¹ Fa nanao faneke tamin'gny masoko zaho; vdra ahiko akory gny hagnety ambam-pisiririta gny virijiny? ² Fa ino gny anzara lat'amin'Agnahary ambony, gny lova lat'amin'gny Tsitoha agny amin'gny abo be? ³ Nieriserisy avo zaho fa gny loza dra an'gny olo sy mary, vo gny fahoria gny ho an'gny panao rasy. ⁴ Sa sy hitan'Agnahary ra gny lalako dra isainy gny liako aby? ⁵ No nandeha tamin'gny vandy zaho, no nandeha malaky ho amin'gny fitaky gny tomboko, ⁶ dra aoky zaho ho lanzay amin'gny mizana mbo hahafataran'Agnahary gny fahisiako. ⁷ No niala tamin'gny lala-mary gny liako, no nandeha nagnaraky gny masoko gny foko, no nisy penina nandoto gny tagnako, ⁸ dra aoky zaho hamafy sady aoky zaho hihina gny hafa; eka vatany, aoky ho fongory amin'gny sahako gny vokasy. ⁹ NO voafitaky gny apela gny foko, no nandry tam-piambena teo am-batragnaran'gny piara-belo taminahy gny valiny zaho, ¹⁰ dra aoky gny valiko handisa vary ho an'gny lelahy hafa, dra aoky reo hafa hiakohky eo aminazy. ¹¹ Fa ho heloko bevava mahaory zay; eka vatany, ho heloko bevava ho sazian'gny pisara zay. ¹² Akory zay dra afo zay mandevo gny rah aby ho an'gny Fiegnan-Sy hita vo hangoro gny vokasiko iaby. ¹³ No sy nidary gny fangatahako rariny lat'amin'gny panopoko lelahy na apela zaho nofa nialy hevisy taminahy ereo, ¹⁴ dra ino ra gny hahiko nofa misanga hiapanga anahy Zagnahary? NOfa ho avy hisara anahy Izy, dra akory gny havaliko Anazy? ¹⁵ Sa gny raiky ze nanao anahy tao am-bohoky sy nanao andreo koa? Sa sy raiky avo gny namolavoala anay aby tao am-bohoky? ¹⁶ No nanaka gny olo mahantra tamin'gny fagnirian'ereo zaho, ¹⁷ na no nanapahy gny mason'gny pinday vata tamin'gny fitomagnia, na no nihina gny sombin-kaniko raiky zaho dra sy nanenga ireo ze kamboty hihina anizay koa--- ¹⁸ akory nihalahibe nindray taminahy manahaky gny nindray tamin'gny ra hatramin'gny fahazazako gny zaza kamboty, dra nitariky gny reniny zaho, zay pinday vata,laha tao an-trokin-dreniko ¹⁹ No nahita olo fa ho faty nohon' gny sy fanagna akazo zaho, na no nahita mahantra sy nana akazo; ²⁰ no sy nisaosy anahy gny fony noho izy sy nafana tamin'gny volon'agnondriko, ²¹ no nanandrasy gny tagnako hanohisy gny olo kamboty zaho akory nahita gny fanohanako teo am-bavahadin'gny tana, dra manday fiapanga anahy! ²² No nanao reo raha reo zaho, dra aoky gny soroko hilavo hiala amin'gny tolan-soroko, dra aoky gny sandriko ho tapaky amin'gny tonon-tolany. ²³ Akory natahosy gny fahapoteha lat'amin'Agnahary zaho; nohon'gny voninahiny, dra sy afaky nano reo raha reo zaho. ²⁴ No nanao gny volamena ho fagnatenako zaho, sady no nizaka tamin'gny volamena soa zaho ho: 'Hanao gny atokisako'; ²⁵ no nifaly nohon'gny halahiben'gny hareko zaho, akory nahazo fanagna maro gny tagnako, dra manday fiapanga anahy! ²⁶ No nahita gny masoandro zaho nofa namirapirasy zay, na gny vola mandehandeha amin'gny famirapiratany, ²⁷ vo no voasariky mangingiky gny foko, hany ka nagnoroky gny tagnako so hisiriria andreo gny sogniko--- ²⁸ dra ho heloky bevava hosazian'ireo pisara avo koa zay,akory fa nanda gny Zagnahary ze ao ambony zaho. ²⁹ No nifaly tamin'gny fahapotehan'izay nalay anahy zaho na niarahaba vata nofa trasin'gny loza izy, dra manday fiapanga anahy! ³⁰ Eka vatany, sy nengako hanota aby gny vavako tamin'gny fangataha gny ainy tamin'gny ozo. ³¹ No sy mbo nizaka akory reo olo ao amin'gny laiko ho: "Ia gny afaky mahita gny sy visin'gny sakafon'i Joba' ³² (na gny vahiny az dra sy voatery nizano teo an-kianzan'gny tana, akory nanokasy gny varavarako ho an'gny pandeha avo zaho), vo no sy zay, dra manday fiapanga anahy! ³³ No, nagnavony reo fahotako tamin'gny fagnazaria gny heloko tao agnatin'gny akazo lavako, manahaky gny olombelo zaho ³⁴ (akory natahosy gny maro agn'isa zaho, akory napihorohoro anahy gny sy fidarian'gny fianakavia, hanyka nisigny zaho dra sy nandeha tagny ivelany), dra manday fiapanga anahy! ³⁵ Indrisy, no mbo nisy olo niteno anahy moa! Ingo, tahoky gny soniako; aoky hamaly anahy gny Tsitoha! No mbo nana gny fiapanga ze nosoratan'gny panohisy anahy moa zaho! ³⁶ Handay anizay eo an-soroko vatny zaho, hanaovako manahaky gny satro-boninahisy zay. ³⁷ Hagnmbara aminazy gny isan'gny liako zaho; manahaky gny andriandahy mahatoky gny hekarako agny aminazy. ³⁸ NO mitaray manohisy anahy gny taniko, dra mindray mitomagny gny baingany, ³⁹ no nihina gny vokany fe sy nandoa anizy zaho na nahavy reo topmponu hamy gny ain'ereo, ⁴⁰ dra aoky reo silo gny hisiry fa sy vary dra tsiparifary fa tsy vary ordea." Tapisy gny zakan'i Joba.