¹ "Nalabila vinthu ivi kwa mweo kuti musakasalile. ² Akakucoseni mu kacisi koma ikuza nthawi yamene aliyese wopaya mweo akaganize ngati othandiza ncito ya Mulungu. ³ Akacite vinthu ivi cifukwa soziba Atata olo neo. ⁴ Nalabila vinthu ivi kwa mweo kuti nthawi ikafika, mukakumbukule kuti nenena za ivi. Niliye kuuzyeni za ivi vinthu poyamba, cifukwa nenze na mweo ⁵ Koma lomba naluta kwa eve enituma, ndipo paliye olo umozi wonikosha, 'mukuya kuni?' ⁶ Koma cifukwa na kamba vinthu ivi kwa mweo, mitima yanu yazula na ukali. ⁷ Koma cazoona nukuuzyani, cilibwino kuti nilute. Ngati siningalute ndiye kuti nkhoswe, sazawela kwa mweo. Ngati naluta, nikamutumizye kwa mweo. ⁸ Ndipo akawela, Eve akasushe ziko lapasi za macimo, nazacilungamo, nazaciweluzo- ⁹ za macimo, cifukwa sokhulupilila neo; ¹⁰ za cilungamo, cifukwa nukuya kwa Atata ndipo zimuzaniona soti; ¹¹ na za ciweluzo, cifukwa wolamulila ziko iyi waweluziwa. ¹² Nili nazo zinyinji zolabila na mweo, koma simungakwanishe kuvisunga pa nthwi ino. ¹³ Koma akawela eve, muzimu wazoona ukakusogoleleni mweo mwa zoona zonse: pakuti sazalabila zakeyeka mwine. Koma zinthu zilizonse azazimvwe, akalabile: ndipo vinthu vikuza akakulalikileni. ¹⁴ Eve akanilemekeza, akakulalikileni mweo. ¹⁵ Vinthu vilivonse Atata valinavo nivangu: cifukwa cake nelabila kuti muzimu utole vangu nakulalikila kwa mweo. ¹⁶ Kwasala kanthawi katontho simuzaniona soti, ndipo soti papite kanthawi katontho munione." ¹⁷ Ndipo bophunzila bake lomba eciti kummozi na muyake, "ici nicinji cakulabila kwaweo, 'kanthawi simukaniona ndipo kanthawi mukanione, ndipo nicifukwa nuluta kwa Atata?" ¹⁸ Ndipo benena kuti, "ici nicinji cakunena, 'Kanthawi katontho?' Sutuziba camene conena." ¹⁹ Yesu eziba kuti ofuna kukosha eve ndipo eciti kwa beve, "ko mukoshananji mweka za ici kuti nenena kuti 'kanthawi ndipo simuzaniona neo ndipo soti kanthawi mukanione'?. ²⁰ Zoona, zoona, nunena namweo kuti mukalile nokuwa ndipo ziko likakondwele mweo mukankhale naukali koma cisoni canu cikasanduke cimwemwe. ²¹ Pamene mwanakazi onkhala na mwana amankhala okwiya cifukwa nthawi yake yamukwanila koma pamene mwana akabadwe, okumbukila lini ukali wapitamo cifukwa cacikondwelelo ca kuti waleta munthu pa ziko. ²² Muli na kusakondwa lomba. Koma nikakuoneni soti, ndipo mutima wanu ukankhale na cimwemwe ndipo kuliye wati akacose ciwmemwe canu. ²³ Pasiku lamene iyo simuzasenga ciliconse kwa neo. Zoona-zoona nakamba kwa mweo ngati mwasenga cinthu ciliconse kwa Atata kupitila mwa neo akakupaseni. ²⁴ Kufikila lomba mukaliyesenga cinthu muzina langu ndipo sengani mupasiwe, kuti cisangalalo canu cikwanilishiwe." ²⁵ Nakamba vinthu ivi kwa mweo mumau okulubika, koma nthawi ikafike yamene sinizakamba na mweo mumau okulubika, koma mumalo mwake nikakuuzyeni za Atata. ²⁶ Pasiku iyo mukasenge mwa zina langu ndipo niliye kambe kuti nikakupempheleni kwa Atata, ²⁷ pakuti Atata bangu okukondani cifukwa mwekonda neo ndipo mwekhulupilila kuti necokela kwa Mulungu. ²⁸ Necokela kwa Atata ndipo newela pa ziko. Ndipo soti, nusiya ziko ndipo nukuya kwa atata." ²⁹ "Ophunzila bake eciti, "onani, lomba mulabila poonekela osasebenzesha mau okulubika. ³⁰ Lomba tuziba kuti muziba vinthu vili vonse, ndipo sumufunika aliyense kumukonshani makosho. Cifukwa caici, takhulupilila kuti mwecokela kwa Mulungu." ³¹ Yesu ebayankha, "mwakhulupilika lomba? ³² Onani, nthawi ikuza zoona, ndipo yafika, ndipo mukataikane, aliyense kwao, ndipo mikanisiye neka. Koma sinili neka cifukwa Atata ali naneo. ³³ Nalabila vinthu ivi kwa mweo kuti munkhale omasuka na neo. Muziko muli na mabvuto, koma nkhalani olimba, naligonjesa ziko."