¹ Okondewa, osakhulupilila mzimu ulionse. Koma yesani mizimu kuti muone ngati icokela kwa Mulungu, cifukwa ambili aneneli aboza eluta mu ziko. ² Mwaici muzibe Mzimu wa Mulungu- mzimu ulionse uvomelejya kuti Yesu Kristu awela mu thupi ofumula kwa Mulungu, ³ ndipo mzimu ulionse usavomelejya Yesu ufumila lini kwa Mulungu. Uyu ndiye mzimu ukana Kristu, wemwecimvwa kuti ukuza, ndipo ulikale mu ziko. ⁴ Mufumila kwa Mulungu, bana, ndipo mwabapambana, cifukwa yeve ali mwa mweo nimukulu kucila ula ali mu ziko. ⁵ Ofumila ku ziko; mwaico vowokamba vufumila ku ziko, ndipo ziko yuvwilila beve. ⁶ Tufumila kwa Mulungu. Aliyense oziba Mulungu otivwilila seo. Yeve osafumila kwa Mulungu otivwila lini seo. Mwaici tuziba mzimu wa coonadi na mzimu wa boza. ⁷ Okondewa, tiyeni tikondane wina na muyake, pakuti cikondi cufumila kwa Mulungu, ndipo aliyense okonda ebadwa kufumila kwa Mulungu ndipo oziba Mulungu. ⁸ Munthu osakonda oziba lini Mulungu, pakuti Mulungu ni cikondi. ⁹ Cifukwa ca ici, cikondi ca Mulungu ceonekela pakati pasu, kuti Mulungu atuma Mwana wake eka ku ziko kuti tinkhale na moyo cifukwa ca yeve. ¹⁰ Ici ndiye cikondi, osati kuti temukonda Mulungu, koma kuti etikonda seo, nakuti etuma Mwana wake kunkhala chiombola wamacimo yasu. ¹¹ Okondewa, ngati Mulungu etikonda ngako seo, tikokondana nase wina na muyake. ¹² Paliye eonapo Mulungu. Ngati tukondana wina na muyake, Mulungu onkhala mwaseo, ndipo cikondi cake cunkhala ca ngwilo muli seo. ¹³ Mwaici tuziba kuti tunkhala mwa yeve ndipo yeve mwa seo, cifukwa atipasako Mzimu wake. ¹⁴ Soti, taona nakucitila umboni kuti Atata atuma Mwana kunkhala m'mpulumusi wa ziko. ¹⁵ Aliyense ovomekejya kuti Yesu ni Mwana wa Mulungu, Mulungu onkhala mwa yeve ndipo yeve mwa Mulungu. ¹⁶ Soti, taziba nakukhulupilila cikondi camene Mulungu alinaco paliseo. Mulungu ni cikondi, ndipo yeve onkhala mu cikondi ici onkhala mwa Mulungu, ndipo Mulungu onkhala mwa yeve. ¹⁷ Cifukwa ca ici, cikondi ici capangiwa cabwino pakati pasu, kuti tikankhale olimbika pasiku yaciweluzo, cifukwa monga mwalili, nanse tili teti muziko ino. ¹⁸ Muliye mantha mu cikondi. Koma, cikondi cabwino cutaya mantha, cifukwa mantha nicilango. Koma yeve oyopa aliye pangiwe bwino mucikondi. ¹⁹ Tukonda cifukwa Mulungu eyambila kutikonda. ²⁰ Ngati aliyense akamba kuti, ''Nukonda Mulungu'' koma ozonda mbale wake, niwawenye. Pakuti ula osakonda mbale wake, wakuona, sangakonde Mulungu, waliyeone. ²¹ Soti, iyi ndiye lamulo itilinayo kufumila kwa yeve: aliyense okonda Mulungu ofunika soti kukonda mbale wake.