¹ Dra Zofara Namatita namaly dra nizaka ho: ² " Sy tokony ho valia se gny zaka maro manahaky anizay? Tokony hinoa se, tiky lelahy, be resaky tiky? ³ Tokony hapisigny reo hafa se gny fireharehanao? No manevateva gny fapianaranay hano, sy hisy olo hapahamegnasy anao se? ⁴ Akory hao nizaka tamin'Agnahary ho: 'Malio gny finoako, sy mana-signy eo amasonao zaho.' ⁵ Fe, eh, hizaka Zagnahary dra hanokasy gny molosiny hanohisy anao; ⁶ mbo haharezany anao reo siambaratelon'gny fahendre!Fa lahibe amin'gny fahazavan-say Izy. Fataro se fa masaiky noho ze mendriky gny helokinao gny angatahin'Agnahary aminao. ⁷ Mahatakasy an'Agnahary amin'gny fitaliava Anazy se hanao? Takasinao tateraky se gny Tsihoha? ⁸ Zay raha zay dra abo manahaky gny lagnisy: ino gny afaky ahinao? Laliky noho gny Fiaigna-sy hita zay; ka ino gny fatasinao? ⁹ Gny refin'izay dra lava noho gny tany, vo lahibe noho gny ranomasy. ¹⁰ No mandalo Izy ka mapisigny olo, no mitoka olo ho saray Izy, dra ia gny afaky hanaka Anazy? ¹¹ Fa Izy mahay gny olo diso; no fa mahita heloky Izy, sy ho talakiny se zay? ¹² Fe gny olo mola sy mana fahatakara: ho azon'ereo zay no fa miteraky olo gny apondra-dia. ¹³ Fe hevero fa nametraky soa gny fonao hanao sady fa nagnosotry gny tagnanao ho amin'Agnahary; ¹⁴ hevero ho eo atagnanao gny heloky, fe boakeo dra nohalavirinao lavisy anao zay, vo sy nanenga gny sy fahamarigna hipetraky ao an-dainao hanao. ¹⁵ Dra hanandrasy gny tarehinao sy misy famatara hegnasy vatany hanao; eka vatany, sy hiovaova hanao sady sy hatahosy. ¹⁶ HAgnaligno gny fahorianao hanao; ho sarovanao sahala gny rano zay niroro avo zay. ¹⁷ Hamirasy noho gny amin'gny mitataovovona gny fiaiagnanao; ndre dra nisy ezy aza, dra hazary manahaky gny maraindray zay. ¹⁸ Ho voaaro hanao akory misy fanatena; eka vatany, hahita fiarova momba anao hanao sady hana fisahara am-pilamigna. ¹⁹ Handr am-pisahara koa hanao, vo sy misy olo hapitahosy anao; eka vatany, maro gny hitalia siagnahy aminao. ²⁰ Fa ho pahy gny mason'gny olo rasy fagnahy; sy hahita lala hilefa ereo; gny hany fanatenan'ereo dra gny fialan'ay farany."