¹ Pezepita izi zinthu paulo efuma ku atene nokuya kuakolinto. ² Uko epeza muyuda zina lake akwila,wa mziko la pontiya ,mlwendo waku itali na mkazi wake prisila,cifukwa claudiya ebalamulila a yuda onse kufumako ku romu.paulo eluta kwabenze, ³ Ndipo cifukwa egwilako nchito yoteto ,enkhala nao naku gwila nao,pakuti enzopanga ma tenti mu nchito yao. ⁴ Mwaici paulo eganizila musinagoge pa sabata iliyonse , kuyesa kunyengelela bonse ayuda na a giliki. ⁵ Lomba sila na timoteyo pebefuma ku masidoniya,paulo ezipeleka ku mau,kucitila umboni kwa ayuda kuti yesu enze khristu. ⁶ Koma ayuda pebeshusha nakumnyoza eve,paulo ekunkhumula chovwala cake pa beve nakunena kuti 'lekani magazi yanu yabe pa mitu panu;ninee mtuba .kufuma lomba nikuya ku amitundu.' ⁷ Ndipo efumako nakuya ku n'ganda ya Tito justus,lidoda lo pemphela mulungu.n'ganda yake yenze pafupi na sinagoge. ⁸ Crispus,msogoleli wa sinagoge,ekhulupilila mwa ambuye,pamozi na banja lake;na anyinji mwa akolinto echimvwa ekhululupila nakubatizika. ⁹ Ambuye eciti kwa paulo usiku menso mphenya 'Usacite mantha,koma labila ndipo usankhale cete. ¹⁰ Pakuti nili nawe,ndipo paliye wati ayese kuku ceneka weo,pakuti nili na bathu anyinji m'muuzi muno.' ¹¹ paulo enkhala mula kwa chaka na myezi sikisi ,ku phunzisa mau ya mulungu pakati pao. ¹² Koma galiyo penkhala mdindo wa akaya ,ayuda enyamuka na ganizo limodzi moukila paulo nakumuleta ku mphado wa oweruza'. ¹³ Eciti 'ili lidoda lunyengelela banthu kuphemphela mulungu mosiyana na malamulo'. ¹⁴ Napamene paulo enzofuna kulabila ,galiyo eciti kwa ayuda,'mweo ayuda,ngati chendi cenze cinthu colakhwa olo mlandu wa ucimo,sembe chovwika ku chita nawe. ¹⁵ Koma kamba kakuti izi nizo makhosho okhuza mau na mazina na lamulo yanu,silizya wake.Nufuna lini kunkhala oweruza wa nkhani izi. ¹⁶ Galiyo ebapangisha kufuma pa mphando oweruza. ¹⁷ onse ekata sositeni ,olamulila wa sinagoge nakamyata panthangu pa mphando oweruza.Koma galiyo aliye ikeko nzelu vebecita. ¹⁸ Pavuli ponkhalako kwa masiku anyinji,paulo esiya anekwao nakuya ku siliya na priscila na kaakwila. Akaliye fume pa citeshe ca nyanja,kenkeleya,egela sisi cifukwa ca kulumbila kwe ecita. ¹⁹ Pebewela ku aifenso paulo esiya pricila na akwila,koma eve eka eloba msunagoge na kukambilana na ayuda. ²⁰ Pebemsenga paulo kuukhala nthawi itali ekana. ²¹ koma kufumapo eve pakati pao,eciti,'nikawele soti kwanu ngati nicifunilo ca mulungu.Eloba mchombo kufumako ku aifenso. ²² Pefwika paulo ku kaisala,enyamuka kuyopasa moni mpingo waku jerusalemu nakufuma kuya antiyokeyo. ²³ Penkhalako kanthawi kula,paulo efumako napitila mumalo ya agalatiya na phrygia nakulimbikisha onse ophunzila ²⁴ Lomba muyuda muyakane enzoitiwa apollos,obadwila ku alexanda,ewela ku aifenso.enze ofulumila m'kulabila nocita bwino m'malemba. ²⁵ Apollos elamuliliwa mu ma mphuziso ambuye.ponkala opitilizya mumzimu,elabila nakuphuuzisa mosaphonya vinthu vokhuza yesu,koma enzoziba tyala ubatizo wa yohane. ²⁶ Apollos eyamba kulabila mosoba mantha musinagogi.koma pricila na akwila pevemuvwa,emtola kumbali na kumfotokozela njila ya mulungu molongosoka ngako. ²⁷ Pe-efuna kupita mu achaia,akwao emulimbikisha naku lembela ophunzila ake ku achaia kuti amlandile eve.pefika,ethandiza ngako bala ekhulupilila mwa chisomo. ²⁸ Apollosi eshusha na mphamvu ayuda pokambilana pagulu,mooneshela malemba kuti yesu ni kristu.