⁴ Koafa nijanogno nivaolagna Izy, dia nivaolagna tamin'i Simona Izy nagnanjao: "Ndeso amin'ny rano taigna laligny ny lakagna dia alatsaho ny haratonao mbô hazahoanareo hazandrano." ⁵ Simona namaly Azy kay nivaolagna: "Tompo ô, afa niasa ny aligny tontolo zahay, fao tsy nahazo na ino na ino, fao nohon'ny koragnanao, dia halatsako ny harato." ⁶ Koafa natan-jareo zany, dia navôry hazandrano maro taigna maro zareo, aveo natriaka haraton-jareo. ⁷ Koa nagnano fihetsiky tamin-jareo namany zay tao agnatilakagna araiky hafa zareo fao zareo fa tôkony hoavy avakeo hagnampy lakagna njareo. Dia havy zareo kay nameno ny lakagna aroa, kay afa hely hijibiky zareo. ⁸ Fao Simona Petera, raha voh nahita zany, dia niankaohaka teo amin'ny hongotro Jesôsy, nivaolagna nagnanjao: "Milao aminaha, fao lalahy mpanota zaho." ⁹ Fao gaga izy, ndraiky reo zay jiaby niaraka taminazy, nohon'ny hafotriran'ny hazandrano zay azon-jareo. ¹⁰ Tao agnatiny zany Jakoba ndraiky Jaona, zanak'i Zebedio, zay mpiara miasa amin'i Simona. Jesôsy nivaolagna tamin'i Simona nagnanjao: "Aza ambory, fao manomboko zao dia hagnarato ôlogno anao." ¹¹ Koafa nindesin-jareo tagny an-tanety ny lakagnan-jareo, dia nagnambaila raha jiaby zareo kay nagnaraka Azy. ¹² Dia nitranga zao raha mbôla tao amin'ny araiky tamin'ny reo tanagna Izy, dia nisy lalahy feno habokagna teo. Koafa nahita Jesôsy izy, dia niankaohaka taminazy avakeo niangavigny taminazy, nagnanjao: "Tompo, raha mety anao, dia afaka magnadio zaho." ¹³ Aveo namavatra tagnany Jesôsy ary nikasiky azy, nivaolagna: "Mety Zaho. Madiova." Samby teo dia afaka taminazy ny habokagna. ¹⁵ Kanaifa ny tatitry mahakasiky Azy dia niparitaka lavitry faogna, aveo vahoaka maro no niara-tonga mbô hitandregny Azy nampianatra avakeo mbô hahivagna amin'ny aretignin-jareo. ¹⁶ Kanaifa matetiky Izy dia niala nagnagny amin'ny tany foagna aveo nivavaka. ¹⁷ Ary tamin'ny andro araiky nampianarany, dia nisy Fariseo ndraiky mpanora-dalàgna nibidôko teo zay avy amin'ny tanagna samihafa ao amin'ny faritry Galilia ndraiky Jodia, avakeo koa avy ao amin'ny tanagnan'i Jerosalema. Ny angôvon'ny Tompo no tao aminazy mbô hagnasitranagna. ²² Fao Jesôsy, nahay zay nieritreretin-jareo, namaly aveo nivaolagna zareo nagnanjao: "Nagnino areo magnontany zany ao am-pônareo? ²³ Ino no mora volagnigny: 'Voavaila ny helokoa' sa mivaolagna hoe: 'Mitsangana avakeo mandihiana?' ²⁴ Naifa mbô hahaizanareo fao ny Zanak'Ôlogno dia manam-pahefagna hamôtotro heloko aketo antany, dia volagniky aminao, mitsangàna, ndeso ny fandriagnanao aveo mandihiana agny an-tragnonao." ²⁵ Samby teo dia nitsangagna teo agnoloan-jareo izy ary nangala lehy fandriagna zay nandriany. Avakeo niala nagnagny antragnony izy, nagnamia vogninahitry Zagnahary. ²⁶ Sondriagna jiaby aveo nagnamia vogninahitry Zagnahary zareo. Feno hamboriagna zareo, nivaolagna nagnanjao: "Nahita raha mahagaga atsika niany." ²⁷ Tafaran'ny nitrangan'ny reo raha reo, dia niala teo Jesôsy kay nahita mpamôry haitra araiky zay antsôvigny Levy nidôko teo amin'ny tragno lain'ny mpamôry haitra. Nivaolagna taminazy Izy nagnanjao: "Magnaraha Zaho." ²⁸ Dia nitsangagna i Levy kay nagnaraka Azy, ka nagnambaila ny raha jiaby. ²⁹ Dia nagnano fagnasagna lehibe tao an-tragnony ho an'i Jesôsy i Levy. Fôntry reo mpamôry haitra ndraiky reo ôlogno hafa zay nipaitraka teo amin'ny latabatra aveo nihinagna niaraka tamin-jareo. ³⁰ Naifa reo Fariseo ndraiky reo mpanora-dalàgna dia nitaraigny tamin-jareo mpianany, nivaolagna: "Nagnino anao mihinagna ndraiky migiaka miaraka amin'ny reo mpamôry haitra ndraiky reo mpanota hafa?" ³¹ Namaly zareo Jesôsy nagnanjao: "Tsy mila dokotaira ny ôlogno salama; fao reo marary faogna. ³² Tsy tonga hagnantso ny ôlo-marigny ho amin'ny fibaibahagna Zaho, fao hagnantso ny mpanota hoamin'ny fibaibahagna." ³³ Dia hoizy zareo taminazy: "Reo mpianatr'i Jaona mazagna mifady hanigny ndraiky mivavaka, aveo reo mpianatry reo Fariseo dia magnano hotra zany koa. Naifa ny mpianatrao dia mihinagna ndraiky migiaka." ³⁴ Jesôsy nivaolagna zareo: "Moa misy ôlogno mahavita mampifady hanigny ny havan'ny mpampakatra raha aohatra mbôla mipaitraka eo amin-jareo ny mpampakatra? ³⁵ Fa hoavy ny andro zay hangalagna ny mpampakatra eo amin-jareo aveo amin'ny zany andro zany dia hifady hanigny zareo." ³⁷ Tsisy ôlogno magnisy divay vava agnatiny seho hôditry fa aila. Raha magnano zany izy, dia hagnatriaka hôditry lehy divay vava, avakeo ho raraka ny divay, aveo haratra lehy seho hôditry. ³⁸ Fao ny divay vava tsy maintsy atao agnatin'ny seho hôditry vava. ³⁹ Tsisy ôlogno avy nigiaka divay fa haila ka hagniry ny vava, fao hoizy hoe: 'Lehy talaoha no tsara."'