¹ Niboaka ta l’eglise tao Jesosy kay roso nandeha. Nagnantogno Izy iro mpianatranany mba hagnaboaka firafitry ny tempoly io. ² Kanèfa nivolagniny tamin-drô hoe: «Tsy hitanaro ma irô zaka jiaby regny ? Ambarako marigny aminaro, tsy ho hisy vato araiky ambèla tsy ho ravagniny.» ³ Tamin’ny Izy nipetra tagnabony bongon’Oliva, nagnantogno Izy irô mpianatra nazy nivolagna hoe: «Ambarà zahay, imbiagna ma irô zaka jiaby regny hitranga ? Ino famantaragna havianao ndraiky faranian-dra?» ⁴ Namaly Jesosy nivolagna iro hoe: «Mitandraima mba tsy ho hisy hamitaka anarô.» ⁵ Fa maro olo ho avy baka amin’ny angnarako. Bakô hivolagna irô hoe: 'Za ndrô Kristy,’ kay ho maro ho voafitaka. ⁶ Handre ady sy tatitr'ady anarô. Mitandrema mba Tsy hitebiteby anarô, fa tsy maintsy nitranga raha iaby zegny; nèfa tsy mbola navy ny farany. ⁷ Fa hisy firenena hanohitra firenena, ary fanjakana hanohitra fanjakana. Hisy mosary sy horohoron-tany amin'ny toerana samihafa. ⁸ Nèfa zegny raha iaby zegny dia fiandohagnin'ny fanaintainan'ny fiterahagna fo. ⁹ Kay handeha amian-drô ho hampijaliàgna anarô bakô hivoneny. Ho halany firenegna jiaby anarô nohon’ny agnarako. ¹⁰ Bakô maro ho tafintohigna, bakô ka hifamadiky ndraiky hifankahala ny tsiaraikiaraiky. ¹¹ Mpaminany sandoko maro hitsangana hamitaka olo maro. ¹² Fotony hitombo haratsiagna, bakô hahay hanintsy fitiavan’ny maro. ¹³ Fa zegny madigny ziska amin’ny farany no vonjegny. ¹⁴ Ity filazantsara fanjakagna ity ho torigna magnèran’izao tontolo izao ho vavolombelogno amin’ny firenena jiaby. Aviô zegny vo avy farany. ¹⁵ Dikany zegny izy koa mahita fahavètavètagnan’ny fandravagna anarô zegny namambaran’ny Daniela mpaminany hitsangana amin’ny toeragna masigny iô anarô.» ¹⁶ (Aoka zegny mamaky hatakatra), «Aoka zegny agny Jodia hilèfa agnabon’ny bongo agny, ¹⁷ Aoka zegny aganabo tafintragno aoa tsy hijotso angala zaka baka antragno ao, ¹⁸ bakô aoka ka zegny an-tanimbary tsy himpody angala lambany . ¹⁹ Fa lagigny ho an-drô mavesatra draiky mampinônô amin’ny andra zegny ! ²⁰ Mivavahà mba tsy ho ririgniny na amin’ny sabata hitranga filifasagnanarô. ²¹ Fa hisy fahoriagna maventy mbala tsisy kara zegny rango nisian’ny Donia ty ziska ziô, a-ha, bakô tsisy eky. ²² Izy koa tsy ankafohezigny andra io, tsisy haigny ho vonjegna. Fa nohon’ny olo voafidy hafohezigny andra io. ²³ Fa izy koa misy olo mivolagna anarô hoe: Indriô, ity i Kristy’ na 'iry i Kristy’ kaza mino zegny. ²⁴ Fa Kristy sandoko draiky mpaminany sandoko agnaboaka famatragna maventy draiky zaka mahagaga, mba hamitaka, raha azo atao, ia na irô olo voafidy io aza. ²⁵ Indriô efa nambarako anarô mialoha ny fotoagana. ²⁶ Dikany zegny izy koa mivolagna anarô irô hoe: 'Indriô, ambadiky agny izy,’ aza mandeha ambadiky agny. Na hoe ‘indriô agnatin’ny tragno ao izy’ kaza mino zegny. ²⁷ Fa kara varatra latsaka zegny baka antigniana agny mahatonga andrefa, Kai kara zegny havian’ny Zanak’Olo. ²⁸ Fa zegny antany misy faty fo ivoarian’ny volotora. ²⁹ Koa fa afaka fahoriagna amin’ny andra ho jôby masoandra, fanjava tsy agnamia mazava, ilatsaka boka an-dagnitry agny lakintagna, bakô hihozongozogno herin’ny lagnitry. ³⁰ Aviô hiboaka amin’ny lagnitry egny famataragnan’ny Zanak’Olo, bakô foko jiaby ambony ny tany hoisaona. Hahita Zanak’Olo baka amin’ny rôndro miaraka amin’ny hery draiky voninahitry maventy Irô. ³¹ Handefa irô anjely Izy miaraka amin’ny fiô trompetra maré, bakô hamory olomboavidy baka amin’ny vazan-tany efatra agny irô, manomboko amin’ny faravodin’ny lagnitry ziska amin’ny farany. ³² Mianara leçon avy amin’ny aviavy. Dieny mbala matoe ny sampany bakô magnaboaka raviny, kai haindrô fa mariny asara. ³³ Kara zegny koa, izy koa mahita zaka jiaby zegny anarô, tôkony ho hainarô eky fa efa marikitry Izy, iô amin’ny varavaragna iô fo. ³⁴ Ambarako marigny aminarô, tsy ho lany taranaka ty mandra-piboahan’ny zaka jiaby zegny. ³⁵ Tsisy eky lagnitry draiky tany fa volagnanaka tsy mety ravagna mandrakizay. ³⁶ Kanefa mahakasiky andra zegny draiky lèra io tsisy mahay, na anjelin’ny lagnitry aza, na Zanaka lahy, koa tsy i Baba fo. ³⁷ Kara tamin’ny andran’i Noa, Kara zegny koa fiavian’ny Zanak’Olo. ³⁸ Fa kara tamin’ny andra talohan’ny safo-drano nihinagna draiky nigiaka irô, nanambady draiky nampakarigny mandrapavian’ny anadra nidiran’i Noa aganatin’ny sambo fiara tao, ³⁹ Bakô tsy nahay na ino na ino irô mandra-pavian’ny safo-drano kai namono irô jiaby kara zegny hiavian’ny Zanak’Olo. ⁴⁰ Aviô hisy lelahy aroe an-tanimboly agny__ araiky alaigny, araiky ambèla. ⁴¹ Magnangy aroe handisa vary__ araiky alaigny, araiky ambèla. ⁴² Dikany zegny, miambesa, tsy ho hainarô andra avian’ny Tomponarô. ⁴³ Fahainaro iziô, îzika hainy tômpin-tragno hoe amin’ny firy aligny havian’ny mpangalatra, nambèsany izy bakô tsy ho nambèlany ho vaky tragnony. ⁴⁴ Dikany zegny tsy maintsy vôgnono koa anarô, fa ho avy Zank’Olo amin’ny lèra tsy ampoizinarô. ⁴⁵ Kay azôvy mba mpiasa misy jery nirahin’ny sefo nazy hikomdy hankohonany mba hagnamia irô hanigny amin’ny lèra maha mety izy? ⁴⁶ Sambatra i olo zegny izy koa itany sefo nazy magnano zegny amin’ny lèran’izy avy. ⁴⁷ Ambarako aminarô fa sefo nazy io hampanonga izy ho agnabony zaka jiaby anagnany. ⁴⁸ Fa izy koa misy mpiasa mivolagna agnatiny fo nany ao hoe: 'Ela haviany Tompoko,’ ⁴⁹ kay manomboko mamony piasa namany izy, ndraiky mihinagna bakô migiaka miaraka amin-drô mamolava; ⁵⁰ ho avy sefo nany amin’ny andra tsy ho ampoizigny zegny bakô lèra tsy hainy. ⁵¹ Ho tivitivainy sefonany izy bakô ataony kara irô mpiatsaravelatsy anjarany, kay zegny hisy tomoagny migogoko ndraiky nify mivatriky.