¹ Lomba festo eloba muumzinda,ndipo pepepita masiku atatu,ecoka ku kaisaleya kuluta ku yerusalem. ² Mukulu wa nembe na ayuda oziba eleta milandu zao pali paulo ndipo emukhosha festo mwa kham- ³ emusenga kuti abathandize pali paulo,kuti amuite awele ku yerusalem,ndaba benzekozeka kubisala kuti panjila bamupaye. ⁴ Fesito eyanka kuti paulo niomangiwa ku kaisaleya nakuti yeve akuya kwamene chalombapano . ⁵ "mwaici ofuna",eciti"angalute nase.Ngati pali ciyipa pali lidoda ili ,mufunika kumuyimba mulandu." ⁶ Fesito aliye nkhale masiku opita pa eiti kapena teni ndipo eluta ku Kaisaleya. siku lokonkhapo enkhala mumpando woweluzilapo naku lamula kuti alute Paulo kwa yeve. ⁷ Pefika, Ayuda ocokela ku Yerusalmu enkhala pafupi ndipo emuyimba mulandu zinyinji zebekanga kupasa umboni. ⁸ Paulo eziteteza yeka nakuti, " niliye cite cimo pa lamulo ya Ayuda, pa Chalichi kapena kwa Kaisala". ⁹ Koma Fesito enzofuna kuti Ayuda kuti amukonde ndipo emuyankha Paulo nakuti" Ufuna kuti ulute ku Yerusalemu kuti ukaweluziwe naneo kwamene kula?" ¹⁰ Paulo eciti" Napanama kumpando wa ciweluzo wa Kaisala kwati niweluziwile. Niliye lakwile Ayuda monga mwamwazibila namwe". ¹¹ Olokuti palicanacita ndipo nacita cinthu cakuti nipaiwe, nukana lini kufwa. Koma ngati zakuninamijyila ni zacabe-cabe,paliye anganipeleke mu manja yao. Nucita apilo kwa Kaisala. ¹² Fesito pavuli polabila naka bungwe, Fesito eyankha, "Wacita apilo kwa Kaisala. kwa Kaisala ukuya!" ¹³ Lomba pavuli popita masiku, Mfumu Agilipa na Benisi efika ku Kaisaleya pa nchito yo yendela Fesito. ¹⁴ Pavuli ponkhala masiku anyinji, Fesito eleta nkhani ya Paulo kwa Mfumu; eciti, " Lidoda liyakine elisiya kuno Feliki ngati kaidi. ¹⁵ Penenze ku Yerusalemu, akulu ansembe na akulu ba Yuda eleta milandu zake kwa neo ndipo besenga kuti ni yiyipishe ngako milandu yake. ¹⁶ Nebayankha kuti ni mudauko lini wa ciroma ku peleka munthu aliyense akaliye kumana na omiyimba mulandu nakuti apasiwe mupata okumana na omiyimba mulandu nakuti azicinjilijye eka pa milandu. ¹⁷ Mwa ici, pebewela pamozi kuno, niliye yembekeze, koma siku lokonkhapo nenkhala mu mpando wa ciweluzo nolamula kuti lidoda bawele nalo mukati. ¹⁸ Pebepanama omuyimba mulandu, baliye labile ciliconse cininga labile kuti ni ciyipa. ¹⁹ Kansi, benze na mikangano iyakine na yeve pa cipembezo cao ndipo na pa lidoda liyakine zina lake Yesu lecifwa, koma Paulo akuti niwamoyo. ²⁰ Nenzo zibalini muninga fufuzile nkhani iyi, ndipo nemupempha kuti ngati ofuna kuti alute ku Yerusalemu ku yopanama pa milandu iyi. ²¹ Koma Paulo pecita apilu kuti ankhale mu ndende poyembekeza ciganizo ca mfumu ikulene, nelamula kuti ankhale mu ndende mpakana patinikamutumijye kwa Kaisala". ²² Agilipa elabila kwa Fesito kuti, "Nufuna nane kuti nilimvwe lidoda ili". " Mailo", Fesito eciti, "Mukamumvwe". ²³ Siku lokonkhapo, Agilipa na Benisi ewela na cioneselo cikulene, eloba mukati na gulu la asilikali na madoda ochuka mu mzinda. Fesito pelamula, Paulo emuleta kwa beve. ²⁴ Fesito eciti, " Mfumu Agripa na madoda onse muli pano naseo, mwaliona lidoda ili; gulu lonse la Yuda benikosha ku Yerusalemu nakuno soti ndipo bekuwa kwa neo kuti asankhale moyo. ²⁵ Nezindikila kuti aliye cite cinthu cakuti cingaleshe kuti apaiwe; koma pakuti ecita apilu kwa Mfumu ikulene, naganiza kuti nimutumijye. ²⁶ Koma niliye cene-cene cakuti ni lembele Mfumu ikulene. Kamba ka ici namuleta kwa mweo maka-maka kwa mweo Mfumu Agripa, kwakuti ningankhaleko na cinthu cakuti ningalembe. pa mulandu uyu. ²⁷ Ndaba cuoneka ciliye nzelu kutumijya kaidi cosafotocoza mulandu wake."