¹ Mwa ici, poona kuti tingakwanishe lini, teganiza kuti nicabwino kuti atisiye teka ku Atene. ² Tetumijya Timoti mnekwasu na wanchito muyasu wa Mulungu mu uthenga wa Kristu, kukulimbikishani na kukusangalashani kukhuzana na za cikhulupililo, ³ Kuti pasankhale wati agwendezeke kamba ka cisauso ici. pakuti mweo mweka muziba kuti cifukwa ca ici tesankhiwa. ⁴ Ncendi petenze namweo, tekuujyilantoni kuti tili pafupi kumvwa zobaba, ndipo cecitika teto, monga muziba. ⁵ Pacifukwa ici, peneona kuti nipilile lini kuposa apa, netuma kuti nizibe za cikhulupililo canu. kuti mwina oyesa wakuyesani mweo, na nchito yasu yankhala iliye phindu. ⁶ Koma Timoti eyewela kwa seo kufumila kwa mweo nakutiletela mbili ya bwino yacikhulupililo canu na cikondi. Etiujya kuti mutikumbukila seo pazabwino, nakuti mufunishisha kutiona seo monga nase mutufunishishila kukuonani mweo. ⁷ Cifukwa ca ici, anekwasu, tesangalala namwe cifukwa ca cikhulupililo canu, mukuvutika na kusaushiwa kwasu. ⁸ Kwa lomba tili na moyo, ngati mwankhala peneme mwa Ambuye. ⁹ Ndaba niciyamiko cotyani citingatwale kwa Mulungu za mweo na cimwemwe citili naco pameso ya Mulungu? ¹⁰ Usiku na muzuba tupemphela mwa mphamvu kuti tione vinso vanu na kupeleka vosoba vanu mu cikhulupililo canu. ¹¹ Lekani Mulungu Atata mwine na Ambuye Yesu atikonzele njila kwa mweo. ¹² Lekani Ambuye akupakisheni na kukulishani mu cikondi pa umozi na muyake naku banthu onse, mwatucitila nase kwa mweo. ¹³ Lekani alimbikishe mitima yanu kuti inkhale iliye cibanga mukutuba pameso ya Mulungu Atata pakuwela kwa Ambuye wasu Yesu na banthu bake bonse ba tuba.