¹ Ho Izy taminahy ho: " Ry zanak'olo, misangana; vo dra hizaka aminao Zaho." ² Tafaran'izay, gny mbo nizaka taminahy Izy, dra nilisy tao agnatiko gny Fagnahy dra napisanga anahy, dra reko Izy mizaka aminahy. ³ Ho Izy taminahy ho: " Ry zannak'olo, mandefa anao ho agny amin'gny vahoakin'Israely Zaho, agny amy reo firene pikomy ze nikomy taminahy---ndre ereo ndrereo razambeny dra samy nanota taminahy mandrak'androany! ⁴ Mana endriky maheriloha vo fatrasy fo reo taranak'ereo. Magniraky anao ho agny amin'ereo Zaho, dra hizaka amin'ereo hanao ho: ' Zao gny zakan'gny Tompo Yaveh.' ⁵ Ndre ereo hiteno ndre ereo sy hiteno. Taranaky pikomy ereo, nefa farafahakeliny ereo hahalala fa paminany gny teo amin'ereo. ⁶ Hanao, ry zanak'olo, ka matahosy andreo na gny zakan'ereo. Ka matahosy, ndre dra misy silo aza hanao vo ndre dra miay mindray amin'gny maingoky aza hanao. Ka mifezaky amin'ny zakan'ereo na reki-tahosy amin'gny tarehin'ereo, akory taranaky pikomy ereo. ⁷ Fe hanao hizaka amin'ereo gny zakako, na hiteno ereo na sia, akory pikomy fatrasy ereo. ⁸ Fa hanao, ry zanak'olo. tenoy ze zakako anao. Ka ba pikomy manahaky rgny taranaky pikomy regny. Sokafy gny vavanao dra hano ze fa omeko anao! ⁹ Boakeo dra nagnety zaho, vo nisy tana nisosy teo aminahy; nisy horonan-taratasy voasorasy tao agnatin'izay. ¹⁰ Novelariny teo agnatrehako zay; samby voasorasy aby ndre gny anoloa ndre gny ambaliky, vo gny voasorasy teo amin'izay dra fitaregna, fandala, vo loza.