¹ Gny fahitan'Isaia zanak'i Amosa, ze hitany nahakasiky an'i Joda vo Jerosalema, tamin'gny andron'i Ozia, Jotama, Ahaza, vo Hezekia, pazakan'i Joda. ² Mitenoa, ry lagnisy, dra manongilana sofy, ry tany; fa nizaka Yaveh ho: " Fa namaha vo niteza gny zaza Zaho, nefa nikomy Taminahy ereo. ³ Gny agnomby mahay gny topony, vo gny boriky mahafatasy gny tavy famahanan'gny topony anazy, kanefa sy fatasy gny Israely, sy takasy gny Israely. ⁴ Loza! Ry firene, panota, vahoaky mavesa-keloky, taranaky panao rasy, zanadahy panao meloky! Fa nahafo an'i Yaveh ereo, fa nanao sinosino an'gny Raiky Masin'Israely ereo, fa napihemosy gny vatan'ereo taminazy ereo. ⁵ Nagnino handrareo gny mbo vaozera? Nagnino handrareo gnymikomy hatragny hatragny? Marary gny loha manotolo, torova tateraky gny fo. ⁶ Sy misy farisy sy maratry hatramin'gby faladia ka hatragny amin'gny loha; fery, vo manga vo rasy vao avo; mbo sy voakato, voalio, na nofehezy, na nosaboy tamin'gny dililo aby regny. ⁷ Rava gny firenendrareo; may reo tagnandrareo; reo sahandrareo_eo amin'gny fagnatrehandrareo, gny hamotehan'gny olo hafa firene ireo_foa sady rava, naringan'ireo olo hafa firene. ⁸ Gny zanaky apelan'i Ziona dra nenga manahaky gny tragno bongo egny an-tanim-boaloboky, manahaky gny fandria egny amin'gny sahana kaokaombira, sahala gny tana mahy fahirano. ⁹ No sy nanenga sisa keliky tamisika i Yaveh Tompon'gny maro, fa manahaky an'i Sodoma sika tahaky anizay, fa nitovy tamin'i Gomora tahaky anizay. ¹⁰ Maharegneza gny zakan'i Yaveh, handrareo ry panapak'i Sodoma; mitenoa gny lalan'Agnaharisika, handrareo ry vahoakin'i Gomora ho: ¹¹ "Ino zay fahamaroan'gny sorondrareo ho Anahy?" ho YAveh." Fa tofoky gny agnondrilahy ahy fagnatisy oroa ZAho, vo gny zaboran'gny biby mifahy; ka sy sitrako gny lion'gny agnombilahy, zanak'agnondry, na aosy. ¹² No fa avy hiseho eto agnatrehako handrareo, ia gny nangataky anizay tamindrareo, mbo hagnisaky gny kianzako? ¹³ Ka manday fagnati-pahatany sasy; fahavetaveta gny ditin-kazy magnisy aminahy, gby vola vaovao vo gny Sabata fiangona_sy afaky gny hilefisy amin'iregny fiangonan-drasy regny Zaho. ¹⁴ Halako reo vola vaovaondrareo vo reo firavoravoa voatondrondrareo, eta-mavesasy ho Anahy regny; ketraky amin'gny fihareta regny Zaho. ¹⁵ Koa dra no fa mamelasy gny tagnandrareo amin'gny vavaky handrareo, dra magnavony gny masoko sy ho amindrareo Zaho; ndre dra manolosy vavaky maro aza handrareo, dra sy hiteno Zaho; feno lio gny tagnandrareo. ¹⁶ Sasao, diovy gny vatandrareo; alao sy ho eo amasoko gny faharasin'ireo asandrareo; mizanogna amin'gny faharasia; ¹⁷ mianara manao gny soa; mitaliava gny rariny, ahisio gny fapahoria, magnomeza rariny ho an'ireo kamboty, arovy gny mananon-tegna. ¹⁸ " Avia se, ndao sika hiaraky hifandiniky," ho Yaveh; "Ndre dra manahaky gny zaky se gny fahotandrareo, dra ho fosy sahala gny oram-panala regny, ndre dra mena sahala gny sily aza regny, dra ho sahala gny volon'agnondry fosy. ¹⁹ No magneky sady makato handrareo, dra hihina gny soa boakamin'gny tany, ²⁰ fa no manda sady mikomy handrareo, dra ho levonin'gny amesa," fa gny vavan'i Yaveh gny mizaka anizay. ²¹ Indrisy, nazary zanga gny tana mahatoky! Izy zay feno rariny_izy zay feno fahamarigna, fa amizao kosa izy feno pamono olo. ²² Niova ho tain-dredriky gny volafosindrareo, miharo rano gny divaindrareo. ²³ Ireo andriandrareo dra pikomy vo sakezan'gny pandrava; tia kolikoly aby gmny iaby vo fatra-pitalia tombony. Sy miaro gny kamboty ereo, ndre gny fitoreva ara-dalan'gny mananon-tegna zay avy eo agnatrehan'ereo. ²⁴ Noho zay dra zao gny fagnambaran'i Yaveh Tompon'gny maro, gny Maherin'Israely ho: " Loza ho andreo! Hanao valifaty ho an'ireo pifagnindra aminahy Zaho, sady hamalifaty reo fahavaloko Zaho; ²⁵ hapihery gny tagnako amindrareo Zaho, hagnadio gny tain-drendrikindrareo sahala gny amin'gny karbonetra Zaho, sady hangala gny tain-drendrikindrareo aby amindrareo. ²⁶ Hapihery amin'gny laoniny reo pisarandrareo sahala gny tamin'gny volohany Zaho, vo reo panolon-saindrareo sahala gny tamin'gny vo nanomboky; afaran'izay handrareo dra ho tokavy ho tanan'gny fahamarigna, tana mahatoky. ²⁷ Ho voavonzy amin'gny rariny i Ziona, vo reo pibebany amin'gny fahamarigna. ²⁸ Hindray ho torotoro gny pikomy vo gny panota, vo reo ze nahafo an'iYaveh dra ho vita gny aminazy. ²⁹ " Fa ho afa-baraka handrareo amin'ireo hazo terebinta masy zay nirindrareo fatrasy, sady ho megnasy handrareo amin'ireo saha zay fa nofilindrareo. ³⁰ Fa hanahaky gny hazo terebinta raiky zay mihisan-draviny handrareo, vo sahala gny saha zay sy misy rano. ³¹ Gny lelahy mahery dra manhaky gny vohavoha, vo gny sany sahala gny pitik'afo; hindray ma ereo ro reo, vo sy misy hamono gny afon'ereo.