¹ Lomba ikaliye kwanile nthawi ya madyelelo opitilila makhomo. Yesu eziba kuti nthawi yake yekwana yofuma mchalo cino nokuya kwa Atata. Ponkhala kuti ekonda bake benze mchalo, ebakonda kufika pothela. ² Lomba satan enzeciyika kale mumtima mwa yudasi Eskaliyoti mwana wa simon, kuti akampacike yesu. ³ Eziba kuti Atata emupa vinthu vonse m'manja mwake nakuti efuma kwa mulungu ndipo akuya soti kwa mulungu. ⁴ Enyamuka pa cakulya novula covwala cake. Echizotola thaulo noimanga mu luunda. ⁵ Echizo thila manzi pa mbale noyamba kusambika mendo ya ophunzila bake noba pukuta na thaulo yemanga mu luunda. ⁶ Ewela kwa simon petulo, ndipo petulo eciti, "Ambuye, musambike mendo yangu?" ⁷ Yesu eyankha kuti, "chanucita ucivwisha lini lomba, koma ukacivwishe pakapita nthawi." ⁸ Petulo eciti, "Simukasambikapo mendo yangu. "Yesu emuyaka eciti "ngati sinikusambikani, muliye mbali na neo." ⁹ Simon petulo eciti kwa iye, "Ambuye, musasambike mendo yangu yeka koma musambike manja namutu yangu." ¹⁰ Yeu eciti, "Wala osambikiwa aliye vosobeka, koma kungo sambika mendo bake, koma nimtuba konse ndiye mtuba koma osati onse." ¹¹ (Ndaba yesu eziba wati akampacike cifukwa cake eciti, "Nimonse lini mwatuba.") ¹² Lomba pesilizya yesu kusambika mendo yao etola nyula nokhala pansi ,eciti kwa beve, "muziba vanakucitilani? ¹³ Muniita 'mphunzisi' na 'Ambuye' ndipo mulabila zoona,nineo. ¹⁴ Ngati ine, Mbuye na Mphunzisi, nasambika mendo yanu, mufunika kusambikana mendo mweka mweka. ¹⁵ Pakuti nakupasanicisanzo kuti namweo mukocita monga mwanacitila neo kwa mweo. ¹⁶ Zoona, zoona nulabila namweo, wanchito okulila lini womlemba ncito; olowotumiwa okulila lini womtuma. ¹⁷ Ngati muziba cinthu ici, ndimwe odala ngati muvicita. ¹⁸ Nulabila lini za mweo monse; nuziba bala nasaka-koma cili teti kuti malemba yazazilishiwe: 'wala wakulya buledi wangu enyamula kwendo kwakee moshushana na neo.' ¹⁹ Nukuuzyani ivi lomba vikaliye kucitika kuti vikazo citika, muze khulupilile kuti neo ni neo. ²⁰ Zoona zoona, nulabila na mweo aliyense olandila wana tuma olandila neo, na aliyense olandila neo olandila walawanituma neo." ²¹ Pelabila teti yesu, Evutica mumzimu, Ecitila umboni nakuti, "Zoona, zoona, umozi mwa mweo akani twale kwa adan." ²² Ophunzila elangana beka beka, kuganizila wenzo labilapo. ²³ Umozi wa ophunzila wake, wenzo konda yesu, enze kulya pa thebulo pafupi na yesu. ²⁴ Simon petulo etomola kwa ophunzila uyu eciti, "Mkonsheni olabila za bani?" ²⁵ Teto esamila kwa yesu nonena kuti, "Ambuye, Nibani?" ²⁶ Yesu eyankha, "Niwati nitobele ka buledi nakumpasa. "Teto pe tobela buledi, epasa yudasi sikaliyoti. ²⁷ Peyepita buledi, Satana emuloba, teto yesu eciti kwa eve, "chaucita,cichite msanga." ²⁸ Lomba paliye enze nao pa cakulya eziba cecinenela teti. ²⁹ Bayakine beganiza kuti, pakuti yudasi enze na thumba la ndalama, Yesu eciti kwa eve, "Gula vatufuna pa cisangalalo," olo kuti apase kanthu ku osauka. ³⁰ Pecilandila buledi yudasi, efumapo pamene apo. Kwenze usiku. ³¹ Peluta yudasi, Yesu eciti, "Lomba mwana wa munthu walemekezewa, ndipo Mulungu walemekezewa mwa eve. ³² Mulungu amulemekeze mwa eve eka. Ndipo akamulemekeze pamene apo. ³³ Banamwe, Nili namwe kanthawi katontho. Mukani sakile, ndipo monga mwe nenenela kwa ayuda, 'Kwanukuya, simunga wele.' Lomba nunena soti kwa mweo. ³⁴ Nakupani lamulo lalomba, kuti mukondane nabayanu; monga neo naku kondani mweo, teto namweo mukondane. ³⁵ Cifukwa ca ici aliyense akazibe kutindimwe ophunzila bangu, ngati muli nacikondi kwa wina namuyake." ³⁶ Simon petulo eciti kwa eve, "Ambuye, mukuya kuni? Yesu eyankha, kwanikuya, unganikonkhe lini lomba, koma ukani konkhe bwino." ³⁷ Petuo eciti kwa eve, "Ambuye, ninga leke tyani kukukokani lomba?Nikatwale moyo wangu cifukwa ca mweo." ³⁸ Yesu eyankha, "Ukatwale moyo wako cifukwa ca neo? Zoona, zoonz, nulabila na weo tambala akaliye lile ukanikane katatu.