¹ Iyi ninthawi yacitatu yanukuza kwa mweo. "Cinthu ciliconse kuti cinkhazikishiwe pofunika umboni wamboni zibili olo zitatu." ² Nekamba kale na bala ecimwa na onse penenze kwala kacibili, ndipo nukamba soti: Nikayowela soti, nikabasiyeko lini. ³ Nukuzhyani ici cifukwa musakila umboni kuti Yesu okamba mwa neo. Eve niosabeba pa mweo. Mmalo mwake, eve niwamphamvu mwa mweo. ⁴ Pakuti eve epanyikiwa mu zofoka, koma eve ali moyo mwa mphamvu ya Mulungu. Pakuti nase ndise obeba mwa eve, kom atikankahle nayeve mwa mphamvu ya Mulungu pa mweo. ⁵ Muziyese mweka, kuti muone kuti muli mucikhulupilo. Muziyese mweka. Muzindikila lini ici pa mweo mweka, kuti Yesu Kristu ali mwa mweo? - Ngati niteto lini mwakangiwa mayeso. ⁶ Ndipo nina ciyembekezo muzibe kuti muliye kangiwe mayeso. ⁷ Lomba tupemphela kwa Mulungu kuti musaticite ciipa. Nupemphela lini kuti tioneke monga kuti tepambana mayeso. Koma nupemphela kuti mucite ca zoona. Olo kuti tuoneka kuti tekangiwa mayeso. ⁸ Pakuti tingakwanishe lini kucita ciliconse cukangana na cilungamo, koma zacilungamo tyala. ⁹ Pakuti tukondwela ngati ndise ofoka pamene mweo ndiwe okosa. Tupemphela soti kuti mukapangiwe osilizhyika. ¹⁰ Nulemba vinthu ivi panili kutali na mweo cifukwa cakuti ngati nili na mweo nufunika lini kunkhala na mweo nankhanza mususebenzesha ulamulilo wangu- wamene Ambuye epasa kwa neo kuti nikukulisheni, ndipo osati kuti nikuonongeni. ¹¹ Cosilizhyila, anekwasu, kondwelani! sebenzani mwakukonza, nkhalani okumvwa, munkhale namaganizo amozi, nkhalani mumtendele. Ndipo Mulungu wa cikondi na mtendele ankhale na mweo. ¹² Mupasane moni na cikondi cacendi. ¹³ Banthu onse a Mulingu oyela okupasani moni. ¹⁴ Cisomo ca Ambuye Yesu Kristu, cikondi ca Mulungu, na ciyanjano ca mzimu utuba vinkhale na mweo.