¹ Boakeo Joba namaly dra nanao ho: ² " Ndre dra androany aza dra mafaisy gny fitarainako; gny tagnako dra mavesasy nohon'gny fitarainako. ³ Vasa, no bo fatako ze mety hahitako Anazy! Eh, bo hiaviako eo amin'gny toerany! ⁴ Handahasy gny aliko eo anoloany zaho vo hameno gny vavako amin'gny fandresen-dahasy. ⁵ Hianasy reo zaka ze hamaliany anahy zaho dra hahazo ze ho zakany aminahy. ⁶ Hialy hevisy hanohisy anahy amin'gny halahiben'gny fahefany se Izy? Aha, hiteno anahy Izy. ⁷ Agny gny hialy hevisy Aminazy gny olo mahisy. Amin'izay fomba zay gny hagnafahan'gny pisarako anahy maliolio mandrakizay. ⁸ Ingo, mandeha miasinagna zaho, fa sy agny Izy, dra miakandrefa, fe sy mety mahita Anazy zaho. ⁹ Gny agny avarasy, zay iasany, fe sy afaky mahita Anazy zaho, dra gny agny asimo, zay agnavonony gny vatany bo sy hahafahako mahita Anazy. ¹⁰ Fe mahay gny lala zay andehanako Izy; no fa nisedra nahy Izy, dra hiboaky manahaky gny volamena zaho. ¹¹ Nifikisy tamin'gny liany gny tomboko; nifikisy tamin'gny lalany zaho sady sy nivio. ¹² Sy niala tamin'ireo lilin'gny molosiny zaho; gny zakan'gnmy vavany dra nataoko tao am-poko mihoasy noho gny anzara haniko. ¹³ Fa sy manam-paharo Izy, ia gny afaky hamarosy Anazy ndraiky? Izay iriny dra ahiny. ¹⁴ Fa taterahiny hanohisy anahy reo lalany; misy maro manahay reo ¹⁵ Noho zay, mihorohoro zaho eo amin'gny fanatrehany; no fa mieritrerisy gny mahakasiky Anazy zaho, dra matahosy Anazy. ¹⁶ Akory fa nahin'Agnahary malemy gny foko; napihorohoro anahy gny Tsitoha. ¹⁷ Sy nitapery tamin'gny ezy zaho, nohon'gny ezim-be zay misaro gny ezim-piton'gny tarehiko.