¹ Dra namaly Joba dra nano ho: ² " Sy hisalasala fa andrareo gny olo; vo ho faty mindray amindrareo gny fahendre. ³ Fa manna fahazavan-say manahaky andrareo koa zaho; sady sy ambanindrareo zaho. Eka vatany, ia gny sy mahay gny raha sahala anizay? ⁴ Raha fiomehezan'gny piray vodi-rindry aminahy zaho--- Zaho, zay nitoka an'Agnahary vo zay nivaliny! Zaho, lelahy mary sady sy misy signy---nazary raha fiomeheza zaho amizao. ⁵ Amin'gny eriserisy gny olo ze miada, dra misy fagnamavoa lozabe; mieriserisy gny amin'gny fomba zay manday loza maro kokoa ho an'ireo ze solafaky izy. ⁶ Hazary amin'gny lain'ireo malaso, vo mahasiaro milamy ireo ze mapahory an'Agnahary; gny tagnan'ereo avo gny zagnaharin'ereo. ⁷ Fa amizao agnotanio reo bibidia, dra hapianasy aniha ereo; agnotanio reo voron'gny lagnisy, dra hizaka aminiha ereo. ⁸ na miresaha amin'gny tany, ra hapianasy aniha zay; hagnambara aminiha reo fian-dranomasy. ⁹ Biby ino ami'ireo iaby reo gny sy mahay fa gny tagnan'i Yaveh gny nanao anizao? ¹⁰ Eo an-tagnany gny ain'gny raha-managn'ay aby vo gny fofon'ain'gny olombelo aby. ¹¹ Sy gny sofy se gny mamatasy gny zaka gny lagnilagny manandra gny siron'gny hany? ¹² Ao amin'gny anti-dahy gny misy gny fahendre; ao amin'gny fahalavan'gny andro gny fahazavan-say. ¹³ Mana fahendre vo hery Zagnahary; mana torohevisy vo fahazavan-say Izy. ¹⁴ Ingo, mandrava Izy, sady sy afaky hamboary ndraiky zay; no magnagadra olo raiky Izy, dra sy hisy fanafaha. ¹⁵ Ingo, no mihazo reo rano Izy, ho risy reo; vo no mandefa anizay ivelany agny izy, dra manafosy gny tany reo. ¹⁶ Aminazy ao gny hery vo fahendre; gny vahoaky ze voafitaky vo gny pamitaky dra samby eo amin'gny fahefany. ¹⁷ Magnalaky voaninahisy gny panolon-say amin'gny alahelo Izy; vo mampoly reo pisara ho mola Izy. ¹⁸ Alao amin'ireo pazaka gny rojom-pahefa; napagnisy lamba gny valahany erei. ¹⁹ Magnalaky gny voninahisy gny pisoro amin'alahelo Izy sady mandrava gny olo mahery. ²⁰ Manaisotry gny lahatenin'ireo ze nitokia Izy sady alany amin'ireo loholo gny fahazavan-say. ²¹ Mandasaky fagnamavoa amin'gny andrian-dahy Izy sady mamaha gny fehi-trokin'gny olo-matazaky. ²² Manoro raha laliky boakao amin'gny ezy Izy vo manday gny aloky ze misy reo olo maty hiboaky ho amin'gny fahazava. ²³ Mapatazaky reo firene Izy, vo mamnorotoro anazy reo avo koa; magnitasy reo firene Izy, sady mitariky ireo manahaky gny voafonza avo koa Izy. ²⁴ Mangalaky gny fahazavan-say amin'ireo pitariky gny olon'gny tany Izy; mahavy andreo hirenireny an'efisy sy misy lala agny Izy. ²⁵ Misapasapa ao amin'gny ezy sy misy hazava ereo; vo mapivembe andreo manahaky gny olo maro.