¹ Avakeo tamin'ny zany andro zany, dia nagnandaifa didy mibeko ny hagnisahagna ny ôlogno jiaby miaigny eto amin'izao tontolo zao Aogosto Kaisara. ² Zany no fagnisaham-bahoaka voalaohany tamin'i Kyrenio no nanapaka tagny Syria. ³ Noho zany ny ôlogno jiaby dia nagnagny amin'ny tanagna naviany aby mbô hisoratagna agnaragna hoan'ny fagnisam-bahoaka. ⁴ Dia nandaiha nakatra avy tagny Galilia koa Josefa, avy tagny an-tanagnan'ny Nazareta, hoagny Jodia, tanagnan'i Davida zay antsôvigny hoe Betlehema, satria izy avy akagny amin'ny tragno ndraiky fianakavian'i Davida. ⁵ Nandaiha tagny izy mbô hisaoratra agnaragna niaraka tamin'i Maria, zay fofom-badiny aveo nanagnanaka. ⁶ Aveo raha mbôla tagny zareo, dia tonga ny fotoagna hitirahany zanany. ⁷ Nitairaka zaza lalahy izy, zanany voalaohany, aveo izy nandrakotro lamban-jaza Azy ndraiky nampandry Azy tamin'ny valan'aomby, satria tsisy toairagna hoan-jareo tao amin'ny hotely. ¹⁰ Dia nivaolagna tamin-jareo ny anjely nagnanjao: "Aza ambory, fao hitondra vava tsara zahay hitondra haravoagna gaida hoan'ny ôlogno jiaby zaho. ¹¹ Niany dia nisy mpagnavotro zay tairaka hoanareo akagny antanagnan'i Davida! Izy no Kristy Tompo! ¹² Zao no famantaragna zay hamiaga areo: Hahita zazahely mirakotro lamban-jaza avakeo mandry eo amin'ny valan'aomby areo." ¹³ Tampoko teo niaraka tamin'lehy anjely, dia nisy tafiky ny langitry gaida nidaira Zagnahary nagnanjao: ¹⁴ "Vogninahitry ho amin-Jagnahary akagny amin'ny taigna agnambo, aveo hisy fiadanagna eto an-tany amin'ny ôlogno zay ankasitrahiny." ¹⁵ Ary koafa niala tamin-jareo nankagny an-dangitry reo anjely, ny mpiambigny ondry nifankoragna nagnanjao: "Andaiha atsika zeo hoagny Betlehema, aveo hizaha zany raha nitranga zany, zay nambaran'ny Tompo atsika zany." ¹⁶ Nandaiha nalaky tagny zareo aveo nahita Maria ndraiky Josefa, avakeo nahita ny zaza hely nandry tao amin'ny valan'aomby. ¹⁷ Tafaran'ny nahitan-jareo Azy, dia nambaran-jareo ny raha jiaby nikoranigny zareo mahakasiky zaza io. ¹⁸ Zay jiaby naharegny zany dia gaga ny amin'ny nivolagnan'ny mpiambigny ondry tamin-jareo. ¹⁹ Fao Maria ndraiky nanôhy nimenimeny mahakasiky ny raha jiaby zay regniny, aveo nikajy regny tam-pônazy. ²⁰ Nimpôdy reo mpiambigny ondry, nagnamia vogninahitry ndraiky nankalaza Zagnahary noho ny raha jiaby zay regnin-jareo ndraiky hitan-jareo, araka zay nivolaigny tamin-jareo. ²¹ Nohony tapitry ny andro fahavalo, koafa noforàgna Izy, dia namiagna agnaragna hoe Jesôsy, lehy agnaragna namian'ny anjely Azy talaohan'ny namitrahagna Azy tan-kibo. ²² Ary koafa dila ny isan'andro nitakiagna hidiovany, araka ny lalan'i Mosesy, dia ninday Azy nakatra hoagny an-tempoly tao Jerosalema Maria ndraiky Josefa mbô hanôlotro Azy eo amin'ny Tompo. ²³ Araka zay voasaoratra ao amin'ny lalàn'ny Tompo magnanjao: "Ny lalahy jiaby zay volaohany tairaka dia hataokagna ho an'ny Tompo." ²⁴ Noho zany dia nanôlotro sôrogno araka zay nikoranigny ao amin'ny lalàn'ny Tompo zareo, "domohigny aroa na zanaka voromailala aroa." ²⁵ Ary tô, nisy lalahy tagny Jerosalema, Simona agnarany, aveo lalahy zany dia marigny ndraiky mafana fô. Nitady ny fampiononagna Israely izy, aveo taminazy ny Fagnahy Masigny. ²⁶ Nambaran'ny Fagnahy Masigny taminazy fao tsy hahita fahafataisagna alaohan'ny ahitavan'ny Kristin'ny Tompo izy. ²⁷ Nitarihin'ny Fagnahy, nagnagny an-tempoly Simona. Koafa ninday Jesôsy zazahely niditry ny ray aman-dreniny, mbô hagnano Azy araka ny fomba ao amin'ny lalàgna, ²⁸ dia niraisiny ho egny an-tagnany Izy sady nidaira Zagnahary nagnanjao: ²⁹ "Izeo ambilao andaiha am-piadanagna ny mpanomponao, Tompo, araka ny vaolagna nao. ³⁰ Fao masoanaha nahita ny famonjianao, ³¹ zay nomaninao teo amin'ny fagnatraihan'ôlogno jiaby: ³² Dia fahazavagna ho fagnambaragna ho an'ny Jentilisa aveo vogninahitry hoan'Israely ôlognoa." ³³ Ny iada ndraiky ninin'lehy zaza dia sondriagna tamin'ny raha nivolagniny mahakasiky Azy. ³⁴ Nitso-drano zareo Simona aveo nivaolagna tamin'i Maria nininy nagnanjao: "Igny, tô zaza tô dia voatendry hoamin'ny fandavoagna ndraiky fagnandratagna ny ôlon'Israely maro aveo ho famantaragna zay nilavigny ³⁵ avakeo hoisy meso handoaka ny fagnahinao—mbô ho voavaolagna ny hevitry ny fô maro." ³⁶ Nisy mpagnazary vaiavy araiky atsôvigny Ana teo. Zanakavavin'i Fanoela avy amin'ny foko Asera izy. Taigna hantitry izy. Nidôko niaraka tamin'ny vadiny fito taogno tafaran'ny nahavirijiny azy izy, ³⁷ aveo mpitondra taigna nandritry ny aifatra amby valopôlo tagno. Tsy niala tempoly velively izy fao nanompo tamin'ny fifadian-kanigny ndraiky vavaka, andro aman'aligny. ³⁸ Tamin'ny zany fotoagna zany dia nagnatogno narikitry zareo izy aveo nanomboko nagnamia fisaoragna Zagnahary ndraiky nivaolagna ny mahakaisiky lehy zaza tamin'ny ôlogno jiaby zay nandigny fagnavaotagna Jerosalema. ³⁹ Koafa nahavita raha jiaby nasaigny nitsabogny araka ny lalàn'ny Tompo zareo, dia nimpôdy tagny Galilia, agny amin'ny tanagnan-jareo agny Nazareta. ⁴⁰ Nahay gaida ny zaza aveo nahay natanjaka, nitômbo fahindriagna, aveo ny fahatsaran-Jagnahary taminazy. ⁴¹ Ny ray aman-dreniny dia nankagny Jerosalema isantagno hamonjy ny firavoravoagnan'ny Paska. ⁴² Koafa aroa ambiny fôlo tagno Izy, dia nandaiha nagnagny araka ny fomba fatao amin'ny fety indraiky zareo. ⁴³ Avakeo koafa avy nitoby tagny nandritry ny andron'ny fety jiaby zareo, dia nanomboko nimpôdy nôdy zareo. Fao Jesôsy zazalahy nijanogno tagny Jerosalema naifa tsy hainy ny ray aman-dreniny zany. ⁴⁴ Sambaran-jareo fao niaraka tamin'ôlogno niara-dia tamin-jareo Izy, dia nandaiha nandritry ny andro araiky zareo. Ary aveo dia nanomboko nitady Azy tagny amin'ny reo havany ndraiky reo namany zareo. ⁴⁵ Koafa tsy hitan-jareo Izy, dia nimpôdy tagny Jerosalema zareo kay nanomboko nitady Azy tagny. ⁴⁶ Koafa afaka teo andro, dia hitan-jareo tao an-tempoly Izy, nidôko tagnivony reo mpampianatra, nitandregny zareo ndraiky nagnapaitraka fagnontaniagna tamin-jareo. ⁴⁷ Zay jiaby naharegny Azy dia sondriagna tamin'ny fahaizany ndraiky reo valim-pagnontaniagnany. ⁴⁸ Koafa nahita Azy zareo, dia sondriagna. Ny nininy nivaolagna taminazy nagnanjao: "Zanako, nagnino anao nitsabo karah tô zahay? Tandrignaiso, zaho ndraiky iadanao nitady anao tamin-tebiteby." ⁴⁹ Izy nivaolagna tamin-jareo: "Nagnino moa areo nitady Zaho? Tsy hainareo moa fao tsy maintsy ho an-tragnon'ny Iadako Zaho?" ⁵⁰ Fao tsy azon-jareo zay tiany hikoragnigny tamin'ny zany koragna zany. ⁵¹ Dia nôdy niaraka tamin-jareo tagny Nazareta Izy sady nankatô zareo. Ny nininy dia nikajy zany raha jiaby zany tam-pônazy. ⁵² Fao Jesôsy nahay nitômbo fahindriagna ndraiky nitômbo vatagna, aveo nitômbo fitiavagna tamin-Jagnahary ndraiky ny ôlogno.