¹ Boakeo i Bilidada Sohita namaly dra nizaka ho: ² " Ombia gny hazanonao gny zakanao? Diniho, vo afaran'izay dra hizaka zahay. ³ Nagnino zahay gny hevery sahala gny biby; nagnino zahay gny nazary mola eo amasoniha? ⁴ Hanao ay mamiravira gny vataniha amin'gny fahorianiha, tokony hahafo ho aniha se gny tany sa tokony ho ala eo amin'gny toerany reo vatolampy? ⁵ Eka vatany, ho vono gny fahazavan'gny olo rasy fagnahy; sy hamirapirasy gny pitik'afony. ⁶ Ho mezy gny fahazava ao an-dainy; vo gny ziro eo amboniny dra ho vono. ⁷ Hafohezy ny dingan'gny heriny; gny fikasany avo gny handrava anazy. ⁸ Fa hifahasy agnaty harato amin'gny alalan'gny tombony avo izy; vo hilasaky agnaty vela-pandriky raiky izy. ⁹ Hisy fandriky hahazo anazy amin'gny kitro; dra hihazo anazy gny fandriky. ¹⁰ Misy fandriky raiky mivony ho anazy eo amin'gny tany; vo fandriky raiky ho anazy eo amin'gny lala. ¹¹ Hapatahosy anazy gny fapihorohoroa amin'gny sisiny aby; hagnitriky anazy amin'gny kitrony ereo. ¹² Hivaliky mosary gny hareny, vo ho vono eo agnilany gny loza. ¹³ Gny rasam-batany dra voarapaky; eka vatany, gny volohan-teraky gny fahafatesa dra handrapaky gny ransany. ¹⁴ Voaviravira sy ho amin'gny ferovan'gny lainy izy dra hiboaky magnagny amin'gny pazakan'gny horohoro. ¹⁵ Gny olo ze sy anazy dra honina ao an-dainy afaran'gny hahitan'ereo fa niparitaky tao an-tragnony gny solifara. ¹⁶ Ho maky aby agny ambany gny fakany; vo eo ambony gny hanapaha reo sapany. ¹⁷ Ho foa eto an-tany gny fahasiarova anazy; sy hana agnara an-dalan'egny izy. ¹⁸ Ho andesy boakagny amin'gny mazava ho agny amin'gny ezy izy vo ho voaroaky eto n amin'izao totolo zao. ¹⁹ Sy hana zanaky na zafy eo amin'gny olony izy, na hana sisa tavela amin'ireo fara-mandimby ze nizanagnany. ²⁰ Reo ze mony agny andrefa ddra hiorin-kolisy amy ze hahazo anazy ndraiky andro agny; vo reo ze mony agny asignana dra ho raiki-tahosy amin'izay. ²¹ Azo atoky fa manahaky anizay gny tragnon'gny olo sy mary, dra gny toeran'ereo ze sy mahay an'Agnahary."