwa mweo nakuti cimwemwe canu cibe cokwanila. ¹² Ili ni lamulo langu, kuti mukondane mweka mweka monga mwenekukondelani neo. ¹³ Paliye ali na cikondi cikulu monga ici-kuti umozi apeleke moyo wake kamba ka bayake. ¹⁴ Ndimwe ayangu ngati mukata nchito zanukulamulilani. ¹⁵ Sinukuitani akapolo, pakuti kapolo oziba lini vakucita Ambuye wake. Nakuitani ayangu, ndaba vonse venecimvwa kufuma kwa Atata navizibisha kwa mweo. ¹⁶ Muliye nisankhe neo, koma nekusankhani neo nakuti mulute mukabale vipaso vinyinji, nakuti vipaso vanu vikankhalilile. Izi teto kuti ciliconse camungasenge kwa Atata mzina langu, akakupeni. ¹⁷ Ivi vinthu nikulamulilani kuti mukondane nabayanu. ¹⁸ Ngati ziko yakuzondani, zibani kuti yeyamba kuzonda neo ikaliyozonde mweo. ¹⁹ Kuti mwenze bamziko, zikosembe Yekukondani ngati bake. Koma cifuwka ndimwe lini aziko nakuti nekusankhani kufuma mziko, apa ziko yukuzondani. ²⁰ Kumbukani mau yenenena kwa mwe, 'kapolo okula lini pali mbuya wake'. Ngati beninzunza neo, bakakunzunzeni namwe; ngati besunga mau yangu bakasunge mau yanu. ²¹ Bakacite ivi vonse kwa mweo cifukwa ca zina langu, cifukwa omuziba lini enituma. ²² Kuti nenzevyewele nakulabila neo, sembe benzevye ucimo, koma lomba baliye cipepeso pa macimo yao. ²³ Ozonda neo ozonda Atata. ²⁴ Kuti necita nchito yakuti paliye eicitapo pakati pao. Sembe benzevye ucimo, koma lomba bali na ucimo naku zonda tonse neo na Atata. ²⁵ Koma ici cilibwino pa kukwanilisha malemba yamu malamulo yao, 'benizonda paliye cifukwa.' ²⁶ Akayowela mtonthozi-wati nikakutumileni kufuma kwa Atata, uyu ni, "mzimu wa zoona, ofuma kwa Atata-akacitile umboni za neo namweo. ²⁷ Mufunika kuchitila umboni, cifukwa mwankhala naneo kufumila paciyambi.