¹ Ry zanako, tadremo gny fahedreko; atongilagno amigny fahazava-saiko gny sofinao, ² Ba hianasy momba gny fahamarinana hanao dra hiaro fahalalana gny molosao. ³ Fa gny molosy gny vehivavy pizangazanga mitete tantely dra gny vavany dra malama noho gny diloilo, ⁴ Nefa agny am-parany dra halailay manahaky gny hazo mahafatyizy, manapaky manahaky gny sabatra maragnisy. ⁵ Mizoso magnagny aminigny fahafatesa gny tombony; dra gny liany mizosy ho agny aminigny Fiaigna sy hita. ⁶ Sy mihevisy gny lalanigny fiegna izy. Mirenireny gny lia-tombony; dra sy fatany ze handehanany. ⁷ Mizao, ry zanako, mitenoa anahy; ka mive aminigny gny fitenoa gny zakanigny vavako. ⁸ Alaviro anazy gny lalanao dra ka magneky gny vatrangaranigny tragnony. ⁹ Amizay dra sy hagnome gny voninahisao aminigny hafa hanao na gny tao iegnanao ho anigny olon-dozabe; ¹⁰ Sy hifety aminigny harenao reo vahiny; dra ze fa niasanao dra sy ho avy ao an-tragnon'ireo vahiny. ¹¹ Aminigny faranigny andro-piegnanao dra hiseto hanao gny fa hihaosa gny nofonao vo gny vatanao. ¹² Hizaka hanao ho: "Indrisy gny fakahalako gny fapenara vo fanovanigny foko sinosino gny fanisia! ¹³ Sy nakato reo papianaso zaho na nanongila gny sofiko tamireo pagnanasy anahy. ¹⁴ Fa rava tateraky zaho teo agnevonigny fengona, teo aminigny fivorianigny olo." ¹⁵ Minoma rano boak'ao aminigny famorian-dranonao dra minoma rano malio boak'ao aminigny lava-dranonao. ¹⁶ Moa tokony hiboiboiky na eza na eza ra gny loharanonao dra hikorian'egny akalamazana gny loharanonao? ¹⁷ Aoky honao raiky avo reo fa sy ho an'ireo vahiny mindray aminao. ¹⁸ Ho voatahy anie gny loharanondrareo dra aoky hifaly aminigny valinigny fahatanoranao hanao, ¹⁹ fa diera mahate-ho tia izy vo osidia soa. Aoky hahafa-po anao aminigny fotoa aby gny nonony; aoky ho mamonigny fitiavany mandrakariva anie hanao. ²⁰ Fa nagnino hanao, ry zanako, gny tokony babonigny apela zanga; nagnino hanao gny tokony hamihy gny tratran'ireo apela rasy fitondra-tegna? ²¹ Mahita gny raha ataonigny olon'aby i Yaveh dra magnety gny lala andehanany aby. ²² Gny olo rasy fagnahy dra azonigny fahamelohany avo koa; reo kofehinigny fahota gny hamehenan'anazy fatrasy. ²³ Ho maty nohonigny sy fahapianigny fapianara izy; voatariky agny aminigny lalan-diso nohonigny habeny fahadalany izy.