¹ Maro reo niaizaka nanaoratra tantara mahakasiky reo raha nitranga tantairaka teto amintsika, ² araka zay afa nanolaoran-jareo azy tamintsika, zay afa antomoa nagnatri-maso aveo mpanompon'ny teny rango am-panombaohagna. ³ Ary aminaha koa karaha manjary—koafa nagnadihady tsara ny fandaihan-draha jiaby rango amboalaohany—ny hanaoratra tatitry araka ny filaharany ho nihinao, ry Teofilo hajaigny. ⁴ Zany dia mbô hahaizanareo ny marigny mahakasiky reo raha zay nampianarigny anao. ⁸ Ary zany dia mahakasiky Zakaria teo fagnaitrahan-Jagnahary, nagnatantairaka reo asan'ny fisorognagna araka ny fifandibiasan'ny isan-tokony. ⁹ Araka ny fomba fatan-jareo ny amin'ny fisafidianagna mpisôrogno zay tôkony hanompo, dia voafidin'ny kodia hely hiditry hagnoro ny hemboko mangitry an-tempolin'ny Tompo izy. ¹⁰ Tamin'ny fotoagna nagnoroagna ny hemboko mangitry dia nivavaka tegny ambailany ny vahoaka jiaby. ¹⁴ Hanan-karavoagna ndraiky haravoagna anao, avake maro koa no horavo amin'ny fahatirahany. ¹⁵ Satria ho gaida izy akeo imason'ny Tompo. Tsy higiaka divay na raha figiahigny mahery velively izy, aveo ho feno Fagnahy Masigny rango ankibon-dreniny izy. ¹⁸ Avakeo Zakaria nivaolagna tamin'ny lehy anjely: "Akôry no ahaizako zany? Fao zaho afa antilahy aveo vadiky taigna afa hantitry." ¹⁹ Avakeo nivaolagna anjely namaly vaolagna taminazy: "Zaho no Gabriela, lehy mitsangagna eo agnatraihan-Jagnahary. Avakeo voahiraka zaho mbô hivaolagna aminao, hitondra zao vava tsara zao aminao. ²⁰ Koa tô! Ho moana anao, kay tsy afaka hivaolagna, mandra-piavin'ny andro hiboahan'ny raha reo. Satria tsy nino vaolagna naha anao, zay ho tantairaka amin'ny fotoagna voafaitra." ²⁴ Tafaran'ny reo andro reo, dia nanagnanaka Elizabeta aveo nivôny nandritran'ny dimy volagna. Nivaolagna izy: ²⁵ "Zao no nitsabon'ny Tompo aminaha koafa nitsinjo zaho Izy mbô hangala haingatra eo agnatraihan'ny ôlogno." ³⁰ Hoizy anjely taminazy: "Aza ambory Maria, fao afa nahita sitraka tamin-Jagnahary anao. ³¹ Tô, hananjanaka anao kay hitairaka zaza lalahy. Ary ny agnarany ho antsôvinao 'Jesôsy.' ³² Ho gaida Izy aveo ho antsôvinao hoe Zanaka ny taigna agnambo. Ny Tompo Zagnahary hagnamia Azy ny dabilio fiandrianan'i Davida razambeny. ³³ Ary hanjaka bariky dintany amin'ny tamingan'i Jakoba izy, ary tsy hanam-pahatapairagna ny fanjakany." ³⁴ Hoizy Maria tamin'ny lehy anjely: "Akôry no hiboahan'ny zany, fao mbôla tsy niaraka nandry tamin'ny lalahy zaho? ³⁵ Ny anjely namaly ndraiky nivaolagna: "Hilatsaka aminao ny Fagnahy Masigny, aveo ny angôvony taigna agnambo hoavy aminao. Kay lehy masigny ho tairaka dia hoantsôvigny Zanaka Zagnahary. ³⁶ Tô, Elizabeta havanao dia nananjanaka lalahy koa na dia tamin'ny fahanterany aby. Afa faha enimbaolany nihinazy zeo, izy lehy nantsovigny momba. ³⁷ Satria tsisy raha tsy hoazo tantirahigny amin-Jagnahary." ³⁸ Hoizy Maria: Tô, zaho no mpanompovavin'ny Tompo. Aoka ho tantairaka aminaha zany araka ny hafatrao.'' Ary niala teo aminzay ny anjely. ⁴² Nampiaka-peo ndraiky nivaolagna mafy izy nagnanjao: "Voatahy mihoatra nohon'ny vaiavy jiaby anao, avakeo voatahy ny natairaky ny kibonao. ⁴³ Nagnino zany no mitranga aminaha fao lehy regnin'ny Tompo no havy hagnatogno zaho? ⁴⁴ Fao tô, koafa havy tan-tsôfigny naha ny fiarahabagnanao, dia niainta-kaintagna ny zaza ato an-kibonaha. ⁴⁵ Sambatra izy zay nino fa ho tantairaka reo raha zay nivolagniny Tompo taminazy." ⁴⁶ Hoizy Maria: "Midaira ny Tompo ny fagnahiky, ⁴⁷ aveo ny fagnahy naha niravo tao amin-Jagnahary mpagnavotro zaho. ⁵² Nahongany tamin'ny dabilio fiandrianany ny zanaka lahin'ny mpanjaka aveo reo ambany nakariny. ⁵³ Natany vôky raha tsara reo tihinagna, fao ny mpanan-kariagna nampôdiny tsy nanagna na ino na ino. ⁵⁴ Nagnamia fagnamiagna Israely mpanompony Izy, mbô hahatsaraovany hagnaboaka famindram-pô ⁵⁵ (araka ny nikoranigny tamin'ny reo iadantsika) tamin'i Abrahama ndraiky ny tamingany bariky dintany.'' ⁵⁶ Nijanogno nidôko tao amin'i Elizabeta tôkony ho telo vaolagna i Maria ary avakeo nimpôdy nôdy tagny an-tragnony. ⁵⁷ Ary havy ny fotoagna hitirahan'i Elizabeta ny zanany aveo nitairaka zaza lalahy izy. ⁵⁸ Nagnaboaka ny famindram-pô goalahy nitsabon'ny Tompo taminazy reo mpiara-monigny ndraiky reo havany, avakeo niaraka ravoravo tamin-jareo. ⁶² Nagnano baiko moana tamin'ny iadany zareo ny amin'ny tiany hoatao agnarany. ⁶³ Nangataka solaitry fanoroatagna ny iadany aveo nanaoratra nagnanjao: "Jaona no agnarany." Aveo gaga tamin'ny zany izy jiaby. ⁶⁴ Aveo niaraka tamin'ny zay dia nisaokatra ny vavany avakeo nafahagna ny lailany. Nivaolagna izy aveo nidaira Zagnahary. ⁶⁵ Tonga tamin-jareo jiaby nagnodidigny zareo ny hamboriagna. Avakeo niparitaka airaka ny tanagna ambony Jodia ny raha niboaka jiaby teo. ⁶⁶ Ary reo jiaby naharegny reo dia nalaka regny am-pôny, aveo nivaolagna nagnanjao: "Hanjary ino ary tô zaza tô?" Fao mahakasiky azy ny tagnan'ny Tompo. ⁶⁷ Aveo feno Fagnahy Masigny i Zakaria iadany avakeo naminagny, kay nivaolagna: ⁶⁸ "Deraigny ny Tompo, Zagnaharin'Israely, fao tonga nagnampy ndraiky nagnatantairaka fagnafahagna amin'ny vahoakany Izy. ⁷⁶ Ia, ary anao, zaza, dia ho antsôvintsika ho mpagnazarin'ny taigna agnambo, fao handaiha alaoaka ny tavan'ny Tompo anao aveo hagnajary lalagna nazy, mbô hagnomanagna ny ôlogno ny amin'ny fiaviagnany, ⁷⁷ mbô hagnamia fahalalam-pamonjiagna hoan'ny ôlogno anazy amin'ny alalan'ny famotsaoragna ny heloko njareo. ⁷⁸ Zany no hiboaka dia nohon'ny famindram-pô masin-Jagnaharintsika, nohon'ny amin'izany no hiboahan'ny masaova avy amin'ny agnambo biaka hoavy hagnampy atsika, ⁷⁹ hagnazava zareo zay mibidôko ao agnatin'ny hizigny ndraiky reo ao agnatin'ny hizigny fahafataisagna. Hitsabony zany biaka hitarihany ny hongotro ntsika amin'ny lalam-pagnavaotagna." ⁸⁰ Aveo ny zaza dia nitômbo ary tonga nahery amin'ny fagnahy, aveo tagny antany maty izy mandrapahavian'ny andro hiboahany mibaribary amin'Israely.