¹ Lomba pebepita mu mizinda yaku amfipoli na apoloniya,befika ku atesolonika,kwamene kwenze sinagoge wa ayuda. ² Paulo ,monga mwa muthetho wake ,eluta kwao ,ndipo pa masiku ama sabatha atatu ekambilana nao kufuma mumalemba. ³ Enzevula malemba nakufotokoza kuti cenze cofunikila kutikristu akazunzike na kuyouka soti kwa akufwa.eciti,uyu yesu wenu lalikila kwanu mweo ndiye kristu.' ⁴ Ayakine mwa ayuda enyengelelewa no konka paulo na sila,noikapo na cibelengelo cikuleni ca agiliki ezipeleka,namanina osogolela osabelengeka. ⁵ Koma Ayuda osakhulupilila,mwa nsanje,etolako bantu akhalidwe loipa kufuma mumalo ogulicila,nosonkhanisa ka gulu pamozi,nopangisha musokonezo mu mzinda.ecita ndeo ku nganda ya yaso.,enzofuna kuti alete paulo na sila panja ku banthu. ⁶ Koma pe baliya bapeze,eguguza jaso na ayakine mwa akwao pamenso pa akulu a mzinda efuula,'aba madoda epindimula chalo palulu pansi ewela soti kuno. ⁷ Aba madoda belandila jaso,ocita masusana na malamulo ya Kayisala; onena kuti kuliye mfumu - Yesu ⁸ Gulu na akulu ba muzinda bevutika pebecimvwa za ivi vinthu. ⁹ Koma pavuli pake akulu ba muzinda eujya Jaso na onse kuti alipile ndalama ngati cikole, ndipo ebamasula. ¹⁰ Usiku ula anekwao etuma Paulo na Sila ku Bereya. Pebefika kula, beloba mu sinagoge ya Ayuda. ¹¹ Lomba aba banthu benze olemekezeka kupambana baku Atesolonika, pakuti belandila mau nacikonzekelo ca maganizo, kuyesa malemba siku na siku kuti aone ngati ivo vinthu vili teto. ¹² Mwa ici anyinji ekhulupilila, kuikilapo manina omvwekela acigiliki na madoda ya nyinji. ¹³ Koma Ayuda baku Atesolonika pebecimvwa kuti Paulo olalikila mau ya Mulungu ku Bereya, beluta kwamene kuyo yambisha zungo naku vutisha magulu. ¹⁴ Pamene apo, anekwao etumijya Paulo ku nyanja, koma Sila na Timoteyo besala kwamene kula. ¹⁵ Bala enzosogolela Paulo bemutwala kufikila mpakana ku muzinda wa Atere. Pemusiya kwala Paulo, beujyiwa kuti Sila na Timoteyo akamukonkhe mofulumila. ¹⁶ Lomba Paulo akali kubalindilila mu Atere, mzimu wake wefulumijyiwa mukati mwake poona kuti muzinda wenze ozula na mafano. ¹⁷ Teto enzolabila masiku yonse mu sinagoge na Ayuda nabayakine benzopembeza Mulungu, angankhale namumalo ogulisilamo nabala onse enzopezekamo. ¹⁸ Koma soti bayakine amaphunzilo apalulu aku Epikoleya na ku Stoiki ekumana naye. Bayakine eciti, "Ni cinji cakufuna kulabila uyu obwetuka?" Ayake eciti, "Ooneka nga ni umozi oita banthu kuti bakonkhe milungu ya cilwendo," kamba kakuti enzolalikila uthenga wa Yesu na kuukishiwa. ¹⁹ Bemutola Paulo nowela naye kwa Areopagi, nonena, " Ko tingacizibe ici ciphunziso calomba cewenzo labila? ²⁰ Pakuti mweo muleta viphunziso vacilwendo ku matu basu. Mwa ici, seo tufuna kuziba tanthauzo la ivi vinthu." ²¹ ( Lomba onse bamu Atere na lwendo onkhala kwamene enzotola nthawi osati pa kanthu kayakine koma polabila na kumvwelela za lomba.) ²² Teto Paulo epanama pakati pa Areopagi ndipo eciti, " Mweo madoda yamu Atere naona kuti mweo nimwebacipembezo ngako mwa njila ili yonse. ²³ Pakuti penenzoyenda neona vinthu va cipembezo canu, neo nepeza guwa lolemba, "Kwa Mulungu Osazibika." Pa ici cimupembeza mukusaziba, ici nuulusa kwa mweo. ²⁴ Mulungu wamene epanga chalo na vonse vilimo, pakuti ni Ambuye wa kuluul na pansi, onkhala lini mu kachisi yomanga na manja. ²⁵ Eve soti sotumikiliwa na manja ya banthu monga ngati kuti eve osobekela kanthu, pakuti eve ndiye opasa banthu moyo na phweya na vonse. ²⁶ Kufuma mu lidoda limozi eve epanga mitundu ya banthu kuti bankhale pa ziko lapansi, pecipangilatu nyengo zoyikika na malile ya ponkhala pao, ²⁷ kuti beve akafune -fune Mulungu na kuti kapena beve angapeze njila yao yakuya kwa Mulungu na kumupeza. Koma yeve sali kutali na aliyense wa seo. ²⁸ Pakuti mwa yeve nise bamoyo na kuyenda nakunkhala nayo nkhalo, monga mwelabilila umozi wa olakatula wanu, 'Pakuti seo nase nise banabake'. ²⁹ Mwa ici, pakuti nise bana bake, tuyenela lini kuganiza kuti umulungu uli monga golide, kapena siliva, kapena mwala- zithunzi zopangiwa mwa luso na maganizo ya banthu ³⁰ Mwa ici, Mulungu elekelela masiku yakusaziba, koma lomba olamulila munthu aliyense kulikonse kulapa. ³¹ Ici nicifukwa eve wayika siku lati akaweluze ziko mucilungamo mwa lidoda lesankha. Mulungu epasa umboni wa ili lidoda kwa onse pa kumuukisha kwa akufwa." ³² Lomba madoda yaku Atere pebecimvwa za kuukishiwa ku bakufwa, ayakine emunyoza Paulo; koma ayake eciti, "Tikakumvwile soti pa nkhani iyi." ³³ Pezepita izo, Paulo ebasiya beve. ³⁴ Koma madoda bayakine bemulondola yeve nokhulupilila, pakati pao penze Dionisiyo waku Areopagao, linina liyakine zina lake Damarisi na ayakine enze pamozi nao.